‘తెలంగాణ రాష్ట్రానికి సంబంధించినంతవరకు కరోనా వైరస్‌ అదుపులోనే వుంది.. ప్రజలెవరూ ఆందోళన చెందాల్సిన పనిలేదు..’ అని ప్రభుత్వం ఇప్పటిదాకా చెబుతూ వచ్చింది. మొదట్లో అయితే, కరోనా వైరస్‌ ప్రభావం అసలు తెలంగాణపై పెద్దగా వుండబోదని కూడా ప్రభుత్వం చెప్పిందిగానీ.. ఆ తర్వాత సీన్‌ మారిపోయింది. నిన్నటికి నిన్న కేవలం హైద్రాబాద్‌లోనే 300కి పైగా కరోనా పాజిటివ్‌ కేసులు నమోదయ్యాయి. ఇప్పటిదాకా నమోదైన రోజువారీ కేసుల్లో ఇదే అత్యధికం. పైగా, తెలంగాణలో అత్యల్పంగా జరుగుతున్న పరీక్షల్లోనే ఇన్ని కేసులు నమోదవడం అందర్నీ భయాందోళనలకు గురిచేస్తోంది.
హైద్రాబాద్‌ అంటే మెట్రో నగరం.. సుమారు కోటి మంది జనాభా జీహెచ్‌ఎంసీ పరిధిలో వున్నారు. ఈ జీహెచ్‌ఎంసీ పరిధిలోనే ఒకే రోజు 300కి పైగా కేసులు నమోదవడమంటే చిన్న విషయం కాదు కదా.! ప్రైవేటు ఆసుపత్రుల్లో కరోనా వైద్య చికిత్సలు షురూ అయ్యాయి.. ప్రైవేట్‌ ల్యాబ్‌లు కూడా కరోనా పరీక్షలు నిర్వహిస్తున్నాయి. జనం స్వచ్ఛందంగా వైద్య పరీక్షల కోసం ముందుకొస్తున్నారు.. అటు ప్రభుత్వాసుపత్రులతోపాటు, ఇటు ప్రైవేటు ఆసుపత్రులవైపూ పరుగులు పెట్టాల్సి వస్తోంది. సీజన్‌ మారిన దరిమిలా, సాధారణ జలుబు.. జ్వరాన్ని కూడా కరోనా వైరస్‌గా అనుమానించాల్సిన పరిస్థితి. ఈ తరుణంలో కరోనా పాజిటివ్‌ కేసులు అనూహ్యంగా పెరగడంతో నగరవాసి తీవ్ర భయాందోళనలకు గురవుతున్న మాట వాస్తవం.
అయితే, చాలా చోట్ల సోషల్ డిస్టెన్సింగ్‌ అన్న ఆలోచనే నగరవాసుల్లో కన్పించకపోవడం బాధాకరం. పొరుగు రాష్ట్రం ఆంధ్రప్రదేశ్‌లో తెలంగాణతో పోల్చితే ఎక్కువ కేసులు నమోదువుతున్నా.. అక్కడ కరోనా టెస్టులు కూడా చాలా చాలా ఎక్కువగా జరుగుతున్నాయి. ఆ స్థాయిలో తెలంగాణలో కరోనా టెస్టులు జరిగితే.. కరోనా కేసుల విస్ఫోటనం ఏ స్థాయిలో వుంటుందోనన్న ఆందోళన ప్రజల్లో వ్యక్తమవడం సహజమే.
మరోపక్క, హైకోర్టు పదే పదే కరోనా వైరస్‌ విషయంలో తెలంగాణ ప్రభుత్వానికి మొట్టికాయలు వేస్తోంది. పరీక్షలు తక్కువగా జరుగుతుండడం, వైద్య సిబ్బందికి కరోనా సోకడంపై హైకోర్టు అక్షింతలతోపాటు, విపక్షాల నుంచీ ఒత్తిడి పెరుగుతోంది. ఎంపిక చేసిన ప్రాంతాల్లో వారం పది రోజుల్లో పెద్దయెత్తున కరోనా పరీక్షలు నిర్వహిస్తామని ప్రభుత్వం కొద్ది రోజుల క్రితం ప్రకటించినా.. ఆ స్థాయిలో పరీక్షలు జరగడంలేదన్న విమర్శలు లేకపోలేదు.
ఇక, కరోనా మరణాలూ తెలంగాణలో చాలా ఎక్కువగా వున్నాయి ఆంధ్రప్రదేశ్‌తో పోల్చితే. ఇది మరింత ఆందోళన కలిగించే విషయం. ‘కేసీఆర్‌ మీడియా ముందుకొచ్చి ప్రజలకు భరోసా ఇవ్వాలి..’ అనే డిమాండ్‌ క్రమక్రమంగా పెరుగుతోంది తెలంగాణలో.
388329 337595excellent day, your site is actually unquie. Anways, i do appreciate your work 498702
595418 169000There a few intriguing points over time here but I dont know if I see them all center to heart. There exists some validity but Let me take hold opinion until I look into it further. Extremely excellent post , thanks and now we want more! Included with FeedBurner at the same time 818781