రివర్స్ టెండరింగ్.. అనే మాట వైఎస్ జగన్ హయాంలో ప్రముఖంగా తెరపైకొచ్చింది. ఇదెక్కడి చోద్యం.? అని అంతా ముక్కున వేలేసుకుంటున్నాసరే, ‘మేం ఈ విధానం ద్వారా పెద్దయెత్తున ఖర్చు తగ్గించగలుగుతున్నాం..’ అంటూ ఆయా ప్రాజెక్టుల విషయమై వైఎస్ జగన్ సర్కారు బహు గొప్పగా చెప్పేసుకుంటోంది. పోలవరం ప్రాజెక్టులో భలేగా మిగిల్చేశారే.. మేం కూడా మిగిల్చేద్దామనుకుంటున్నాం.. అంటూ కేంద్రం, సుమారు 25 వేల కోట్ల రూపాయల నిధులకు ‘రివర్స్ టెండరింగ్’ లాంటిదే చేసింది. దాంతో, పోలవరం ప్రాజెక్టు ఎత్తు కాస్తా 45.7 మీటర్ల నుంచి 41.1 మీటర్లకు తగ్గాల్సి వచ్చింది. ‘శరవేగంగా పోలవరం..’ అంటోంది వైసీపీ ప్రభుత్వం.
ఈ విషయాన్ని వైసీపీ అనుకూల మీడియా ఓ రేంజ్లో ప్రచారం చేస్తోంది. సగం ప్రాజెక్టుని శరవేగంగా పూర్తి చేయడమేంటి.? అంటూ ఆంధ్రప్రదేశ్ ప్రజానీకమే కాదు, ఈ ప్రాజెక్టుతో ప్రత్యక్షంగానో పరోక్షంగానో సంబంధం వున్న, ఈ తరహా ప్రాజెక్టుల పట్ల అవగాహన వున్న పొరుగు రాష్ట్రాల్లోని నీటి పారుదల రంగ నిపుణులు, రాజకీయ ప్రముఖులు ఆశ్చర్యపోతున్నారు. ఆ చివర నుంచి ఈ చివరదాకా.. ఆంధ్రప్రదేశ్లోని దాదాపు అన్ని జిల్లాలకూ పోలవరం ప్రాజెక్టుతో ప్రయోజనం వుంటుందట.. అదీ సగం ప్రాజెక్టుతోనేని వైసీపీ ప్రభుత్వం చెబుతోంటే నమ్మేదెలా.? కేంద్రం, నిధులు ఇచ్చే పరిస్థితి లేదు కాబట్టి, వున్నంతలో ప్రాజెక్టు పూర్తయిపోయిందనిపించేయడమే.. ఇదీ వైఎస్ జగన్ ప్రభుత్వం ఆలోచనగా కనిపిస్తోంది. అంతే తప్ప, జాతీయ ప్రాజెక్టు గనుక.. కేంద్రానికే బాధ్యత అప్పగించేయాలనో.. విభజన చట్టంలో పోలవరం ప్రాజెక్టు అంశానికి చట్టబద్ధత వుంది గనుక.. న్యాయస్థానాల్ని ఆశ్రయించి అయినా, పూర్తిస్థాయిలో పోలవరం ప్రాజెక్టుని నిర్మించడమో చేయకుండా.. ఈ సగం ప్రాజెక్టు గోలేంటి.? పోలవరం, ఆంధ్రప్రదేశ్ ప్రజల ఆత్మగౌరవం నినాదంగా మారుతోంది.
దురదృష్టవశాత్తూ ప్రత్యేక హోదా అటకెక్కింది.. రైల్వే జోన్ కథ ఏమయ్యిందో ఎవరికీ తెలియదు. రాజధాని గురించి మాట్లాడుకోవడమే దండగ. వెనుకబడిన జిల్లాలకు దక్కాల్సిన ప్యాకేజీ సంగతేంటో తెలియని పరిస్థితి.. ఇప్పుడు పోలవరం కూడా ఇలా అయోమయంలో పడితే.. ఆంధ్రప్రదేశ్ భవిష్యత్తేంటి.? వైఎస్ రాజశేఖర్రెడ్డి హయాంలో ప్రారంభమైన ప్రాజెక్టు, వైఎస్ జగన్ హయాంలో పూర్తి చేసేశామనిపించుకోవడానికి జరుగుతున్న ప్రయత్నం తప్ప, ప్రాజెక్టు పట్ల వైసీపీ ప్రభుత్వం చిత్తశుద్ధి అస్సలేమాత్రం కనిపించడంలేదు. ఉమ్మడి ఆంధ్రప్రదేశ్ విభజనతో పోలవరం జాతీయ ప్రాజెక్టు అయ్యింది.. అంటే, రాష్ట్ర విభజనకు నష్ట పరిహారమన్నమాట. ఇదొక్కటి చాలు, ప్రాజెక్టు ప్రాధాన్యత ఏంటన్నది చెప్పడానికి. దురదృష్టవశాత్తూ పాలకులకు (చంద్రబాబు అయినా, వైఎస్ జగన్ అయినా) ఆ సోయ లేకుండా పోతోంది.
770253 558063This sort of in search of get the enhancements produced on this unique lifestyle and diet, begin your L . a . Shifting the pounds diet answer is really a huge procedure into accesing which typically hope. weight loss 776074
883867 904807I believe 1 of your commercials caused my internet browser to resize, you may nicely want to put that on your blacklist. 989930
260061 478156The best and clear News is really significantly imptortant to us. 838331