‘డియర్‌ కామ్రేడ్‌’కి ఓవర్సీస్‌లో పోటెత్తుతున్న రౌడీస్‌.!

విజయ్‌ దేవరకొండ.. చాలా తక్కువ సినిమాలతో చాలా ఎక్కువ పాపులారిటీ సొంతం చేసేసుకున్న యంగ్‌ హీరో. ‘సూపర్‌ స్టార్‌’ ఇమేజ్‌ అతనికి ఎంతో దూరంలో లేదని కొందరు అంటోంటే, ఆల్రెడీ ఆయన సూపర్‌ స్టార్‌ అయిపోయాడని మరికొందరు అంటుంటారు. ఆ డిస్కషన్‌ సంగతి పక్కన పెడితే, రేపు ‘డియర్‌ కామ్రేడ్‌’ అంటూ ప్రేక్షకుల ముందుకొచ్చేస్తున్నాడు ఈ యంగ్‌ హీరో. ‘నేను రౌడీ’ అని సరదాగా చెబుతుంటాడు విజయ్‌ దేవరకొండ. తన అభిమానుల్నీ ‘రౌడీస్‌’ అని పిలుస్తుంటారు. ఇప్పుడా రౌడీస్‌, ‘డియర్‌ దేవరకొండ’ సినిమా ప్రమోషన్‌లో కీలక పాత్ర పోషిస్తున్నారు.

ఆల్రెడీ ఓవర్సీస్‌లో రికార్డ్‌ ప్రైస్‌కి ‘డియర్‌ కామ్రేడ్‌’ సేల్‌ అయిన విషయం విదితమే. మరోపక్క, ఓవర్సీస్‌లో ప్రీమియర్స్‌ కోసం రౌడీస్‌ పోటెత్తేస్తున్నారు. ప్రీమియర్స్‌తోనే తమ అభిమాన హీరో గత రికార్డులు కొల్లగొట్టేస్తాడంటూ రౌడీస్‌ ధీమా వ్యక్తం చేస్తున్నారనుకోండి.. అది వేరే సంగతి. బజ్‌ చూస్తే మాత్రం, ఓవర్సీస్‌ ప్రీమియర్స్‌తో ‘డియర్‌ కామ్రేడ్‌’ సరికొత్త సంచలనం సృష్టించేలానే వుంది. మరోపక్క, ఈ సినిమాని నాలుగు భాషల్లో ఏకకాలంలో విడుదల చేస్తున్నారు.

దానికి తగ్గట్టుగా నాలుగు ప్రధాన నగరాల్లోనూ మ్యూజిక్‌ ఫెస్టివల్స్‌ని నిర్వహించారు. వాటిల్లో విజయ్‌ దేవరకొండతోపాటు హీరోయిన్‌ రష్మిక మండన్న ఆడి, పాడి.. అందర్నీ అలరించాడు. లేటెస్ట్‌గా వైజాగ్‌లో ప్రీ- రిలీజ్‌ ఈవెంట్‌ కూడా జరిగింది. ఆ ఈవెంట్‌లో విజయ్‌ దేవరకొండని సూపర్‌ స్టార్‌గా అభివర్ణించేసింది సినిమా టీమ్‌. ఓవర్సీస్‌తోపాటు, తెలుగు రాష్ట్రాల్లోనూ డియర్‌ కామ్రేడ్‌ రికార్డు స్థాయి ఓపెనింగ్స్‌ సాధిస్తుందని అంచనా వేస్తున్నారు ట్రేడ్‌ పండితులు. భరత్‌ కమ్మ దర్శకత్వంలో రూపొందిన ఈ చిత్రాన్ని మైత్రీ మూవీ మేకర్స్‌ నిర్మించిన విషయం విదితమే.