వైఎస్సార్ కాంగ్రెస్ పార్టీతో భారతీయ జనతా పార్టీ పొత్తు పెట్టుకుంటుందా.? ఎన్డీయే ప్రభుత్వంలో వైసీపీ అధికారికంగా చేరబోతోందా.? అన్న ప్రశ్నలు రాష్ట్ర రాజకీయాల్లో హీట్ని పెంచేస్తున్నాయి.
నేషనల్ మీడియా కథనాల్ని బట్టి ఎన్డీయేలో వైసీపీ చేరడం దాదాపు ఖాయమే. వైసీపీకి మొత్తంగా కేంద్రంలో మూడు కీలక పదవులు దక్కబోతున్నాయట.. అంటూ నేషనల్ మీడియా కోడై కూసేస్తోంది. తెలుగు మీడియాలోనూ కుప్పలు తెప్పలుగా కథనాలు వస్తున్నాయి వైసీపీ – బీజేపీ స్నేహంపై. ముఖ్యమంత్రి వైఎస్ జగన్ ఢిల్లీ వెళ్ళొచ్చాక ఈ తరహా కథనాలకు మరింత ఊపు వచ్చింది. వీటిల్లో చాలావరకు ‘పెయిడ్ ఆర్టికల్స్’ అన్న విమర్శలూ లేకపోలేదనుకోండి.. అది వేరే సంగతి.
అయితే, ఇంతవరకు బీజేపీ జాతీయ నాయకులెవరూ ఈ వ్యవహారంపై సానుకూలంగా స్పందించడంగానీ, ఖండించడంగానీ జరగలేదు. ఏపీ బీజేపీ నేతల్లో కొందరు మాత్రం, ‘ఆ వార్తల్లో నిజం లేదు’ అంటున్నారు. వైసీపీ మైండ్ గేమ్ ఆడుతోందన్నది బీజేపీ ఆరోపణ. వైసీపీ ఏ గేమ్ ఆడుతోందన్నది వేరే చర్చ. మిత్రపక్షం జనసేన పార్టీకి బీజేపీ ఈ విషయమై వివరణ ఇవ్వాలి కదా.?
రాష్ట్రంలో జనసేన – బీజేపీ మధ్య పొత్తు నడుస్తోంది. అయితే, గ్రామ స్థాయిలో జనసేన – బీజేపీ మధ్య ఇంకా ఆ గ్యాప్ అలాగే వుండిపోయింది. ఈ నేపథ్యంలో బీజేపీ, వైసీపీతో కలిసి నడిచేందుకు మార్గం సుగమం అయినా ఆశ్చర్యపోవాల్సిన పనిలేదన్నది రాజకీయ విశ్లేషకుల వాదన. అయితే, వైసీపీతో కలవడం ద్వారా బీజేపీకి వచ్చే లాభమేంటన్నదానిపై మాత్రం సందిగ్ధం అలాగే కొనసాగుతోంది.
‘మా నుంచి ఎలాంటి ప్రతిపాదనలూ లేవు’ అని బీజేపీ అధికారికంగా ప్రకటన చేయకపోవడంతో వైసీపీ అనుకూల మీడియాలో, బీజేపీ నుంచే వైసీపీని బతిమాలుకోవడం జరుగుతోందన్న ప్రచారం జోరుగా సాగుతోంది. ‘వైసీపీ చేస్తోన్న ప్రచారం బీజేపీకి మరింత నష్టం చేస్తోంది..’ అంటూ బీజేపీ నేతలు కొందరు, అధిష్టానం వద్ద మొరపెట్టుకుంటున్నారట.
ఏమో, రాజకీయాల్లో ఏదైనా జరగొచ్చు. బీజేపీ వ్యూహాత్మక మౌనం మాత్రం అనేక సందేహాలకు తావిస్తోంది. జనసేన పార్టీ ఈ విషయంలో ఒకింత లీడ్ తీసుకుని, భారతీయ జనతా పార్టీ నుంచి వివరణ కోరితే మంచిదేమో.!
159722 961628Howdy! I just want to give an enormous thumbs up for the fantastic data you might have here on this post. I will likely be coming back to your weblog for more soon. 168608
150038 765082You need to take part in a contest for among the top blogs on the web. I will suggest this internet web site! 200334
195613 492587I think 1 of your advertisements triggered my internet browser to resize, you may want to put that on your blacklist. 968181
77377 866849I really glad to discover this site on bing, just what I was searching for : D as effectively saved to favorites . 449149