సారంగదరియా ఒక వైపు ట్రెండ్డింగ్‌ ఒక వైపు వివాదం

నాగచైతన్య హీరోగా సాయి పల్లవి హీరోయిన్‌ గా రూపొందిన లవ్‌ స్టోరీ సినిమా విడుదలకు సిద్దం అయ్యింది. ఈ సినిమా లోని సారంగదరియా పాటను ఇటీవలే ప్రేక్షకుల ముందుకు తీసుకు వచ్చారు. సాయి పల్లవి స్టెప్పులతో ఆ పాట అదిరి పోయేలా ఉంది. యూట్యూబ్ తో పాటు అన్ని ప్లాట్ ఫామ్‌ ల్లో కూడా సారంగదరియా పాట ట్రెండ్డింగ్‌ లో ఉంది అనడంలో సందేహం లేదు. ఇలాండి సమంయలో సారంగదరియా తనది అంటూ ఒక జానపద గాయిని కోమలి తెర పైకి రావడంతో వివాదం ముదిరి పాట మరింత పాపులర్ అవుతోంది.

సుద్దాల అశోక్‌ తేజ తన పాటను కాపీ కొట్టారు అంటూ కోమలి ఆరోపిస్తున్నారు. సినిమాలో పాటను పెట్టడం అందుకు తనకు క్రెడిట్ ఇవ్వక పోవడం పట్ల కోమలి అసంహనం అసంతృప్తి వ్యక్తం చేస్తున్నారు. మీడియాల్లో ఆమె వరుసగా ఇంటర్వ్యూలు ఇస్తూ శేఖర్‌ కమ్ముల, సుద్దాల అశోక్‌ తేజ మరియు చిత్ర యూనిట్ సభ్యుల నుండి స్పందన కోరుతోంది. ఆమె ముందు ముందు ఆఫర్లు ఇవ్వాలని అలాగే ఈ పాటకు క్రెడిట్ ఇవ్వాలని డిమాండ్‌ చేస్తుంది. చాలా ఏళ్ల క్రితం ఒక టీవీ షో లో తన అమ్మమ్మ నేర్పించిన పాట అంటూ సారంగదరియా పాటను కోమలి పాడింది. ఆ పాటల కార్యక్రమానికి సుద్దాల అశోక్‌ తేజ జడ్జ్‌ గా ఉన్నాడు. ఆ సమయంలో ఆయన పాటను వినడం వల్ల దాన్ని మార్చి ఈ సినిమాకు శేఖర్‌ కమ్ముల అడిగారని ఇచ్చారు. ఇప్పుడు అదే వివాదాస్పదంగా మారింది.