సినిమా రివ్యూ : కాంచన-3

నటీనటులు : రాఘవ లారెన్స్, వేదిక, ఓవియా, నిక్కీ తంబోలి, కోవై సరళ, శ్రీమాన్ తదితరులు ..
సంగీత : థమన్
కెమెరా : వెట్రి
నిర్మాత : కళానిధి మారన్
దర్శకత్వం : రాఘవ లారెన్స్

హర్రర్ సినిమాలంటే సౌత్ ప్రేక్షకులకు ఆసక్తి కలిగించేలా చేసిన సినిమా కాంచన. అంతకుముందు వచ్చిన ముని సంచలన విజయం సాధించడంతో దానికి సీక్వెల్ గా కాంచన చిత్రాన్ని తెరకెక్కించాడు రాఘవ లారెన్స్. కాంచన బాక్స్ ఆఫీస్ వద్ద పెద్ద దుమారమే రేపి హర్రర్ సినిమాల రేంజ్ మార్చేసింది. దాంతో ప్రేక్షకులను అటు వైపు మళ్లించింది. ముని సిరీస్ లో భాగంగా ఇప్పుడు కాంచన 3 వచ్చింది. భారీ అంచనాల మధ్య వచ్చిన ఈ మూడో కాంచన ఎవరు ? అన్న విషయం తెలియాలంటే కథలోకి వెళ్లాల్సిందే..

కథ :

రాఘవ ( రాఘవ లారెన్స్ ) అతనికి దెయ్యాలంటే తెగ బయపడిపోతాడు. వేరే విషయాల్లో ఏంతో డేర్ తో ఉండే రాఘవ ఇలా దెయ్యాలకు భయపడడం అన్నది అతని తల్లి ( కోవై సరళ ) అన్న ( శ్రీమాన్ ) లకు అస్సలు నచ్చదు. అందుకే అతన్ని అప్పుడప్పుడు ఆటపట్టిస్తూ ఉంటారు. రాఘవ ఫ్యామిలీ వరంగల్లో ఉన్న తన తాత షష్టిపూర్తి వేడుకకు అక్కడికి వస్తారు. ఆ తరువాత ఆ ఇంట్లో రెండు దెయ్యాలు ఉన్నాయని తెలుసుకుంటారు. వాటిని తరిమికొట్టే విషయంలో సీన్ రివర్స్ అయి ఆ రెండు దెయ్యాలు రాఘవ్ ను ఆవహిస్తాయి. దాంతో రాఘవ పైనున్న ఆ దెయ్యాలను పంపించేందుకు ఎలాంటి పనులు చేసారు? అసలు రాఘవ ఒంట్లో దూరిన ఆ రెండు దెయ్యాలు ఎవరు ? అన్న విషయమే మిగతా కథ.

నటీనటుల ప్రతిభ :

ముని సిరీస్ లో భాగంగా కాంచన పేరుతొ తెరకెక్కిన నాలుగో సిరీస్ ఇది. హర్రర్ కామెడీ నేపథ్యంలో వచ్చిన ఈ సినిమా పూర్తిగా ఎంటర్ టైనర్ బేస్ గా సాగుతుంది. సమాజానికి సేవ చేస్తున్న వారిని విలన్ అన్యాయంగా, అతి కిరాతకంగా చంపడం, దాంతో ప్రాణాలు కోల్పోయిన వాళ్ళు దెయ్యంగా మారి మరో వ్యక్తిలోకి ప్రవేశించి .. అతని ద్వారా పగ తీర్చుకోవడం అన్న కాన్సెప్ట్ తో ఈ సిరీస్ సాగుతుంది. ఈ సినిమాలో నటీనటుల పరంగా కొత్తగా చేసింది ఏమిలేదు. కాంచన సినిమాను కాస్తంత సాగదీసే ప్రయత్నం చేసాడు లారెన్స్. ఇక నటన విషయంలో లారెన్స్ ఎప్పటిలాగే చేసాడు. అతని మరదలుగా ఓవియా, వేదిక, నిక్కీ తంబోలి కాస్త గ్లామర్ తో పాటు అక్కడక్కడా నవ్వించే ప్రయత్నం చేసారు. ఇక కోవై సరళ ఎప్పటిలాగే కామెడీ తల్లిగా నవ్వించే ప్రయత్నం చేసింది. కాకపోతే కాస్త ఓవర్ యాక్షన్ అయినట్టుంది. ఇక శ్రీమాన్, మిగతా నటీనటులు కూడా ఎవ్వరు తగ్గమన్నట్టు అందరు ఓవర్ యాక్షన్ చేసారు.

టెక్నీకల్ హైలెట్స్ :

కాంచన సిరీస్ కు సంగీతం అందించిన థమన్ మరోసారి అందించిన ఆర్ ఆర్ ఈ సినిమాకు పెద్ద ప్లస్ పాయింట్ అని చెప్పాలి. అయితే పాటలు మాత్రం ఆశించిన స్థాయిలో ఆకట్టుకోవు. హర్రర్ సినిమాలను కెమెరా పనితనం ప్రధానమైంది. ఈ విషయంలో వెట్రి సినిమాటోగ్రఫీ బాగుంది. ఇక నిర్మాణ విలువలకు డోకా లేదు. అయితే దర్శకుడిగా రాఘవ లారెన్స్ రెగ్యులర్ ఫార్ములా మునిని తీసుకుని నాలుగో సిరీస్ గా చేసిన ఈ సినిమా కథ ముందే తెలుసు. ఐతే గత సిరీస్ లో లాగా ఈ సినిమాలో పెద్దగా ఆకట్టుకునే కథనం లేకపోవడం పెద్ద మైనస్ గా మారింది. ఫ్లాష్ బ్యాక్ లో వచ్చే కథలో ఏమాత్రం పట్టులేకపోవడంతో సినిమా పై ఆసక్తి తగ్గి బోర్ కొట్టిస్తుంది. కథకుడిగా, దర్శకుడిగా రాఘవ లారెన్స్ సరైన రీతిలో కథను ఆసక్తికర మలుపులతో నడపలేకపోయాడు. సినిమాలో కామెడీ కోసం చేసే సన్నివేశాలు విసుగు తెప్పిస్తాయి. కామెడీ అంటే ఫ్లో లో వస్తే నవ్వు తెప్పిస్తుంది కానీ నవ్వు తెపించేందుకు సన్నివేశాలు అల్లుకోవడం జీర్ణించుకోలేని అంశం.

విశ్లేషణ ;

హర్రర్ ఎంటర్ టైనర్ గా తెరకెక్కిన ఈ సినిమా రివెంజ్ డ్రామాగా సాగుతుంది. అయితే కథలో సరైన పాయింట్ లేకపోవడం. దెయ్యాలంటే భయపడిపోయే హీరో కావాలని చేసినట్టుగా ఉంది తప్ప, నాచురాలిటీ ఎక్కడ అనిపించదు. పైగా మిగతా పాత్రలతో బయపెట్టించే ప్రయత్నం కూడా బెడిసి కొట్టింది. ముఖ్యంగా ఇంగ్లిష్ సినిమాను స్ఫూర్తి గా తీసుకుని లేడి దెయ్యాన్ని క్రియేట్ చేసాడు. అది కొత్తగా అనిపించకపోగా పక్కా కాపీగానే అనిపిస్తుంది. ప్రథమార్థంలో కథ ఎక్కడ ఆసక్తి లేకుండా సాగిపోవడం. పోనీ ద్వితీయార్థంలో అయినా అసలు కథ మొదలవుతుందేమో అనుకుంటే ఏమాత్రం ఆసక్తి లేని కథను చెప్పాడు. దెయ్యం కావడంకోసమే ఆ ఫ్లాష్ బ్యాక్ స్టోరీ అల్లుకున్నట్టుగా ఉంటుంది. ఇక రాఘవ లారెన్స్ ఆకట్టుకొని నటన, నటన అనేకంటే ఓవర్ యాక్షన్ అంటే బెటరెమో. ఏమాత్రం బయపెట్టని సన్నివేశాలు వెరసి .. కాంచన 3 ఎలాంటి ఆసక్తి కలిగించని సినిమాగా మిగిలిపోయింది. మొత్తానికి భారీ అంచనాలతో వచ్చిన మూడో కాంచన బయపెట్టకపోగా .. విసుగు తెప్పించింది.

ట్యాగ్ లైన్ : చిరాకు తెప్పించిన దెయ్యం.