పోసాని వ్యధ: ఏంటా పంజాబీ అమ్మాయి కథ.!

పంజాబీ అమ్మాయి ఎవరో సినీ పరిశ్రమకు వచ్చి ఓ సినీ ప్రముఖుడి చేతిలో మోసపోయిందని సినీ నటుడు, రచయిత, దర్శకుడు పోసాని కృష్ణమురళి తెగ ఆవేదన చెందేశారు. పవన్ కళ్యాణ్, ఆ అమ్మాయికి న్యాయం చెయ్యాలని కూడా కోరేశాడు. పవన్ కళ్యాణ్ రెమ్యునరేషన్ పది కోట్లే అయితే, తాను నాలుగు సినిమాలు ఆయనతో నిర్మిస్తాననీ సెలవిచ్చాడు.

అరరె, పోసాని మతి ఎందుకింతలా భ్రమించింది.? పంజాబీ అమ్మాయి సంగతి తర్వాత, బెంగళూరు ప్యాలెస్‌లో రాసలీలల సంగతేంటి.? అది కూడా పోసాని చెబితే బావుంటుంది. పవన్ కళ్యాణ్ మీద విమర్శలు చేయడానికి ఏ స్థాయిలో ‘పేటీఎం’ జరిగిందోగానీ, పోసాని.. ‘అంతకు మించి’ అనే స్థాయిలో ‘అతి’ చేశారు. ఎందుకంటే, ‘అతి’కి ఆయన కేరాఫ్ అడ్రస్.

పోసానితో ఇలా విమర్శలు చేయించి, అలా పేటీఎం కార్మికుల్ని బులుగు పార్టీ రంగంలోకి దించింది. ఓ హీరోయిన్ పేరునే కాదు, ఆమె ఫొటోని కూడా ప్రచారంలోకి తెచ్చింది పేటీఎం బ్యాచ్. ఆమె కొన్ని సినిమాల్లో నటించిన హీరోయిన్. పవన్ కళ్యాణ్ అంటే ఆమెకు అభిమానం. ప్రధాని నరేంద్ర మోడీ పట్ల అభిమానం కూడా వుంది. అంతేనా, మన్మోహన్ సింగ్ అంటే కూడా ఆమెకు అభిమానం. కేసీయార్ మీదా ప్రశంసలు గుప్పిస్తుంటుంది. వైఎస్ జగన్ మోహన్ రెడ్డిని అభినందించిన సందర్భాలూ వున్నాయి. పలు సందర్భాల్లో ప్రస్తుత రాజకీయాల గురించీ ఆమె సోషల్ మీడియా వేదికగా స్పందిస్తుంటుంది.

గతంలో పవన్ కళ్యాణ్‌తో ఆమెకు లింకులు అంటగట్టినప్పుడు, ‘మీది ఏ జాతి.? ’ అని నిలదీసిందామె సోషల్ మీడియా వేదికగా. అంతే కాదు, తన మీద జరుగుతున్న ట్రోలింగ్‌పై పోలీసులకు కూడా ఫిర్యాదు చేసింది ఆ పంజాబీ అమ్మాయి. నిజానికి, ఆమె హైద్రాబాద్‌లో పుట్టిపెరిగిన అమ్మాయి. పంజాబీ మూలాలున్న తెలుగమ్మాయ్. ఈ వ్యవహారంపై ఆమె ఎలా స్పందిస్తుందోగానీ, ఒకవేళ ఆమె కూడా వైసీపీ ట్రాప్‌లో పడిపోతే.? వ్యూహాత్మకంగానే వైసీపీ ఆమె పేరుని తెరపైకి తెస్తోందన్న వాదనే నిజమైతే.? ఇప్పుడు జరుగుతున్న రాజకీయ రచ్చ ఇంకో లెవల్‌లో ముందు ముందు వుండబోతోందన్నది నిర్వివాదాంశం.