వైఎస్ విజయమ్మ, తన కుమారుడితో కలిసి స్థాపించిన వైఎస్సార్ కాంగ్రెష్ పార్టీకి రాజీనామా చేశారు. ఆ పార్టీ గౌరవాధ్యక్షురాలిగా ఇప్పటిదాకా పని చేసిన విజయమ్మ, గతంలో వైసీపీ ఎమ్మెల్యేగానూ పనిచేసిన సంగతి తెలిసిందే.అయినా, వైఎస్ విజయమ్మ ఎందుకు వైసీపీకి రాజీనామా చేయాల్సి వచ్చింది.?
‘కుమార్తె వైఎస్ షర్మిల తెలంగాణలో ఒంటరిగా పోరాటం చేస్తోంది. ఆమెకు అండగా వుండాల్సిన బాధ్యత కన్న తల్లిగా నా మీద వుంది.. అందుకే రెండు పార్టీలలో వుండడం సబబు కాదు గనుక, వైఎస్సార్ కాంగ్రెస్ పార్టీకి రాజీనామా చేస్తున్నాను..’ అని వైఎస్ విజయమ్మ చెప్పారు.
వైఎస్ విజయమ్మ స్థానంలో వైఎస్ రాజశేఖర్ రెడ్డి వుంటే ఏం మాట్లాడి వుండేవారు.? అన్న చర్చ వైఎస్సార్ అభిమానుల్లో జరుగుతోంది.
వైఎస్సార్ వుండి వుంటే, అసలంటూ ఉమ్మడి తెలుగు రాష్ట్రం రెండుగా విడిపోయేదే కాదన్నది ఓ వాదన. ఒకవేళ విడిపోయి వుంటే.?
ఏముంది, ఏపీలో వైఎస్ రాజశేఖర్ రెడ్డి ముఖ్యమంత్రిగా వుండేవారేమో. కొత్త పార్టీ పెట్టాల్సి వుంటే, ఆ పార్టీకి వైఎస్ జగన్ అధ్యక్షుడై, వైఎస్ రాజశేఖర్ రెడ్డి గౌరవాధ్యక్షకుడిగా వుండాల్సి వస్తే.. అప్పుడు షర్మిల, తెలంగాణలో పార్టీ పెడితే.? ఇవన్నీ చాలా చాలా లోతుగా ఆలోచిస్తే వచ్చే ప్రశ్నలు మాత్రమే.
సరే, ఆ ప్రశ్నలకు సమాధానం ఏమై వుంటుంది.? ఇంకేమవుతుంది, వైఎస్ రాజశేఖర్ రెడ్డి కూడా వైఎస్ జగన్ మోహన్ రెడ్డి పెట్టిన పార్టీని వదిలేసి, తెలంగాణలో తన కుమార్తె పార్టీకి మద్దతిచ్చే పరిస్థితి వచ్చేదేమో.? అలాంటి అవకాశం వుంటుందా.? వైఎస్ రాజశేఖర్ రెడ్డిని అయితే వైఎస్ జగన్ వదులుకుంటారా.?
వైఎస్ విజయమ్మ, విశాఖ నుంచి లోక్ సభకు పోటీ చేసి ఓడిపోయారు. దాంతో, ఆమెను వైఎస్సార్ కాంగ్రెస్ పార్టీ లైట్ తీసుకుంది. ఆమె వల్ల పార్టీకి ప్రయోజనం లేదు కాబట్టి, వదిలించుకుంది.. అనే వాదనలకు బలం చేకూరుతోంది. రాజకీయం అంటేనే అంత.! అంతేనా.?
ఎవరో ఏదేదో విమర్శలు చేస్తున్నారనీ, ఏవేవో ఆరోపణలు చేస్తున్నారనీ, అడ్డగోలు రాతలు మీడియాలో కనిపిస్తున్నాయనీ విజయమ్మ చెప్పారుగానీ.. ఆమెకైనా అర్థమవుతోందా.? ఓ పార్టీ గౌరవాధ్యక్షురాలిగా వుండి.. ఆ పార్టీ కోసం పని చేసి, రాష్ట్ర ప్రజల తరఫున నిలబడాల్సింది పోయి.. ఇంకో రాష్ట్రానికి వెళ్ళడమేంటి.?
మీడియా అంటే మెయిన్ స్ట్రీమ్ మీడియా, కొందరు వైసీపీ వ్యతిరేకులు.. అనుకుంటే పొరపాటే. మీడియా అంటే నిజానికి, ప్రజల వాయిస్. సోషల్ మీడియాలో ఎలాంటి చర్చ జరుగుతోందో విజయమ్మకు తెలియకుండా వుంటుందా.? ప్రజలేమనుకుంటున్నారో ఆమె అర్థం చేసుకోలేరా.?
812695 464800Some truly excellent articles on this internet site , regards for contribution. 117531
15155 573584There is visibly a bunch to know about this. I believe you created various very good points in capabilities also. 446118