ఎలా పవన్‌.. ఎలా సాధ్యమవుతోంది ఈ సింప్లిసిటీ.!

ప్రస్తుతం హరిద్వార్‌లో జనసేన అధినేత పవన్‌ కళ్యాణ్‌ వున్నారు. గంగా ప్రక్షాళనపై మాట్లాడుతున్నారు. అక్కడే ఆయన వెన్ను నొప్పికి సంప్రదాయ వైద్య చికిత్స తీసుకుంటున్నారు కూడా. ఆ మధ్య విజయవాడలో జరగాల్సిన ఓ కార్యక్రమంలో పాల్గొనలేకపోవడానికి వెన్ను నొప్పిని కారణంగా చూపిన పవన్‌ కళ్యాణ్‌, ఆ తర్వాత మళ్ళీ మీడియా ముందుకు రాలేదు.

పవన్‌ కళ్యాణ్‌ ఎక్కడ.? విదేశాలకు వెళ్ళిపోయారా.? పార్టీలో ముఖ్య నేతలు జంపింగ్‌ జపాంగులుగా మారిపోతేంటే, పవన్‌ కళ్యాణ్‌ ఏం చేస్తున్నట్లు.? అనే ప్రశ్నలు ఉత్పన్నమవుతున్న వేళ, పవన్‌ కళ్యాణ్‌కి సంబంధించిన వివరాల్ని సోషల్‌ మీడియా వేదికగా జనసేన పార్టీ ప్రచారంలోకి తీసుకొస్తోంది. సినిమాల్లో పవర్‌ స్టార్‌ అయినా, రియల్‌ లైఫ్‌లో పవన్‌ చాలా సింప్లిసిటీని మెయిన్‌టెయిన్‌ చేస్తుంటారు. అదే రాజకీయాల్లోనూ ఆయన కొనసాగిస్తున్నారు.

సినిమా షూటింగుల్లేకపోతే.. తన సొంత ఫామ్‌హౌస్‌కి వెళ్ళిపోయి వ్యవసాయం చేస్తుంటారు.. పశువుల్ని మేపుతుంటారు. రాజకీయాల్లోకి వచ్చాక కూడా జంతుజాలంతో తన దైనందిన కార్యక్రమాల్ని వదులుకోలేదు. ఎన్నికల ప్రచారం సందర్భంలో కూడా, ఖాళీ దొరికినప్పుడు అత్యంత సాధారణ జీవితాన్నే కొనసాగించారు తప్ప.. ఏసీ క్యారవాన్లను ఆయన ఉపయోగించింది లేదు.

తాజాగా హరిద్వార్‌లో వున్న పవన్‌ కళ్యాణ్‌, ఓ ఆశ్రమంలో సేదతీరుతున్నారు. ఆయన నివసిస్తోన్న రూమ్‌లో ఓ మామూలు బెడ్‌ మినహా ప్రత్యేక సౌకర్యాలు ఏమీ లేవు. ఎలా.? ఇదంతా ఎలా సాధ్యమవుతోంది.? అని పవన్‌ కళ్యాణ్‌ అభిమానులు ఆశ్చర్యపోతున్నారు. షరామామూలుఆనే హేటర్స్‌, కోడి గుడ్డు మీద ‘ఈకలు’ పీకేందుకు ప్రయత్నిస్తారనుకోండి.. అది వేరే విషయం.

ఏదిఏమైనా సినిమాల్లో తన స్టైలింగ్‌తో ‘పవర్‌స్టార్‌’ అన్పించుకున్న పవన్‌ కళ్యాణ్‌, రియల్‌ లైఫ్‌లో సింప్లిసిటీతో అసలు సిసలు నాయకుడు.. అన్పించుకుంటున్నాడన్నది నిర్వివాదాంశం. వెన్ను నొప్పి నుంచి పూర్తిగా కోలుకుని, రాజకీయాల్లో పవన్‌ తిరిగి పూర్తిస్థాయిలో యాక్టివ్‌ అవ్వాలని ఆశిద్దాం.