Ram Charan: గ్లోబల్ స్టార్ రామ్ చరణ్ (Ram Charan) తెరపై కనిపిస్తే అభిమానుల కేరింతలతో ధియేటర్ దద్దరిల్లిపోతుంది. కటౌట్లకు దండలు, హారతులతో హంగామా కూడా షూరు అవుతుంది. అయితే.. రామ్‌చరణ్‌ (Ram Charan) ఫ్యాన్స్ ఈ హంగామాతోపాటు తమ హీరో పేరుతో సేవా కార్యక్రమాలు కూడా చేస్తూ శెభాష్ అనిపించుకుంటున్నారు. వేసవి మండుటెండలో ప్రజలకు చల్లని మజ్జిగ పంపిణీ చేస్తూ వారి దాహార్తి తీరుస్తున్నారు.
ముంబై (Mumbai) లోని అంధేరి, జుహూ ప్రాంతంలోని శంకర్ ఆలయ పరిసరాల్లో దాదాపు 1000 మంది రామ్‌చరణ్‌ ఫ్యాన్స్ సేవా కార్యక్రమాల్లో పాల్గొన్నారు. దాదాపు 9వేల మజ్జిగ బాటిల్స్ పంచి ప్రజల దాహార్తి తీర్చారు. ఏప్రిల్ 29న షోలాపూర్, ఈనెల 6న ముంబైలో మజ్జిగ ప్యాకెట్ల పంపిణీతోపాటు అన్నదాన కార్యక్రమం కూడా నిర్వహించారు. దీంతో రామ్ చరణ్ ఫ్యాన్స్ తమలోని సేవా దృక్పధాన్ని చాటుకుంటున్నారు. రామ్ చరణ్ చేసే సేవా కార్యక్రమాలతో వ్యక్తిగతంగా స్ఫూర్తి పొంది హార్ట్ వార్మింగ్ తో తోటివారికి సేవ చేయాలనే ఆలోచనతో ఈ కార్యక్రమాలు చేపట్టినట్టు అభిమానులు వెల్లడించారు.