నా సినిమా హిట్ అయినా ఫ్లాప్ అయినా తన మేకింగ్ మాత్రం హాలీవుడ్ స్థాయిలో, చాలా స్టైలిష్ గా ఉంటుందని, అలా తీయడమే తనకి ఇష్టం అని డైరెక్టర్ సురేందర్ రెడ్డి ఎప్పుడో చెప్పారు. చెప్పినట్టుగానే ఆయనకీ సూపర్ స్టైలిష్ మేకర్ అనే పేరు కూడా వచ్చింది. అలాంటి సురేందర్ రెడ్డి తన కెరీర్లోనే బిగ్గెస్ట్ బడ్జెట్ తో చేసిన సినిమా ‘సైరా నరసింహారెడ్డి’. అక్టోబర్ 2న ఈ సినిమా ప్రపంచ వ్యాప్తంగా 5 భాషల్లో రిలీజ్ కానుంది.
ఇప్పటి వరకూ సురేందర్ రెడ్డి 8 సినిమాలు చేశారు. ఈయన సినిమాల్లో హీరోలకి ఆయనిచ్చే హీరోయిజం నెక్స్ట్ లెవల్ లో ఉంటుంది. హీరో ఇంట్రడక్షన్ నుంచి చాలా కేర్ తీసుకుంటారు. ముఖ్యంగా ఆ హీరోయిజం ని ఇంటర్వల్ దగ్గర చాలా పీక్స్ కి తీసుకెళ్తారు. అలా అయన చేసిన 8 సినిమాల్లో టాప్ 5 ఇంటర్వల్ బ్లాక్స్ ఏమిటనేది ఇప్పుడు చూద్దాం.
5. అతనొక్కడే
సురేందర్ రెడ్డి మొదటి సినిమా ‘అతనొక్కడే’. ఇందులో మొదటి నుంచి హీరో కళ్యాణ్ రామ్ ని లవర్ బాయ్, ఫ్యామిలీ బాయ్ అన్నట్టు చాలా స్వీట్ గా చూపించి ఇంటర్వల్ బ్లాక్ లో ఒకడి తలనే నరికేంత పగని తనలో దాచుకున్నాడని, అది కూడా తన ఫ్యామిలీ మరియు ఇష్టపడే అమ్మాయి ముందే ఒక విలన్ తలా నరికే సీన్ థియేటర్ లో ఆడియన్స్ కి సూపర్ హైప్ ఇచ్చింది. అలాగే సెకండాఫ్ మీద మరింత ఆసక్తిని పెంచింది.
4. ఊసరవెళ్లి
ఊసరవెళ్లి లో ఎన్.టి.ఆర్ ఇంట్రడక్షన్ అదిరిపోతోంది, దానికన్నా మించి ఉండేలా ఇంటర్వల్ బ్లాక్ ఉంటుంది. విలన్ ముందు నిలబడుకునే నువ్వు వాడివి కాదురా, నీకంత సీన్ లేదు అంటూ సాగే ఈ సీన్ లో ఓ మెరుపులా విలన్ ని చంపే సీన్ కి థియేటర్ లో విజిల్స్ ఓ రేంజ్ లో పడ్డాయి. ఆ సందర్భంలో ఎన్.టి.ఆర్ ‘కరెంట్ వైరు కూడా చూడటానికి నాలాగే సన్నగా ఉంటది, కానీ టచ్ చేస్తే దానమ్మా షాకే సాలిడ్ గా ఉంటది’ అనే డైలాగ్ ఇప్పటికీ ఫేమస్.
3. రేసు గుర్రం
టామ్ అండ్ జెర్రీ ఫైట్ లా ఇద్దరి అన్నదమ్ముల మధ్య గొడవలతో సరదా సరదాగా సాగే ఈ సినిమాలో ఇంటర్వల్ బ్లాక్ హై వోల్టేజ్ యాక్షన్ బ్లాక్ తో ఆడియన్స్ కి రోమాలు నిక్కబొడుచుకునేలా ఉంటుంది. ముఖ్యంగా ఇక్కడ అల్లు అర్జున్ చెప్పే ‘నీ గురించి నాకు చెప్పి, నా గురించి నువ్వు తెలుసుకుని రేసు మొదలు పెట్టద్దు. రేసులో నన్ను అందుకోవడానికి నేను రన్నర్ ని కాదురా, రేసు గుర్రాన్ని’ అని విలన్ కి వార్నింగ్ ఇచ్చే డైలాగ్ ఇప్పటికీ ట్రెండ్ అవుతూనే ఉంటుంది.
2. కిక్
సురేందర్ రెడ్డి చేసిన సినిమాల్లో హై ఎంటర్టైన్మెంట్ ఉన్న సినిమాగా కిక్ ని చెప్పుకోవచ్చు. మొదటి నుంచి కిక్ కోసం వెతుక్కునే రవితేజ తనకి అసలైన కిక్ ఎక్కడ దొరికింది అనే పాయింట్ ని పోలీస్ ఆఫీసర్ అయిన కిక్ శ్యామ్ ఇలియానాకి చెప్పే విధానం, ఆ ట్విస్ట్ రివీలింగ్ ఫెంటాస్టిక్ గా ఉంటుంది. ఆ సీన్ అంతలా క్లిక్ అవ్వడమే ఈ సినిమా సక్సెస్ కి మెయిన్ రీజన్ అని కూడా చెప్పచ్చు.
1. ధృవ
రామ్ చరణ్ పోలీస్ ఆఫీసర్ పాత్రలో సూపర్ క్లాస్ అండ్ స్టైలిష్ గా తెరకెక్కించిన సినిమా ‘ధృవ’. ఈ సినిమాలో రామ్ చరణ్ ని ఎంత స్టైలిష్ గా చుపించారో, అంతే పవర్ఫుల్ గా కూడా చూపిస్తాడు. ముఖ్యంగా అసలు నాకు ఎదురే లేదు, నాకన్నా తెలివైన వాడే లేడు అనుకున్న విలన్ అరవింద్ స్వామికి దెబ్బ ఎక్కడి నుంచో తగిలిందో కూడా తెలియకుండా రామ్ చరణ్ ఇచ్చే అటాక్ ఆడియన్స్ ని థ్రిల్ చేసింది.
ఇలా సురేందర్ రెడ్డికి అదిరిపోయే ఇంటర్వల్ బ్లాక్స్ తీస్తాడని మంచి పేరుంది. మేము ఇది వరకే చెప్పిన దాని ప్రకారం.. ‘సైరా నరసింహా రెడ్డి’ లో కూడా చిరంజీవి ఇంట్రడక్షన్ బ్లాక్ మరియు ఇంటర్వల్ బ్లాక్ నెక్స్ట్ లెవల్లో ఉంటుందని, సురేందర్ రెడ్డి కెరీర్ బెస్ట్ సీన్స్ అవుతాయని సమాచారం. మరి ఆ ఫీల్ మనం ఎంజాయ్ చెయ్యడానికి ఇంకో 12 గంటలు మాత్రమే ఉంది.
మా telugubulletin.com ప్రపంచంలోనే యుఎస్ లో పడే మొట్ట మొదటి షో నుంచి లైవ్ అప్డేట్స్ ఇస్తున్నాం. ఇండియన్ టైం ప్రకారం ఇవాళ రాత్రి 11:30 నిమిషాలకి లైవ్ అప్డేట్స్ స్టార్ట్ అవుతాయి. మిస్ అవ్వకండి ఫ్రెండ్స్. లైవ్ అప్డేట్స్ కోసం కింద లింక్ ని ఫాలో అవ్వండి.
982027 23367This is a excellent weblog. Keep up all the function. I too really like to blog. This is great every person sharing opinions 11899