మెగాస్టార్ పై షాకింగ్ కామెంట్స్ చేసిన నటుడు ?

మెగాస్టార్ గా టాలీవుడ్ లో తిరుగులేని ఇమేజ్ ని సొంతం చేసుకున్న చిరంజీవి అంటే అందరికి అభిమానం. ప్రస్తుతం అత్యంత భారీగా సైరా అంటూ సిద్దమవుతున్న మెగాస్టార్ పై సంచలన నటుడు షాకింగ్ కామెంట్స్ చేసాడు. ప్రస్తుతం వ్యాఖ్యలు ఇండస్ట్రీ లో వైరల్ గా మారాయి. అయితే ఆ నటుడు చెప్పింది నెగిటివ్ గా కాదులేండి .. పాజిటివ్ గానే !! ఆ వివరాల్లోకి వెళితే పీపుల్స్ స్టార్ నారాయణమూర్తి నటించి దర్శకత్వం వహించిన మార్కెట్ లో ప్రజాస్వామ్యం సినిమా ఆడియో వేడుక హైదరాబాద్ లో జరిగింది. ఈ వేడుకలో ముఖ్య అథితిగా పాల్గొన్న చిరంజీవి పై నారాయణమూర్తి ప్రశంశల జల్లులు కురిపించారు.

చిరంజీవి తెలుగు పరిశ్రమను ఏలతాడని ఎప్పుడో అనుకున్నానని నారాయణమూర్తి అన్నారు. చిరంజీవి లాంటి గొప్ప నటుడిని తానూ చూడలేదని, తన డాన్సులతో ఉర్రుతలూగించిన చిరంజీవి హీరోగా ఆకాశాన్ని అందుకున్నారని .. ప్రస్తుతం మెగాస్టార్ గా ఉన్న ఆయన సైరా సినిమాతో ఒమెగాస్టార్ అవుతాడని చెప్పారు. చిరంజీవి తనలాంటి చిన్న నిర్మాతల సినిమా ఆడియో వేడుకకు రావడం పెద్ద ప్లస్ అని, ఆయన రావడంతో తన ఆడియో వేడుకను పలు టివి ఛానల్స్ లైవ్ ఇచ్చాయని, మెగాస్టార్ ఇమేజ్ అలాంటిదని అన్నారు.

ప్రాణం ఖరీదు సినిమాలో చిరంజీవి హీరోగా నటిస్తే తాను ఓ చిన్న పాత్ర చేసానని గుర్తుతెచ్చుకున్నాడు. ఓ సినిమా షూటింగ్ సమయంలో చెవిలో ఈయర్ ఫోన్స్ పెట్టుకుని వాక్ మెన్ తో షూటింగ్ షాట్ లోకి చిరంజీవి వచ్చాడని, అప్పుడు ఆ కుర్రాడ్ని చూడగానే తప్పకుండా తెలుగు పరిశ్రమను ఏలతాడని నారాయణమూర్తి ప్రశంశల జల్లులు కురిపించాడు. దాసరి స్థానంలో ఆయన మనమడు చిరంజీవి ఉన్నాడని చెప్పారు. నారాయణమూర్తి. అది సంగతి.