ఏంటి టైటిల్ విని షాక్ అయ్యారా ? మీరు విన్నది నిజమే .. విలన్ అంటే మనం చాలా సినిమాల్లో చూసినట్టు .. అడ్డమైన పనులు చేసి చివరికి హీరో చేతిలో చావుదెబ్బలు తినడం అన్నది కామన్. కానీ ఈ విలన్ .. విలన్ కాదు… ఒకరంగా హీరో అని చెప్పాలి .. !! అలా విలన్ ని హీరో చేసిన సినిమాలో నటించేందుకు ప్రభాస్ రెడీ అవుతున్నాడా ? అసలు విలన్ పాత్రలో ప్రభాస్ నటిస్తే జనాలు ఒప్పుకుంటారా ? ఇలా ఆసక్తికర ప్రశ్నలు ఎదురవుతున్నాయి. కానీ ఈ విలన్ పాత్రలో నటించేందుకు ప్రభాస్ కూడా ఆసక్తిగా ఉన్నట్టు తెలిసింది ?
ఏంటి నమ్మబుద్ది కావడం లేదా .. ప్రభాస్ ఆసక్తి చూపిస్తున్న విలన్ పాత్ర, అసలు ఆ సినిమాలో హీరోకంటే కూడా విలన్ పాత్రకే ప్రాముఖ్యత ఎక్కువ .. ఇంతకీ ఆ సినిమా ఎదో తెల్సుగా .. ధూమ్ సిరీస్ !! ఇప్పుడు అర్థం అయిందా .. ధూమ్, ధూమ్ 2, ధూమ్ 3 వరుస సిరీస్ లతో సూపర్ డూపర్ హిట్స్ అందుకుంటూ .. బాక్స్ ఆఫీస్ ని షేక్ చేస్తున్న ధూమ్ సిరీస్ లో భాగంగా ఇప్పుడు ధూమ్ 4 కోసం ప్రయత్నాలు చేస్తున్నారు యాష్ ఫిలిమ్స్ టీం.
ధూమ్ లో జాన్ అబ్రహం, ధూమ్ 2లో హృతిక్ రోషన్, ధూమ్ 3లో అమీర్ ఖాన్ .. విలన్స్ గా అదరగొట్టారు. ఈ సినిమాలో హీరోలుగా అభిషేక్ బచ్చన్, ఉదయ్ చోప్రా లు హీరోలు .. కానీ వారిని మించేలా విలన్ పాత్ర చుట్టే కథ మొత్తం తిరుగుతుంది. అందుకే అందులో విలన్ ఫేమస్.
ధూమ్ 4 కోసం సన్నాహాలు చేస్తున్నాడు నిర్మాత ఆదిత్య చోప్రా. ఇందులో విలన్ పాత్రకోసం ప్రభాస్ తో ఆయన చర్చలు జరుపుతున్నాడట. నిజంగా ప్రభాస్ కి ఇది సూపర్ ఛాన్స్ అని చెప్పాలి. మరి ఈ విషయంలో ప్రభాస్ నిర్ణయం ఏమిటి అన్నది తెలియాల్సి ఉంది.