నాని వ్యూహం వర్కవుట్ అయ్యేనా

నాచురల్ స్టార్ గా మంచి క్రేజ్ తెచ్చుకున్న నాని ప్రస్తుతం జెర్సీ సినిమాతో బిజీగా ఉన్నాడు. వరుస విజయాలతో మంచి జోరుమీదున్న నాని జోరుకు కృష్ణార్జున యుద్ధం, దేవదాస్ చిత్రాలు బ్రేక్ వేసాయి. దాంతో నెక్స్ట్ సినిమాతో ఎలాగైనా సరే మంచి హిట్ కొట్టాలనే కసితో ఉన్నాడు నాని.

ఇప్పటికే జెర్సీ సినిమా కూడా ట్రేడ్ వర్గాలతో పాటు ప్రేక్షకుల్లో క్రేజ్ క్రియేట్ చేస్తుంది. ఏప్రిల్ లో విడుదల కానున్న ఈ సినిమా తరువాత నాని మోహనకృష్ణ ఇంద్రగంటి తో సినిమాకు ఓకే చెప్పేసాడు.

అష్టాచమ్మా సినిమాతో మోహనకృష్ణ నానిని హీరోగా పరిచయం చేసాడు .. ఆ తరువాత వీరిద్దరి కాంబినేషన్లో వచ్చిన జెంటిల్ మెన్ కూడా మంచి సక్సెస్ కావడంతో ఇప్పుడు మూడో సినిమా పై అంచనాలు ఏర్పడ్డాయి. అయితే ఈ సినిమాలో నాని తో పాటు మరో హీరో కూడా ఉంటాడట. ఆ పాత్రకోసం మలయాళ నటుడు దుల్కర్ సల్మాన్ ని ట్రై చేసారు కానీ దుల్కర్ వేరే సినిమాలతో బిజిగా ఉండడంతో అయన ఈ సినిమాకు నో చెప్పాడట… దాంతో ఈ పాత్రను తెలుగు హీరో సుధీర్ బాబు చేస్తున్నాడట.

సుధీర్ బాబుకు ఈ మద్యే సమ్మోహనం సినిమాతో మోహన కృష్ణ ఇంద్రగంటి మంచి సక్సెస్ ఇచ్చాడు .. సో నానితో కలిసి సుధీర్ బాబు చేస్తున్న మొదటి సినిమా ఇదే. అన్నట్టు ఈ సినిమా టైటిల్ కూడా ఫిలిం ఛాంబర్ లో రిజిస్టర్ చేయించారు. ఇంతకీ టైటిల్ ఏమిటో తెలుసా .. వ్యూహం !! అవును టైటిల్ వింటుంటే ఇదేదో సస్పెన్స్ థ్రిల్లర్ గా ఉంటుందని చెప్పాల్సిన పనిలేదు. మొత్తానికి జెర్సీ తరువాత నాని చేసే ఈ వ్యూహం టైటిల్ ఆసక్తి పెంచుతుంది.