వితిక ఎలిమినేషన్‌.. ఇంత ‘డ్రామా’ అవసరమా.!

అలీ రెజా ఎందుకు ఎలిమినేట్‌ అయ్యాడు.? ఎలా అతనికి వైల్డ్‌ కార్డ్‌ ద్వారా రీ-ఎంట్రీ దొరికింది.? అన్న ప్రశ్నలకు ఇప్పటిదాకా బిగ్‌బాస్‌ టీమ్‌ నుంచి స్పష్టత రాలేదు. గత సీజన్లలో ఎవరైనా ఎలిమినేట్‌ అయితే, ఎందుకు ఎలిమినేట్‌ అయ్యారో క్లారిటీ దొరికేది. ఫలానా కంటెస్టెంట్‌కి ఫలానా మొత్తంలో ఓట్లు వచ్చాయని షోలోనే క్లారిటీ ఇచ్చేసేవారు. బిగ్‌హోస్ట్‌లుగా గతంలో యంగ్‌ టైగర్‌ ఎన్టీఆర్‌, నేచురల్‌ స్టార్‌ నాని తమ తమ సీజన్లలో ఇదే పని చేశారు.

కానీ, నాగార్జునకి ప్రస్తుతం బిగ్‌బాస్‌ టీమ్‌ ఆ అవకాశం ఇవ్వడంలేదు. వితిక షెరు ఎలిమినేట్‌ అయిపోయింది.. అంతా ఊహించినట్లుగానే. ఊహించడమంటే.. నామినేషన్‌ ఎపిసోడ్‌ తర్వాతే. ఆ నామినేషన్‌ ఎపిసోడ్‌లో వితిక సేవ్‌ అయ్యేదే.. కానీ, శివజ్యోతి బ్లేమ్‌గేమ్‌ కారణంగా.. మొత్తం ఆ టాస్క్‌ రద్దవడం, అందరూ ఎలిమినేషన్‌ ప్రక్రియకు నామినేట్‌ అవడం జరిగిపోయాయి. సో, వితికని ఎలిమినేట్‌ చేయడానికే.. ఆ టాస్క్‌ని అలా డిజైన్‌ చేశారనే విషయం అర్థమయిపోయింది.

మరోపక్క, పరిస్థితుల్ని అంచనా వేసిన వితిక.. తాను ఎలిమినేట్‌ అవడం ఖాయమనే నిర్ణయానికి వచ్చేసింది. అయితే, వితిక – వరుణ్‌లకి మద్దతుగా సోషల్‌ మీడియాలో పెద్దయెత్తున ప్రచారం జరిగింది. ఓట్లు కూడా పోటెత్తినట్లే కన్పించింది. శివజ్యోతి, అలీ రెజాలకు సోషల్‌ మీడియాలో పెద్దగా మద్దతు కన్పించలేదు. కానీ, రాహుల్‌ పుంజుకున్నాడు.

పబ్లిసిటీ పరంగా టాప్‌ ప్లేస్‌లో శ్రీముఖి, రాహుల్‌, వరుణ్‌, వితిక.. వున్నారు. ఆ తర్వాతి ప్లేస్‌ బాబా భాస్కర్‌దే. పబ్లిసిటీ అంటే.. అది వారి ఫాలోవర్స్‌ నుంచి జరిగింది. కానీ, వితిక ఎలిమినేట్‌ అయిపోయిందంటే.. ఎక్కడో వ్యవహారం తేడా కొట్టేస్తోందన్నమాట. ఇప్పటికే బిగ్‌బాస్‌ మీద జనంలో ఆసక్తి పూర్తిగా తగ్గిపోయింది.. ఇకపై అది మరింత దారుణంగా పడిపోయేలానే వుంది.