జాను ఊహలే సాంగ్ రివ్యూ : ఈ మెలోడీ హాంట్ చేస్తుంది

మెలోడీలతో మెప్పించడం అంత సులువైన విషయమేం కాదు, అందులోనూ ఆ మెలోడీతో పెయిన్ ను చెప్పాలంటే అది కత్తి మీద సామే. ఇద్దరు ప్రేమికులు అనుకోని పరిస్థితుల్లో విడిపోయి మళ్ళీ వాళ్ళ స్కూల్ రీ యూనియన్ లో కలిసినప్పుడు ఎదురయ్యే అనుభూతులు, వారి భావాలు, వాటి నుండి దారి తీసిన పరిస్థితులు.. వీటన్నిటి సమాహారమే ఈ చిత్రం.

శర్వానంద్, సమంత కలిసి నటించిన చిత్రం జాను తమిళంలో సూపర్ హిట్ అయిన 96′ కు రీమేక్ అన్న విషయం తెల్సిందే. ఒరిజినల్ చిత్రాన్ని తెరకెక్కించిన సి ప్రేమ్ కుమార్ ఈ చిత్రాన్ని కూడా డైరెక్ట్ చేసాడు. అలాగే మ్యూజిక్ డైరెక్టర్ గోవింద్ వసంత కూడా 96′ చిత్రానికి సంగీతం అందించిన వారే. జాను చిత్రంలోని మొదటి పాట ప్రాణం అందరినీ ఆకట్టుకున్న విషయం తెల్సిందే.

ఈ వరసలో ఇప్పుడు రెండో పాటను విడుదల చేసారు. ఊహలే అనే పేరుతో ఉన్న ఈ పాట చాలా స్లో గా ఉన్నా కూడా వినే కొద్దీ మైమరపిస్తుంది. ఈ సాంగ్ లో లాస్ట్ లో వచ్చే థీమ్ మ్యూజిక్ అయితే మిమ్మల్ని హాంట్ చేస్తుంది. మళ్ళీ మళ్ళీ వినేలా ప్రేరేపిస్తుంది. శ్రీమణి అందించిన సాహిత్యం ఈ సాంగ్ కు సరిగ్గా సెట్ అయింది. అలాగే చిన్మయి గానం కూడా ఆకర్షిస్తుంది. ఇలా అన్నీ సరిగ్గా కలగలసిన స్లో మెలోడీ నెంబర్ ఊహలే చార్ట్ బస్టర్ అవ్వడం ఖాయం. ఒక వర్గం శ్రోతలు మాత్రం ఈ పాటను కొన్నేళ్ల పాటు విడిచి పెట్టకపోవచ్చు.