శశికళ గురించి పెద్దగా పరిచయం అక్కర్లేదు. తమిళనాడు మాజీ సీఎం దివంగత జయలలిత ఇష్ట సఖి. అక్రమ ఆస్తుల కేసులో కర్ణాటక జైలులో శిక్ష అనుభవిస్తున్నారు. అప్పట్లో కొన్ని రాజకీయ లెక్కల కారణంగా ఆమె జైలుకు వెళ్లాల్సి వచ్చింది. శశికళకు నాలుగేళ్ల శిక్ష పడగా.. 2017 ఫిబ్రవరి నుంచి జైలులో ఉన్నారు. అది వచ్చే ఏడాది ఫిబ్రవరికి ముగియనుంది. అయితే, అంతకంటే ముందుగానే వచ్చేనెల 14కి శశికళ విడుదల అవుతారంటూ బీజేపీ సీనియర్ నేత ఆశీర్వాదం ట్వీట్ చేయడం సంచలనంగా మారింది. అసలు ఏ లెక్కన ఆమె ఆరు నెలల ముందుగా విడుదల అవుతారనే విశ్లేషణలు సాగాయి. సత్ప్రవర్తన, ఇతర అంశాల ప్రాతిపదికన ఆగస్టు 15నాటికి ఖైదీలను విడుదల చేసే సంప్రదాయం ఉంది కదా? అందులో భాగంగా శశికళ విడుదలయ్యే అవకాశం ఉందన్నది వాటి సారాంశం.
అయితే, ఇక్కడ సత్ప్రవర్తన ఒక్కటే కాకుండా రెమిషన్ వంటి ఇతర అంశాలూ పరిగణనలోకి తీసుకుంటారు. ఇది ఆయా రాష్ట్రాల జైళ్ల శాఖ నిబంధనల మీద ఆధారపడి ఉంటుంది. సాధారణంగా ఏ ఖైదీలైనా తమ శిక్షా కాలంలో మూడింట రెండొంతుల శిక్షా కాలం అనుభవిస్తే వారికి రెమిషన్ వర్తిస్తుంది. ఇప్పటివరకు శశికల 40 నెలల 16 రోజుల శిక్ష అనుభవించారు. అంతకుముందు 1996లో 13 రోజులు, 2004లో 22 రోజులు జైలులో ఉన్నారు. అది కూడా లెక్కలోకి వస్తుంది. ఒకవేళ పెరోల్ మీద బయట ఉంటే ఆ రోజులు మైనస్ చేస్తారు. శిక్షాకాలంలో శశికల మొత్తం 20 రోజులపాటు పెరోల్ పై ఉన్నారు.
ఇక కర్ణాటక జైలు నిబంధనల ప్రకారం ఖైదీలు ఎవరైనా కన్నడం నేర్చుకుంటే వారికి నెలకు 6 రోజుల రెమిషన్ లభిస్తుంది. అంటే ఏడాదికి 72 రోజులు. ఆ లెక్కన శశికళకు 240 రోజుల రెమిషన్ వర్తిస్తుంది. ఈ లెక్కడ తొమ్మిది నెలల ముందే ఆమె విడుదల కావడానికి మార్గం ఏర్పడింది. ఇదే విషయాన్ని ఆమె లాయర్ ఎన్. రాజా సెంధూర్ పాండియన్ వివరించారు. గతేడాది డిసెంబర్ నాటికే ఆమెకు విడుదలయ్యేందుకు అవకాశం లభిస్తుందని పేర్కొన్నారు. తాను ఈ విషయంపైనే పోరాడుతున్నట్టు చెప్పారు. కోర్టు అడిగితే పూచీకత్తు ఇచ్చేందుకు వీలుగా రూ.10 కోట్లు కూడా సిద్ధంగా ఉంచుకున్నట్టు చెప్పారు.
అయితే, తనకు జైలులో అన్ని రకాల వసతులు కల్పించేందుకు జైలు అధికారులకు శశికళ లంచం ఇవ్వడానికి ప్రయత్నించారంటూ ఐపీఎస్ అధికారి రూపా మౌడ్గిల్ చేసిన ఆరోపణలు సంచలనం కలిగించాయి. కానీ ఈ వ్యవహారంపై ఏర్పాటైన కమిటీ అలాంటిది ఏమీ జరగలేదని నివేదిక ఇచ్చినట్టు సెంధూర్ తెలిపారు. కర్ణాటక జైలు నిబంధనలు, రెమిషన్లు.. ఇలాంటివన్నీ పక్కనపెడితే, ఆమె విడుదల పూర్తిగా రాజకీయ నిర్ణయంపై ఆధారపడి ఉంటుందనడంలో ఎలాంటి సందేహం లేదు.
ప్రభుత్వ పెద్దలు తలుచుకుంటే ఆమె విడుదలకు ద్వారాలు తెరుచుకున్నట్టే. పైగా ఆమెకు అనుకూలంగా బీజేపీ నేతల స్టేట్ మెంట్లు రావడం గమనార్హం. శశికళ ఆగస్టు 14న విడుదల కావడం ఖాయమని ఆశీర్వాదం ట్వీట్ చేయగా.. బీజేపీకి చెందిన మరో సీనియర్ నేత సుబ్రమణ్య స్వామి సైతం శశికళ పట్ల సానుకూలంగానే మాట్లాడటం విశేషం. శశికళ విడుదలైతే తమిళనాడు రాజకీయాల్లో సరికొత్త మార్పులు చోటుచేసుకోవడం ఖాయమని ఇటీవల స్వామి వ్యాఖ్యానించారు. రాజకీయాలను, ఆమెను వేరుగా చూడటం కుదరదన్నారు. ఆమెకు అద్భుతమైన ప్రతిభ ఉందని, చాలామంది ఆమె వెన్నంటి ఉండటం ఖాయమని పేర్కొన్నారు.
అయితే, సుప్రీంకోర్టు నిబంధనల ప్రకారం ఏదైనా కేసులో శిక్ష అనుభవించిన వ్యక్తి కనీసం ఆరేళ్ల పాటు ఎన్నికల్లో పోటీ చేయడానికి వీల్లేదు. ఈ నేపథ్యంలో ఆమె వెనకుండి రాజకీయాల్ని నడిపిస్తారనే వ్యాఖ్యలు వినిపిస్తున్నాయి. మరి ఆమె రాకను ప్రస్తుత తమిళనాడు సీఎం పళనిస్వామి ఎలా ఎదుర్కొంటారో చూడాలి.
419483 628386There is noticeably a good deal to realize about this. I suppose you made certain nice points in attributes also. 877821
568809 243179Hello! I could have sworn Ive been to this blog before but soon after browsing by way of some of the post I realized it is new to me. Anyways, Im undoubtedly happy I located it and Ill be book-marking and checking back regularly! 15721
242692 990766Thanks for an additional informative post. Exactly where else could anyone get that kind of info in such a simple to comprehend way of presentation. 734074
866293 769924conclusion that you are absolutely right but some call for to be 582411
344536 722214Oh my goodness! an incredible write-up dude. Thanks a ton However We are experiencing concern with ur rss . Dont know why Cannot enroll in it. Can there be any person obtaining identical rss dilemma? Anyone who knows kindly respond. Thnkx 819131
193933 591855Woh I enjoy your content , saved to favorites ! . 534729