లీకులే నిజమవుతున్నాయ్.! బిగ్ బాస్ రియాల్టీ షో నుంచి ఈ లీకుల్ని టీమ్ ఆపలేకపోతోంది.! అది అసాధ్యం కూడా.! ఎలిమినేషన్ వ్యవహారానికి సంబంధించి హైడ్రామా అనవసరం. కానీ, అది నడుస్తుందంటే. కిరణ్ రాథోడ్ తొలి ఎలిమినేటెడ్ కంటెస్టెంట్ అని శనివారమే లీకు వచ్చింది.
దానికి తగ్గట్టే కిరణ్ రాథోడ్ హౌస్ నుంచి ఎలిమినేట్ అయిపోయింది. సండే ఫన్ డే.. అని హోస్ట్ అక్కినేని నాగార్జున చెప్పాడుగానీ.. అస్సలేమాత్రం ఫన్ లేకుండా వీకెండ్ షో ముగిసింది. లవబుల్ మూమెంట్.. అలాగే, మర్చిపోవాలనుకునే మూమెంట్.. అంటూ ఓ టాస్క్ పెట్టాడు నాగ్, కంటెస్టెంట్లకి.
ఇది నిజంగానే ఓ సోది టాస్క్.! ఎక్కుమంది షకీలాతో లవబుల్ మూమెంట్స్ అని చెప్పుకొచ్చారు. వారం రోజుల్లో లవబుల్ మూమెంట్స్ ఏముంటాయ్.? మర్చిపోవాలనుకునే మూమెంట్స్ ఏముంటాయ్.? నిజానికి, ఎన్నో కొన్ని వుండొచ్చు. కానీ, అంతా హంబక్. చాలా చప్పగా సాగింది టాస్క్.
కిరణ్ రాథోడ్ – ప్రిన్స్ యావర్ మధ్య ఫైనల్ టాస్క్ నడిచింది. టాస్క్ కాదుగానీ.. ఇద్దరిలో ఎవరు నిలుస్తారంటూ హడావిడి చేశాడు నాగ్. కిరణ్ రాథోడ్ ఔట్ అయిపోయింది. హౌస్లో ఆమె వల్ల అస్సలేమాత్రం ఉపయోగం లేదని తేల్చేసి, పంపేసి వుండొచ్చు. బయటకు వెళుతూ, కిరణ్ రాథోడ్.. ఆసక్తికరమైన వ్యాఖ్యలు చేసింది.
రతిక, పల్లవి ప్రశాంత్, శోభా శెట్టి, టేస్టీ తేజలని ఉల్టాపల్టాలుగా పేర్కొంది. ఓవర్ కాన్ఫిడెంట్, కన్నింగ్.. అంటూ ఆయా కంటెస్టెంట్ల గురించి శోభా శెట్టి వ్యాఖ్యానించడం గమనార్హం. కిరణ్ రాథోడ్ హౌస్ నుంచి వెళ్ళిపోవడంపై షకీలా బాగా ఫీల్ అయ్యింది. తన నామినేషన్ వల్లే ఇదంతా.. అంటూ కిరణ్ రాథోడ్ ఎలిమినేషన్పై తెగ బాధ పడిపోయినట్లు నటించేసింది శోభా శెట్టి.
అన్నట్టు, కింగ్ మీటర్ కూడా వుంటుందని నాగ్ చెప్పాడుగానీ.. ఆ మీటర్ తాలూకు మేటరేంటో చెప్పలేదు. అంతా గందరగోళం.! దటీజ్ బిగ్ బాస్.! రేపటి ప్రోమో విషయానికొస్తే, హౌస్లో నామినేషన్స్ సందర్భంగా ఘాటైన డిస్కషన్ జరిగినట్లుంది. ఇదిలా వుంటే, సందీప్, వీఐపీ రూమ్లోకి ఎంట్రీ దక్కించుకున్నాడు.!