మళ్ళీ లారెన్స్ ని దువ్వుతున్నారట ?

గత వారం రాఘవ లారెన్స్ దర్శకత్వం వహిస్తున్న కాంచన హిందీ రీమేక్ లక్ష్మి బాంబు సినిమాకు సంబందించిన ఓ పోస్టర్ విడుదలైన విషయం తెలిసిందే. ఈ పోస్టర్ విషయంలో తన ప్రమేయం లేకుండానే యూనిట్ పోస్టర్ ని విడుదల చేసిందంటూ ఫీలైన దర్శకుడు రాఘవ లారెన్స్ ఈ సినిమా నుండి తప్పుకుంటున్నట్టు ప్రకటించాడు. ముఖ్యంగా అక్షయ్ కుమార్ తన ట్విట్టర్ అకౌంట్ లో ఈ పోస్టర్ ని రాఘవ లారెన్స్ కు చెప్పకుండానే పోస్ట్ చేయడం వివాదానికి దారి తీసింది. లారెన్స్ బహిరంగంగా ఆవేదన వ్యక్తం చేస్తూ ఈ సినిమా నుండి తప్పుకున్నట్టు తెలిపాడు.

అయితే లారెన్స్ ప్లేస్ లో కొత్త దర్శకుడిని పెట్టాలన్న ఆలోచనలు యూనిట్ చేసిందట .. కానీ ఈ కథకు లారెన్స్ అయితేనే కరెక్ట్ గా డీల్ చేస్తాడని అనుకున్నారో ఏమో గాని .. మళ్ళీ లారెన్స్ తో మంతనాలు జరిపుతున్నారట నిర్మాతలు. ఈ విషయంలో అక్షయ్ కుమార్ కూడా లారెన్స్ ని అడిగాడట .. ఎదో అనుకోకుండా జరిగింది ఇకపై అలాంటి పొరపాట్లు జరగకుండా జాగ్రత్త పడతాం అంటూ ఫోన్ చేసి సారీ చెప్పాడట. దాంతో లారెన్స్ కూడా కూల్ అయినట్టు తెలిసింది. నిర్మాతలు కూడా లారెన్స్ కోసం చెన్నై వచ్చి మంతనాలు జరిపారట. మొత్తానికి మళ్ళీ లారెన్స్ ని బాగానే దువ్వుతున్నారంటూ కోలీవుడ్ మీడియా కోడై కూస్తుంది.

నిజమే ఒక సినిమా విషయంలో దర్శకుడికి తెలియకుండా ఫస్ట్ లుక్ విడుదల చేయడం, ఆ బాధతో దర్శకుడు ఆ యూనిట్ నుండి మారిపోవడం అంటే ఆషామాషీ విషయాలు కావు. ఇవి ముందు ముందు సినిమాకు చాలా నెగిటివ్ పబ్లిసిటీ ని కలిగిస్తాయి కాబట్టి .. నిర్మాతలు జాగ్రత్త పడ్డట్టున్నారు. హీరో, నిర్మాతలు బతిమిలాడడంతో లారెన్స్ కూడా ఓకే చెప్పాడని టాక్. సో త్వరలోనే అయన ఈ సినిమా షూటింగ్ లో పాల్గొననున్నాడట.