చంద్రబాబే ముఖ్యమంత్రి.. జనసేన పార్టీతో పవర్ షేరింగ్ ప్రశ్నే ఉత్పన్నం కాదు.! ఇందులో ఇంకో మాటకు ఆస్కారమే లేదు.!
టీడీపీ జాతీయ ప్రధాన కార్యదర్శి నారా లోకేష్ తాజాగా చేసిన వ్యాఖ్యలివి. 2024 ఎన్నికల కోసం టీడీపీ – జనసేన పొత్తు పెట్టుకున్న సంగతి తెలిసిందే. రెండూ పార్టీలూ చెరి సగం కాలం అధికారాన్ని పంచుకోవాలంటూ కొన్ని ప్రతిపాదనలు తెరపైకొస్తున్నాయి.
జనసేన శ్రేణులు కూడా పవర్ షేరింగ్ అంశం ఖచ్చితంగా పొత్తుల చర్చల్లో వుంటుందనే భావిస్తున్నాయి. అయితే, ఈ విషయమై ఇంతవరకు జనసేన అధినేత పవన్ కళ్యాణ్ ఎక్కడా అధికారిక ప్రకటన చేసింది లేదు. కొందరు జనసేన నేతలు మాత్రం, పవర్ షేరింగ్ గురించి మాట్లాడుతున్నారు.
ఇప్పుడున్న పరిస్థితుల్లో ‘పవర్ షేరింగ్’ అంశం, రెండు రాజకీయ పార్టీల మధ్యా ‘ఓటు ట్రాన్స్ఫర్’ సజావుగా సాగడానికి ఉపకరిస్తుంది. ‘పవర్ షేరింగ్ అంశంపై అధినాయకత్వం స్థాయిలో చర్చలు జరుగుతాయి..’ అనాల్సిన నారా లోకేష్, టీడీపీ జాతీయ ప్రధాన కార్యదర్శి హోదాలో, ఇంతటి తేలిక వ్యాఖ్య ఎలా చేయగలిగారంటూ సోషల్ మీడియా వేదికగా జనసేన శ్రేణులు మండిపడుతున్నాయి.
నిన్ననే నారా లోకేష్ పాదయాత్ర ముగింపు సందర్భంగా టీడీపీ నిర్వహించిన బహిరంగ సభలో జనసేన అధినేత పవన్ కళ్యాణ్ పాల్గొన్నారు. ‘నా పెద్దన్న పవన్ కళ్యాణ్..’ అంటూ నారా లోకేష్ వ్యాఖ్యానించిన సంగతి తెలిసిందే.
ఇంతలోనే, నారా లోకేష్ నుంచి పవర్ షేరింగ్ విషయమై తేలిక వ్యాఖ్యలు.. అందునా, జనసేనను లైట్ తీసుకుంటున్నట్లుగా లోకేష్ ఆటిట్యూడ్.. ఇవన్నీ జనసేన శ్రేణులకు అస్సలు మింగుడుపడ్డంలేదు.
మరోపక్క, చంద్రబాబు అరెస్టుపై జూనియర్ ఎన్టీయార్ స్పందించకపోవడంపై వ్యాఖ్యానించిన నారా లోకేష్, అది ఆయన వ్యక్తిగతం.. ఆయన విజ్ఞత.. అంటూ పేర్కొనడంపై జూనియర్ ఎన్టీయార్ అభిమానులు గుస్సా అవుతున్నారు. ఆ వ్యాఖ్యలు చేసే సమయంలో లోకేష్ బాడీ లాంగ్వేజ్ అస్సలు బాగోలేదన్నది జూనియర్ ఎన్టీయార్ అభిమానుల ఆరోపణగా కనిపిస్తోంది.
కాగా, పవర్ షేరింగ్ సహా జూనియర్ ఎన్టీయార్ అంశంపై నారా లోకేష్ ఇంకాస్త హుందాగా స్పందించి వుంటే బావుండేదని టీడీపీ వర్గాల్లోనూ చర్చ జరుగుతోంది.
Hello there! I know this is kinda off topic nevertheless
I’d figured I’d ask. Would you be interested in exchanging links or maybe guest authoring a blog
article or vice-versa? My blog goes over a lot of the
same subjects as yours and I believe we could greatly benefit from each other.
If you might be interested feel free to send me an email.
I look forward to hearing from you! Excellent blog by the
way!