మళ్ళీ సినిమాలే అంటున్న గ్లామర్ భామ !

గ్లామర్ భామగా సౌత్ లో మంచి ఇమేజ్ తెచ్చుకున్న శృతి హాసన్ గత కొన్ని రోజులుగా ఏ సినిమాకు ఓకే చెప్పడం లేదు. ఆ మధ్య తన తండ్రి కమల్ హాసన్ తెరకెక్కించిన శబాష్ నాయుడు సినిమా తరువాత అటు తెలుగు, ఇటు తమిళంలో ఏ సినిమాకు సైన్ చేయలేదు. ఈ గ్యాప్ లో మైఖేల్ అనే అతడితో జోరుగా ప్రేమాయణం సాగించింది. ఇద్దరు కలిసి చెట్టా పట్టాలు అంటూ నానా హంగామా చేసారు. దాంతో పాటు శృతి హాసన్ పాప్ స్టార్ గా రాణించాలని ఓ మ్యూజిక్ ఆల్బమ్ కూడా చేసి సక్సెస్ అయింది.

ఇదంతా బాగానే ఉంది .. శృతి మైఖేల్ తో ఘాటు ప్రేమలో ఉంది కాబట్టి .. త్వరలోనే పెళ్లి చేసుకునేందుకు సినిమాలు మానేసిందేమో అనుకున్నారు అందరు. ఈ మధ్యలో ఏమైందో ఏమో .. మైఖేల్ తో శృతి ప్రేమాయణం బ్రేక్ అప్ అయింది . ఆ తరువాత తమిళంలో ఓ టివి షో కూడా చేసిన ఈ అమ్మడు ఇవన్నీ లాభం లేదనుకుందో ఏమో .. మళ్ళీ హీరోయిన్ గా బిజీ అవ్వాలని ప్రయత్నాలు మొదలు పెట్టింది.

తాజాగా శృతి సినిమాలకు పచ్చజెండా ఊపడంతో వరుసగా సినిమా అవకాశాలు క్యూ కడుతున్నాయట. ఇప్పటికే మెగాస్టార్ – కొరటాల శివ కాంబినేషన్లో తెరకెక్కే సినిమాలో ఓ కీ రోల్ కోసం శృతి హాసన్ ని అడిగితె ఓకే చెప్పిందట. దాంతో పాటు తాజాగా రవితేజ సరసన నటించేందుకు రెడీ అన్నదట. గోపించంద్ మలినేని దర్శకత్వంలో తెరకెక్కే ఈ సినిమాలో కూడా శృతి హాసన్ ని హీరోయిన్ గా ఎంపిక చేశారట. దాంతో పాటు మరో మూడు నాలుగు సినిమాలు లైన్ లో ఉన్నాయని తెలిసింది.