ఆంధ్రప్రదేశ్ ముఖ్యమంత్రి వైఎస్ జగన్మోహన్రెడ్డికి ఢిల్లీకి వెళ్ళారు. ప్రధాని నరేంద్ర మోడీని కలిశారు. రాష్ట్రానికి సంబంధించిన వివిధ అంశాలపై ప్రధానికి ముఖ్యమంత్రి విజ్ఞప్తి చేస్తారనీ, వినతి పత్రం అందిస్తారనీ ప్రచారం జరిగిందిగానీ.. ప్రధాని నరేంద్ర మోడీ యెదుట గట్టిగా మాట్లాడే పరిస్థితి తెలుగు రాష్ట్రాల ముఖ్యమంత్రులకు లేదనే విషయం ఇప్పటికే స్పష్టమయిపోయిన దరిమిలా.. ఏపీ, తెలంగాణ ముఖ్యమంత్రుల ఢిల్లీ పర్యటన నుంచి తెలుగు ప్రజలు పెద్దగా ఆశించడానికి ఏమీ వుండదు.
మిగతా విషయాల సంగతి పక్కన పెడితే, ప్రత్యేక హోదా విషయంలో కేంద్రం మెడలు వంచేస్తామని గతంలో నానా యాగీ చేసిన వైఎస్సార్ కాంగ్రెస్ పార్టీ అధినేత వైఎస్ జగన్మోహన్రెడ్డి, ముఖ్యమంత్రి హోదాలో గట్టిగా కేంద్రాన్ని ఇప్పటిదాకా ప్రత్యేక హోదా గురించి అడిగింది లేదు. వైఎస్ జగన్ తాజా ఢిల్లీ పర్యటనకు సంబంధించిన ఎజెండాలో అసలు ప్రత్యేక హోదా అంశమే లేదన్నది అత్యంత విశ్వసనీయ వర్గాల సమాచారం.
మరోపక్క, రైతు భరోసా పథకాన్ని ప్రారంభిస్తున్న ఆంధ్రప్రదేశ్ ప్రభుత్వం, ఆ పథకాన్ని ప్రధాని చేతుల మీదుగా ప్రారంభింపజేయాలనీ, తద్వారా మోడీ దగ్గర మంచి మార్కులు కొట్టేయాలనీ భావిస్తోంది. ఇదే ప్రధాన ఎజెండాగా వైఎస్ జగన్ ఢిల్లీకి వెళ్ళారు. అయితే, ఆ రైతు భరోసాకి సంబంధించి రాష్ట్ర ప్రభుత్వం చెబుతున్న 12,500 రూపాయల మొత్తంలో, కేంద్రమే సగం సాయం అందిస్తోన్న విషయం విదితమే.
ఈ నేపథ్యంలో ఆ పథకం పట్ల వైసీపీ పబ్లిసిటీని, బీజేపీ వర్గాలు అస్సలేమాత్రం జీర్ణించుకోలేకపోతున్నాయి. రాష్ట్రంలో బీజేపీ నేతలపై కేసులు, సాక్షాత్తూ రాష్ట్ర బీజేపీ అధ్యక్షుడిపై వైసీపీ ప్రభుత్వం దాష్టీకం.. ఇవన్నీ ఇప్పటికే ప్రధాని దృష్టికి వెళ్ళాయి. ఈ నేపథ్యంలో మరోమారు ముఖ్యమంత్రి జగన్కి మోడీ తలంటు పోసేసి వుండొచ్చన్న ప్రచారమూ జరుగుతోంది. ‘మర్యాద పూర్వక భేటీ’ కంటే మించి, ఈ భేటీ గురించి పెద్దగా ఆలోచించడానికేమీ లేదన్నది రాజకీయ విశ్లేషకుల అభిప్రాయం.
578728 780281hi, your website is amazing. I truly do several thanks for operate 357139
573263 955904Up to now, you call for to term of hire an absolute truck or van and will also be removal equipments to valuable items plus have a look at the new destination. From the long run, which end up with are few points except anxiety moreover stress and anxiety. removals stockport 424625
2114 226617Ive writers block that comes and goes and I need to find a approach to get rid of my writers block. It can occasionally be so bad I can barley make sentences. Any tips? 810923