ఏపీలో పంచాయతీ ఎన్నికలు షురూ..! ప్రభుత్వ వాదనను కొట్టివేసిన సుప్రీంకోర్టు

పంచాయతీ ఎన్నికలు నిలిపివేయాలని కోరుతూ సుప్రీంకోర్టుకు వెళ్లిన ఏపీ ప్రభుత్వానికి భారీ షాక్ తగిలింది. పంచాయతీ ఎన్నికలు యధావిధిగా నిర్వహించాలని ఆదేశించింది. జస్టిస్ సంజయ్ కిషన్ కౌల్, జస్టిస్ హృషికేశ్ రాయ్ లతో కూడిన ద్విసభ్య ధర్మాసనం విచారణ చేపట్టింది. ఇరువైపు వాదనలు విన్న సుప్రీం ఈ తీర్పును వెలువరించింది. ఈమేరకు దాఖలైన పిటిషన్లంటినీ సుప్రీంకోర్టు కొట్టేసింది. రాష్ట్ర ప్రభుత్వం తరపున సీనియర్ న్యాయవాది ముకుల్ రోహత్గీ వాదనలు వినిపించారు.

వ్యాక్సినేషన్ ప్రక్రియ జరుగుతున్న నేపథ్యంలో ఎన్నికలు వాయిదా వేయాలని కోరారు. గోవా వంటి రాష్ట్రాల్లో వ్యాక్సినేషన్ నేపథ్యంలో ఎన్నికలు వాయిదా వేశారని తెలిపారు. అయితే.. వీటన్నింటిపై సుప్రీంకోర్టు స్పందిస్తూ రాష్ట్ర ప్రభుత్వం అన్ని జాగ్రత్తలు తీసుకోవాల్సిన అవసరం ఉందన్నారు. ఉద్యోగులు వేసిన పిటిషన్ పై కూడా స్పందిస్తూ.. ఎన్నికలకు మీకు సంబంధం ఏంటి అని ప్రశ్నించింది. ఎవరి వాదనలతో మాకు సంబంధం లేదని వ్యాఖ్యానించింది. రాజ్యాంగం ప్రకారమే తమ తీర్పు ఉంటుందని వెల్లడించింది.