RRR: రామ్ చరణ్ (Ram Charan), ఎన్టీఆర్ (Jr Ntr) హీరోలుగా రాజమౌళి (Rajamouli) దర్శకత్వంలో వచ్చిన ఆర్ఆర్ఆర్ (RRR) ప్రపంచ బాక్సాఫీస్ వద్ద ఎంతటి సంచలనం సృష్టించిందో తెలిసిందే. రూ.1250కోట్లకు పైగా కలెక్షన్లు సాధించి సంచలనం సృష్టించింది. జపాన్ లోనూ సినిమా సంచలన విజయం సాధించింది. ఏడాదిన్నరైనా విజయవంతంగా రన్ అవుతోంది.
ఈక్రమంలో మార్చి 18న రాజమౌళి ప్రేక్షకులతో కలిసి సినిమా చూసేందుకు జపాన్ వెళ్తున్నారు. విషయం తెలియడంతో జపనీయులు సినిమా చూసేందుకు అమితాసక్తి చూపారు. బుకింగ్స్ తెరిచిన ఒక్క నిముషంలోనే హౌస్ ఫుల్ అయింది. ఆర్ఆర్ఆర్ హవా ఏమాత్రం తగ్గలేదంటూ అధికారిక సోషల్ మీడియా వేదికపై టీమ్ తన సంతోషాన్ని పంచుకుంది.
2022 అక్టోబర్ 21న జపాన్ లో 44నగరాల్లో 209 ధియేటర్లు, 31 ఐమాక్స్ ధియేటర్లలో విడుదలైంది. తక్కువ రోజుల్లోనే 300 మిలియన్ యెన్లు వసూళ్లతో భారతీయ సినిమాల్లో నెంబర్ వన్ గా నిలిచింది. నాటు-నాటు పాటకు ఆస్కార్ అవార్డు సాధించింది. ప్రపంచ ప్రఖ్యాత సినీ దిగ్గజాలు సైతం ఆశ్చర్యపోయేలా ఆర్ఆర్ఆర్ కీర్తిని దక్కించుకుంది.