బాధితులకు సాయం చేయండి.. నాకు హాయ్, హలో మెసేజులు పెట్టొద్దు: రేణు దేశాయ్

హాయ్, హల్లో.. వంటి మెసేజులు పెట్టొద్దని ఎన్నిసార్లు చెప్పినా వినరా? అంటూ ప్రముఖ నటి, దర్శకురాలు రేణూ దేశాయ్‌ నెటిజన్లపై ఆగ్రహం వ్యక్తం చేసారు. మీలో కొందరు పంపించే ఇటువంటి మెసేజెస్ వల్ల కరోనా రోగులు సాయం అందక చనిపోతున్నారని ఆమె ఆవేదన వ్యక్తం చేశారు. నిజంగా సాయం అవసరమైన వారి మెసేజెస్.. ఇటువంటి సరదా మెసేజెస్ వల్ల కనిపించకుండా పోతున్నాయన్నారు. సాయం అడిగి.. సాయం పొందలేక ఎవరు మృతి చెందినా అందుకు మీరే కారణమవుతారని ఒకింత హెచ్చరిక సందేశం ఇచ్చారు.

సోషల్‌ మీడియాలో యాక్టీవ్‌గా ఉండే రేణూ దేశాయ్‌ ఇన్ స్టాగ్రామ్ మెసేజెస్ ద్వారా ప్రస్తుత సమయంలో సాయం అడిగినవారికి తాను చేయగలిగిన సాయం చేస్తున్నారు. ఆక్సిజన్‌ సిలిండర్లు, హాస్పిటల్ బెడ్స్‌, మందులు.. వంటి సాయం అడిగినవారికి అండగా నిలుస్తున్నారు. వారికి సరైన సమయానికి వైద్యం, సౌకర్యాలు అందేలా చూస్తున్నారు. ఇటువంటి సమయంలో వీలైతే సాయం చేయండి కానీ.. ఇలా హాయ్, హలో మెసేజులు చేయొద్దని అన్నారు.