‘పోసాని’కి ఎఫ్ డి సి చైర్మన్ పదవి

తెలుగు సినీ రంగం కట్టగట్టినట్టు మొత్తం చంద్రబాబు నాయుడు వెనుక చేరిన రోజుల్లో.. వైఎస్సార్ కాంగ్రెస్ పార్టీకి అండగా నిలిచినవాడు పోసాని కృష్ణమురళి. తను కమ్మ సామాజికవర్గానికి చెందినప్పటికీ.. చంద్రబాబు చేసిన తప్పుల్ని ఎండగట్టడంలో ఎక్కడా మొహమాటపడలేదు. ఒక రకంగా చెప్పాలంటే.. ఒక్క చంద్రబాబునే కాదు.. ఆయన తప్పుల్ని విమర్శించకుండా .. కులగజ్జితో అంట కాగిన కొందరు మీడియా అధిపతుల్ని, యాంకర్లను పబ్లిక్ గా కడిగి పారేసాడు.

‘పోసాని’ ద్వందప్రమాణాలు పాటించలేదు. తెలుగుదేశంపార్టీ లొసుగుల్ని.. నాయకత్వంలోని డబుల్ స్టాండర్డ్స్ ను విమర్శించడంలో ముందున్నాడు. సొంత సామాజికవర్గం ఒక దశలో పోసానిని సాంఘిక బహిష్కరణ చేసినంత పని చేసారు. కమ్మ సామాజికవర్గానికి చెంది .. చంద్రబాబును ఇష్టం వచ్చినట్లు తిట్టడమే పాపం అన్నట్టు పోసానిని విమర్శించినవారున్నారు. ఎవరేమన్నా పోసాని చలించలేదు.

అంతేకాదు .. జనసేన అధినేత పవన్ కళ్యాణ్ పొరపాట్లు చేస్తున్నాడని ఏకేసాడు. పోసానిలో నిజాయితీ వుంది కనుక ఎవరికీ భయపడలేదు. పోసాని వైఎస్సార్సీపీకి చేసిన ప్రత్యక్ష, పరోక్ష సాయం వెలకట్టలేనిది. దీనిని వైఎస్సార్సీపీ అధినేత వై.ఎస్. జగన్ ఎప్పుడో గుర్తించారు. ఇప్పుడు రాష్ట్రానికి ముఖ్యమంత్రి అయ్యారు. తనకు మద్దతు ఇచ్చిన వారందరికీ సముచిత రూపంలో బదులు తీర్చుకుంటున్న క్రమంలో పోసాని కృష్ణమురళికి .. ఫిలిం డెవలప్మెంట్ కార్పొరేషన్ చైర్మన్ పదవి ఇవ్వనున్నట్లు తెలిసింది. జగన్ నైజం వాడుకొని వదిలేసే రకం కాదుగనుక.. పృథ్వీరాజ్ , మరికొందరికి కూడా సముచితమైన గుర్తింపు, గౌరవం లభించడం ఖాయం.!