Pawan Kalyan: పవర్ స్టార్ పవన్ కల్యాణ్ (Pawan Kalyan) కు ఆయన ఫ్యాన్స్ ఇచ్చిన సడెన్ సర్ ప్రైజ్ ఆయన్నే ఆకట్టుకుంది. ఈ విషయాన్ని పవన్ స్వయంగా ట్విట్టర్ లో పోస్ట్ చేయడం విశేషం. పవన్ ప్రస్తుతం ఓజీ (OG) సినిమా షూటింగ్ లో పాల్గొంటున్నారు. మహారాష్ట్ర (Maharashtra) లోని వాయ్ సరస్సు వద్ద షూటింగ్ జరుగుతోంది.
అక్కడికి తూర్పు గోదావరి జిల్లా కొవ్వూరు, రాజమండ్రి (Rajamahendravaram) నుంచి వచ్చిన ముగ్గురు జనసైనికులు జనసేన (Janasena) జెండాతో పవన్ కు కనిపించి పవన్ ను మెప్పించారు. ఇందుకు సంబంధించిన ఫొటోను పవన్ పోస్ట్ చేశారు. ఫొటోలో ఆయన వెనుక నుంచి కనిపిస్తున్నారు. మార్షల్ ఆర్ట్స్ కు సంబంధించిన డ్రెస్సింగ్ ఉన్నట్టున్న పిక్ అటు జనసైనికులను, అభిమానులకు విపరీతంగా ఆకర్షిస్తోంది.
దీంతో నెట్టింట పవన్ ఫ్యాన్స్ హంగామా మొదలైంది. జనసైనికులు వెళ్లడమేమో కానీ.. ఫొటోతో అద్భుతమైన అప్డేట్ వచ్చిందని సంబరపడిపోతున్నారు. ప్రస్తుతం ఈ పిక్ నెట్టింట వైరల్ గా మారింది. డీవీవీ దానయ్య నిర్మాణంలో.. సుజీత్ దర్శకత్వంలో తెరకెక్కుతున్న సినిమాపై భారీ అంచనాలు నెలకొన్నాయి.
While shooting for ‘OG‘ at Wai lake in Maharashtra , met our Janasainiks; Singiri Sai, Singiri Rajesh and Sanni John from Kovvur , Rajamundry, East Godavari. pic.twitter.com/oPnrOaaFbf
— Pawan Kalyan (@PawanKalyan) May 8, 2023