ఆంధ్రప్రదేశ్ కు కీలకమైన పోలవరం ప్రాజెక్టులో ఎలా ముందుకెళ్లాలో తెలియక ప్రభుత్వం మల్లగుల్లాలు పడుతోందా? రివర్స్ టెండరింగ్ పేరుతో నవయుగ ఒప్పందాన్ని రద్దు చేసిన సర్కారు.. అయోమయంలో పడిందా? అంటే ఔననే అంటున్నారు. ఈ వ్యవహారంలో ప్రధాని మోదీ నుంచి ఎలాంటి మద్దతూ లభించకపోవడంతో సీఎం వైఎస్ జగన్ మోహన్ రెడ్డి పునరాలోచనలో పడినట్టు చెబుతున్నారు.
అందువల్లే ఇటీవల కాలంలో పోలవరం ప్రాజెక్టుపై అటు ఇరిగేషన్ మంత్రి అనిల్ కుమార్ సహా ఎవరూ నోరు మెదపకుండా సైలెంట్ అయ్యారని పేర్కొంటున్నారు. రీటెండరింగ్ కు వెళ్లి చాలా రోజులు అయినా.. దాని ప్రస్తుత స్థితిగతులు ఏమిటనే అంశాన్ని సర్కారు వర్గాలు చెప్పడంలేదు. రేమండ్ పీటర్ ఇచ్చిన నివేదికపై కేంద్ర ప్రభుత్వం పలు సందేహాలు లేవనెత్తడమే ఇందుకు కారణమని సమాచారం. పీటర్ ఇచ్చిన నివేదిక ఆధారంగానే పోలవరం ప్రాజెక్టుపై గత ప్రభుత్వం నవయుగ సంస్థతో చేసుకున్న ఒప్పందాన్ని జగన్ సర్కారు రద్దు చేసి, రివర్స్ టెండరింగ్ కు వెళ్లింది.
Also Read: కొత్త కథ: కత్తీ ఎందుకు గుచ్చుకున్నావ్.!
అయితే, ఈ విషయంలో హైకోర్టులోనూ ప్రభుత్వానికి ఎదురుదెబ్బ తగిలింది. అయినప్పటికీ, జగన్ వెనక్కి తగ్గకుండా ముందుకే వెళ్లాలని భావించారు. దీనిపై ఇటీవల కేంద్ర ప్రభుత్వ పెద్దలను కలిసి వివరణ ఇచ్చారు. అయినప్పటికీ వారు సంతృప్తి చెందలేదని తెలుస్తోంది. పైగా పీటర్ ఇచ్చిన నివేదికలో కొన్ని అంశాలపై వివరణ కోరుతూ కేంద్రం లేఖ రాసింది. కానీ ఇప్పటివరకు వాటికి ఏపీ ప్రభుత్వం ఎలాంటి సమాధానం ఇవ్వకుండా మిన్నకుండిపోయింది.
ఇప్పటికే ఈ వ్యవహారం చాలా దూరం వచ్చేసిందని.. పోలవరం రివర్స్ టెండరింగ్ పై జగన్ అటు ముందుకు, ఇటు వెనక్కి వెళ్లలేని పరిస్థితిలో ఉన్నారని విశ్లేషకులు చెబుతున్నారు. ఒకవేళ జగన్ ఈ విషయంలో మొండిగా వ్యవహరిస్తే.. ఇబ్బందులు తప్పవని అభిప్రాయపడుతున్నారు. ఇప్పటివరకు కేంద్ర నిధులతో 71 శాతం పనులు పూర్తికాగా, మిగిలిన 29 శాతం పనులను రాష్ట్రమే సొంత నిధులతో పూర్తి చేయాల్సి వస్తుందని చెబుతున్నారు. అయినప్పటికీ ఇది కేంద్ర ప్రాయోజిత ప్రాజెక్టు కావడంతో కేంద్రం అభ్యంతరం వ్యక్తంచేసే అవకాశం ఉందని స్పష్టంచేస్తున్నారు.
మరోవైపు పోలవరం ప్రాజెక్టుని పూర్తిచేసి ఆ క్రెడిట్ తమ ఖాతాలో వేసుకోవాలని రాష్ట్ర బీజేపీ నేతలు పావులు కదుపుతున్నారు. దీనిపై తమ పార్టీ పెద్దలకు నివేదిక సైతం సమర్పించినట్టు సమాచారం. ఈ నేపథ్యంలోనే రివర్స్ టెండర్లపై కేంద్రం అభ్యంతరం వ్యక్తంచేస్తోందని తెలుస్తోంది. మొత్తానికి పోలవరం విషయంలో జగన్ సెల్ఫ్ గోల్ వేసుకున్నారనే అభిప్రాయాలు వినిపిస్తున్నాయి.
533020 880861Hi, Thanks for your page. I discovered your page by means of Bing and hope you maintain providing a lot more very good articles. 688477
694791 863020It can be tough to write about this topic. I believe you did an outstanding job though! Thanks for this! 34906