‘రామారావు ఆన్ డ్యూటీ’ యూనిక్ థ్రిల్లర్ : శరత్ మండవ

రవితేజ యాక్షన్ థ్రిల్లర్ ‘రామారావు ఆన్ డ్యూటీ’ విడుదలకు సిద్ధం అయ్యింది. రవితేజ, సుధాకర్ చెరుకూరిల నిర్మాణంలో శరత్ మండవ దర్శకత్వంలో తెరకెక్కిన ఈ చిత్రం ఈనెల 29న ప్రపంచ వ్యాప్తంగా థియేటర్లలో భారీ విడుదలకు రెడీ అయ్యింది. ఈ సందర్భంగా దర్శకుడు శరత్ మండవ మీడియాతో మాట్లాడారు.

రవితేజ ఏం డ్యూటీ ఏంటీ…

ఒక మిస్సింగ్ కేసుని పోలీసులు, లేదా క్రైమ్ డిపార్ట్మెంట్ డీల్ చేస్తుంది. కానీ సివిల్ ఆఫీసర్ గా రామారావు ఈ కేసుని ఎందుకు డీల్ చేశాడనేది ఇందులో చాలా యునిక్ పాయింట్.

కథలో ఇసుక మాఫియా పాత్ర..

ప్రత్యేకంగా ఇసుక మాఫియా అని లేదు. కలెక్టరేట్ తో ముడిపడిన విభాగాలన్నీటికీ చాలా వ్యవస్థలపై ప్రత్యేక అధికారాలు వుంటాయి. కథలో ఆ సీన్ కి సంబధించిన అంశం వచ్చినపుడు దాని గురించి కొంత చెప్పడం వుంటుంది.

రామారావు ఆన్ డ్యూటీ కథ ఆలోచన…

కథలు ఎప్పుడూ మనసులో తిరుగుతూనే వుంటాయి. ఏదో ఒక హుక్ పాయింట్ దొరికినప్పుడు పూర్తిగా రాసేస్తాం. ఇది కూడా నాలుగేళ్ల క్రితం నుండి వున్న ఆలోచన.

రామారావు ఆన్ డ్యూటీ లో ఎంటర్ టైన్మెంట్‌..

ఎంటర్ టైన్మెంట్ అంటే కామెడీ అని నేను అనుకోవడం లేదు. ఆడియన్స్ ని యంగేజ్ చేయడమే ఎంటర్ టైన్మెంట్. ఇందులో ఫన్ ఫ్యాక్టర్ కూడా వుంటుంది.

రామారావు ఆన్ డ్యూటీ లో వున్న కొత్తదనం…

కథ చాలా యునిక్ గా వుంటుంది. రవితేజ గారి గత సినిమాల ఛాయలని రిపీట్ కాకుండా ఉండటానికి ప్రత్యేక శ్రద్ధ తీసుకున్నాను.

మీ మొదటి సినిమా తర్వాత ఇంత విరామంకి కారణం…

నా మొదటి సినిమా కేఓ 2 తర్వాత కొన్ని అవకాశాలు వచ్చాయి. అయితే పెద్ద హీరోలకు ఎప్పుడూ ఒక లైనప్ వుంటుంది. ఆ లైన్ లో ఏదైనా డ్రాప్ అయితే మన సినిమా ముందుకు వస్తుంది. మధ్యలో విశాల్ గారితో ఒక ప్రాజెక్ట్ చర్చలు జరిగాయి. తర్వాత కరోనా వచ్చింది. రామారావు ఆన్ డ్యూటీ కూడా చాలా రోజుల క్రితమే రవితేజ గారి చెప్పాను.

రామారావు ఆన్ డ్యూటీ ” టైటిల్ గురించి…

రామారావు అనేది పవర్ ఫుల్ పేరు. పెద్దాయన లేకపోయినా ఒక సర్వే పెడితే నెంబర్ వన్ తెలుగు పర్సనాలిటీ గా ఆయన పేరు వచ్చింది. తర్వాత అదే పేరుతో వచ్చిన జూనియర్ ఎన్టీఆర్ గారు బిగ్ హీరో. అలాగే కేటీఆర్ గారు కూడా గ్రేట్ లీడర్. ”రామారావు’ అనేది ఒక స్ఫూర్తిని నింపే వ్యక్తిత్వం. అందుకే ఈ పాత్రకు రామారావు అని పేరు పెట్టాను.

వేణు తొట్టంపూడి గారు ఈ ప్రాజెక్ట్ లోకి ఎలా…

కీలకమైన సిఐ పాత్రకు ఎవరైతే బావుంటుదని ఆలోచిస్తున్నప్పుడు వేణు గారు స్ట్రయిక్ అయ్యారు. ఆయన సినిమాలు, వీడియోలు ఇప్పటికీ చాలా పాపులర్. ఈ పాత్రకు ఆయన అయితే బావుంటుదని వెళ్లి ఆయన్ని కలిశాను. లక్కీగా ఆయన ఈ పాత్ర చేయడానికి ఒప్పుకున్నారు.

నిర్మాతల సహకారం…

కరోనా లాంటి ప్రతికూల పరిస్థితిలో కూడా ఈ సినిమాని ఇంత గ్రాండ్ గా ప్రేక్షకులు ముందుకు తీసుకు రావడం వారి గొప్ప సంకల్పం వలనే సాధ్యమైయింది. సినిమాని ఎక్కడా రాజీపడకుండా తెరకెక్కించారు.

ఇది యధార్ధ సంఘటనలు ఆధారంగా…

కొన్ని యధార్ధ సంఘటనలు ఆధారంగా సినిమా రూపొందించాం. అందులో ఒక సంఘటన నా అనుభవంలో కూడా వుంది.

రజిషా విజయన్ ని తీసుకోవడానికి కారణం…

మాళిని పాత్రకు గ్లామర్ కంటే ఎమోషనల్ ఎక్కువ వుండే ఒక యునిక్ నటి కావాలనిపించింది. రజిషా విజయన్ ఆ పాత్రకు సరిగ్గా నప్పుతుందని అనిపించింది.

ఇందులో ఐదు మంది స్టంట్ మాస్టర్లు ఉండటానికి కారణం…

ఇందులో ఫైట్లు అన్నీ కథలోనే వస్తాయి. పెద్ద స్టంట్ మాస్టర్లు మల్టిఫుల్ ఒప్పుకోరు. కానీ నేను రిక్వస్ట్ చేశాను. అద్భుతమైన యాక్షన్ సీక్వెన్స్ లని డిజైన్ చేశారు.

సంగీత దర్శకుడి గురించి..

ఖైదీ సినిమా చూసిన తర్వాత నే రవితేజ గారికి ఫోన్ చేసి సామ్ సిఎస్ ని అనుకుంటున్నాని చెప్పాను. రవితేజ గారికి కూడా సామ్ అంటే అప్పటికే గురి వుంది.

సీసా పాట…

సీమ ప్రాంతంలో ‘కులుకు భజన’ చాలా పాపులర్. దానిని ఇంకా కాస్త వినోదాత్మకంగా ఉండేలా కొన్ని ట్యూన్స్ అనుకున్నాం.

2 గంటల 30 నిమిషాల రన్ టైమ్‌…

నా వరకూ కథ ఒక దేవాలయం లాంటింది. దానికంటూ ఒక నిర్మాణం వుంటుంది. లెజండరీ దర్శకులు దాసరి నారాయణ రావు గారి మాటలు నాకు స్ఫూర్తి. ”ఒక కథ రాసేటప్పుడు ఆ కథే తనకు కావాల్సిన అన్ని సమకూర్చుకుని పూర్తి చెసుకుంటుంది. హిట్, ఫ్లాప్ మన చేతిలో లేదు, మంచి చెడు మాత్రం మన చేతిలో వుంటుంది” దాసరి గారు చెప్పిన ఈ మాటలు లైఫ్ టైం పాటిస్తాను.

సోషల్ మీడియాపై ఘాటు వ్యాఖ్యలు…

సినిమాని పూర్తి గా చూసి అర్ధం చేసుకొని విశ్లేషించుకొని దాని గురించి రాయడంలో ఎలాంటి ఆభ్యంతరం లేదు. రివ్యూలు వుండాలి. చాలా మంది మంచి రివ్యూ రైటర్స్ తెలుగులో వున్నారు. ప్రోడక్ట్ అనేది వినియోగదారుడికి చేరక ముందే ఇంత నెగిటివిటీ ఎందుకు ? అనే బాధతోనే నా అభిప్రాయం చెప్పాను.

”రామారావు ఆన్ డ్యూటీ ‘ కి సీక్వెల్…

ప్రస్తుతానికి సీక్వెల్ ఆలోచన లేదు. ఐతే ఇది బర్నింగ్ ఇష్యూ. దిన్ని కంటిన్యూ చేద్దామని ఆసక్తితో ఎవరైనా వస్తే .,. నా ఆలోచనలు పంచుకోవడానికి రెడీగా వుంటాను.

ఏ జోనర్ లో మీకు బలం….

నా బలం ఏమిటో తెలీదు కానీ.,.నా బలహీనత తెలుసు. శేఖర్ కమ్ముల గారి లాంటి సినిమాలు చేయలేను.

కొత్తగా చేయబోయే సినిమాలు..

ఇంకా ఏదీ అనుకోలేదు. ప్రస్తుతం ” రామారావు ఆన్ డ్యూటీ ‘పైనే నా దృష్టి.