గత ఏడాదికి పైగా వార్తల్లో ఉంటూ వస్తోన్న ప్రాజెక్ట్ మహాసముద్రం. ఆరెక్స్ 100తో ఇండస్ట్రీలో సెన్సేషన్ క్రియేట్ చేసిన అజయ్ భూపతి తయారుచేసుకున్న రెండో ప్రాజెక్ట్ మహా సముద్రం. ఇందులో ఇద్దరు హీరోలు నటించాలి. చాలా మంది హీరోల చుట్టూ అజయ్ భూపతి ప్రదిక్షణలు చేసాడు కానీ ఎవరూ కూడా ఈ సినిమా చేయడానికి ఒప్పుకోలేదు. గత కొంత కాలం నుండి ఈ సినిమాలో మెయిన్ హీరో రోల్ చేయడానికి శర్వానంద్ ఒప్పుకున్నట్లు వార్తలు రాగా ఇప్పుడు అది అధికారికమైంది.
ఏకే ఎంటర్టైన్మెంట్స్ బ్యానర్ పై అనిల్ సుంకర ఈ చిత్రాన్ని నిర్మించనున్నాడు. గమ్యం, ప్రస్థానం తర్వాత ఆ స్థాయి బలమైన, ఇంటెన్స్ పాత్రను ఈ సినిమాలో చేస్తున్నట్లు తెలిపారు. అలాగే ఈ చిత్రాన్ని తెలుగుతో పాటు తమిళంలో కూడా తెరకెక్కించనున్నట్లు క్లారిటీ ఇచ్చారు. మరి ఈ చిత్రంలో నటించే మరో హీరో పాత్రపై ఇంకా క్లారిటీ ఇవ్వలేదు. అలాగే ఇందులో హీరోయిన్ గా అదితి రావు నటించనుంది అని రూమర్స్ వస్తున్నాయి. దీనిపై కూడా ఇంకా క్లారిటీ రాలేదు. చాలా కొత్తగా సాగే ఇంటెన్స్ డ్రామాగా ఈ ప్రాజెక్ట్ గురించి చెబుతున్నారు.
మహా సముద్రం గురించి మరిన్ని వివరాలు త్వరలో వెల్లడి కానుండే అవకాశాలు ఉన్నాయి. ఎందుకంటే వారం వారం ఈ సినిమా గురించి అప్డేట్స్ ఇస్తామని ఏకే ఎంటర్టైన్మెంట్స్ వారు తెలిపారు.
Announcement 📢
We are Happy to announce our next project with our Versatile actor @ImSharwanand. It's a Telugu-Tamil bilingual project titled #MahaSamudram, directed by Ajay Bhupathi under AK Entertainments. @DirAjayBhupathi @AKentsOfficial@AnilSunkara1 pic.twitter.com/cUGtC2GhDp
— AK Entertainments (@AKentsOfficial) September 7, 2020