Pawan Kalyan: ప్రస్తుతం ఆంధ్రప్రదేశ్‌ రివర్స్ గేరులో జగన్న స్టిక్కర్స్ అంటించుకొని 100 కిమీ వేగంతో వెనక్కు దూసుకుపోతోంది. కనుక ఏపీని కాపాడే నాధుడు ఎవరా? అని ప్రజలందరూ దిక్కులు చూస్తున్నారు. వైసీపీ, టిడిపి, బిజెపి నాయకులతో పోలిస్తే జనసేనాని పవన్ కళ్యాణ్ మాటల్లో చాలా నిజాయితీ కనిపిస్తుంటుందని అందరికీ తెలుసు. కనుక ఆయన ఓ చిన్న ఆశాకిరణంగా కనిపిస్తున్నారు.
అయితే వేలకోట్లు పోగేసుకొని రాజకీయ చదరంగం ఆడుతున్న మన దేశముదురు రాజకీయ నాయకులతో ఆట ఆడాలంటే ఇంకా ఏదో చేయాలి. ఇంకా గట్టిగా నిలబడాలి. ఇంకా గట్టిగా ఢీకొనాలి. రాజకీయాలకు ఇంకా ఎక్కువ సమయం కేటాయించాలి. వైసీపీ, టిడిపి, బిజెపి పార్టీలలోగా జనసేనలో కనీసం ఓ పాతికమంది నేతలను రాష్ట్ర ప్రజలందరూ గుర్తించేలా చేసుకోవాలి.
రాజకీయాల కంటే రాష్ట్ర ప్రయోజనాలే తనకు ముఖ్యమని చెపుతున్నమాటను పవన్ కళ్యాణ్ చేతలలో చూపించాలి. వైజాగ్‌ స్టీల్‌ ప్లాంట్‌ ప్రయివేటీకరణకు ఢిల్లీ పెద్దలతో మాట్లాడి బ్రేకులు వేయించగలిగారు గానీ కొంతకాలమే ఆపగలిగారు. కేంద్రం వైజాగ్‌ స్టీల్‌ ప్లాంట్‌ అమ్మకానికి పెట్టేస్తే, ఏపీలో బిఆర్ఎస్ ప్రవేశానికి ఇదో గొప్ప అవకాశంగా గుర్తించిన కేసీఆర్‌ చురుకుగా పావులు కదిపి, ప్లాంట్‌ని కాపాడేస్తానంటూ మంత్రుల చేత మాట్లాడించి, సింగరేణి అధికారులను వైజాగ్‌కి పరుగులు పెట్టించారు.
నిజానికి కేసీఆర్‌కు వైజాగ్‌ స్టీల్‌ ప్లాంట్‌ని కాపాడాలనే ఆసక్తీ లేదు… సింగరేణికి అంత పెట్టుబడి పెట్టే కెపాసిటీ కూడా లేదు. అయినా దీనిని ఓ గొప్ప రాజకీయ అవకాశంగా మొట్టమొదట కేసీఆరే గుర్తించారు. అప్పుడు గానీ టిడిపి, వైసీపీలు నిద్ర మేల్కొలేదు. జనసేన నేతలు జరుగుతున్న ఈ రాజకీయ డ్రామాలని చూస్తున్నారే తప్ప చప్పుడు చేయడం లేదు!
అయితే పొద్దున ప్రయివేటీకరణ చేయడం లేదని చెప్పిన కేంద్ర ఉక్కు శాఖ సహాయమంత్రి ఫగన్ సింగ్‌ కులస్తే, సాయంత్రానికల్లా మాట మార్చేసి కేంద్ర క్యాబినెట్ నిర్ణయాన్ని నేనెలా ఆపగలను?అంటూ సన్నాయి నొక్కులు నొక్కి విమానం ఎక్కి వెళ్ళిపోయారు.
ఈలోగా ఏపీ, తెలంగాణ మంత్రులు దీనిపై ‘డెబిట్, క్రెడిట్’ లెక్కలు కట్టుకొని ఎవరి భుజాలు వారు చరుచుకొన్నారు. పరస్పర సహకార ధోరణిలో ఒకరినొకరు తిట్టుకొన్న తర్వాత ఇప్పుడు మళ్ళీ అందరూ సైలంట్ అయిపోయారు!
పొరుగు రాష్ట్ర ముఖ్యమంత్రి కేసీఆర్‌ ఇంత వేగంగా పావులు కదుపుతుంటే, ఏపీకి ముఖ్యమంత్రి కావాలనుకొంటున్న పవన్ కళ్యాణ్ మరెంత చురుకుగా ఉండాలి? కానీ ఏపీలో ఇంత భీకర యుద్దం జరుగుతున్నా పవనన్న ఒక్క ముక్క మాట్లాడలేదని, రెండు ట్వీట్స్ వేసి సరిపెట్టేశారని అభిమానులు అనుకోకుండా ఉంటారా?కనుక పవనన్నా… ఫ్యాన్స్ వెయింటింగ్ ఇక్కడ! బిజెపితో పొత్తుల గురించి ఆలోచించకుండా వైజాగ్‌ స్టీల్‌ ప్లాంట్‌ గురించి నిజాయితీగా ఓ ముక్క చెప్పరాదూ?
416777 706793Heya just wanted to give you a brief heads up and let you know some with the pictures arent loading properly. Im not sure why but I feel its a linking problem. Ive tried it in two different web browsers and both show the same results. 437305