మామూలుగా మనమంతా ‘పాక్‌ ఆక్రమిత కాశ్మీర్‌’ గురించి మాట్లాడుకుంటుంటాం. మరి, చైనా ఆక్రమిత కాశ్మీర్‌ సంగతేంటి.? ఎప్పుడో దాదాపు ఐదు దశాబ్దాల క్రితం భారతదేశం నుంచి కొంత భాగాన్ని చైనా ఆక్రమించేసుకుంది. అదే అక్సాయ్‌ చిన్‌.. దాన్నే మనం చైనా ఆక్రమిత కాశ్మీర్‌ అని చెబుతుంటాం. ప్రస్తుత లడఖ్‌కి ఆనుకుని వుంటుందిది. గత నాలుగైదేళ్ళలో చైనా, భారత్‌ని ఆక్రమించేందుకు ఉవ్విళ్ళూరుతున్న విషయం విదితమే. బోర్డర్‌లో చైనా సైన్యం భారీ మోహరింపులకు దిగుతోంది. భారత సైన్యంతో గిల్లికజ్జాలకు దిగుతోంది.
‘సరిహద్దుల్లో చిన్నపాటి అలజడులు సర్వసాధారణమే.. ఇవి యుద్ధానికి దారి తీసేంతటి తీవ్రమైన పరిణామాలు కావు. భారత్‌తో శాంతియుతంగానే అన్ని సమస్యలూ పరిష్కరించుకుంటాం..’ అని చైనా పదే పదే చెబుతోంది. కానీ, ఇంకోపక్క భారత్‌తో కయ్యానికి కాలు దువ్వుతోంది. ఆల్రెడీ నేపాల్‌ని తన దారికి తెచ్చుకున్న చైనా, నేపాల్‌ – భారత్‌ మధ్య సరిహద్దు వివాదాన్ని రగిల్చిన విషయం విదితమే.
తాజాగా లడక్‌ సరిహద్దుల్లో చైనా సైన్యం గొడవకు దిగుతోంది. గత కొన్నాళ్ళుగా డోక్లాం ప్రాంతంలో చైనా అత్యుత్సాహం ఎక్కువైంది. నిజానికి, అక్కడ కొంత భారత భూభాగంలో చైనా తిష్ట వేసిందన్న ప్రచారం జరుగుతోంది. ‘అబ్బే, అదేం లేదు..’ అని భారత ప్రభుత్వం చెబుతోంది. మరోపక్క, చైనా మన దేశానికి చెందిన కొంత భూమిని ఆక్రమించుకుందంటూ జరుగుతోన్న ప్రచారానికి మరింత బలం చేకూరేలా రక్షణ రంగ నిపుణుల నుంచి అభిప్రాయాలు వెల్లడవుతున్నాయి.
చాలా ఏళ్ళ తర్వాత భారత్‌ నుంచి కొంత భూమిని చైనా ఆక్రమించుకుందంటూ జాతీయ అంతర్జాతీయ మీడియాలో కథనాల నేపథ్యంలో, నరేంద్ర మోడీ సర్కార్‌పై ఒత్తిడి పెరుగుతోంది. కాంగ్రెస్ నేత రాహుల్‌ గాంధీ, ఇప్పటికే ఈ విషయమై చాలా సున్నితంగా నరేంద్ర మోడీ సర్కార్‌ని ప్రశ్నించారు. ఇది చాలా సున్నితమైన విషయం కావడంతో విపక్షాలు ఆచి తూచి కేంద్రాన్ని ప్రశ్నిస్తున్నాయి.
నేపాల్‌ వివాదంలోనూ భారత్‌ మెతక వైఖరి ప్రదర్శించిందనీ, ఇప్పుడు లడాఖ్‌ సరిహద్దుల్లో చైనా ‘అతి’ ఎక్కువయ్యిందంటే, తెరవెనుకాల జరగకూడనిది ఏదో జరిగిందనే అనుమానాలు పెరిగిపోతున్నాయి. ఇప్పుడీ వ్యవహారాలపై స్పష్టత ఇవ్వాల్సిన బాధ్యత మోడీ సర్కార మీదనే వుంది. ఎందుకంటే, ఇది 130 కోట్ల మంది భారతీయుల ఆత్మగౌరవానికి సంబంధించిన విషయం.
254360 776537An fascinating discussion is worth comment. I feel that you need to have to write much more on this matter, it may not be a taboo topic but usually individuals are not enough to speak on such topics. To the next. Cheers 200034
What’s up, after reading this remarkable post i am also delighted to share my experience here with colleagues.