ఇంటర్వ్యూ: రామ్ చరణ్ ని నా చేత్తో చంపాలి, అది నా వల్ల కాలేదు – చిరంజీవి

ప్రస్తుతం ఇండియా మొత్తం సెన్సేషన్ క్రియేట్ చేస్తూ గాంధీ జయంతి రోజు అక్టోబర్ 2న గ్రాండ్ గా రిలీజ్ కావడానికి సిద్దమైన సినిమా ‘సైరా నరసింహారెడ్డి’. ప్రస్తుతం ఈ చిత్ర టీం అన్ని మేజర్ సిటీస్ తిరుగుతూ ప్రమోట్ చేస్తున్నారు. ఈ ప్రమోషన్స్ లో సైరా గురించి అందరూ చాలా విషయాలు షేర్ చేసుకున్నారు. కానీ అన్ని చోట్లా చిరంజీవి చెప్పిన విషయాల్లో నుంచి ప్రేక్షకులకి తెలియని కొన్ని విశేషాలు మీకోసం.

‘సైరా’లో రామ్ చరణ్ లేకపోవడానికి అసలు కారణం..

‘సైరా’లో ఇంటర్వల్ ముందు వచ్చే షేర్ ఖాన్ పాత్రలో చరణ్ ని అనుకున్నాం. చరణ్ తో పాటు బాలీవుడ్ స్టార్ సల్మాన్ ఖాన్, సంజయ్ దత్ లను కూడా అడిగాం. వాళ్ళు చేయడానికి ఓకే అన్నారు. కానీ చిత్ర టీం మాత్రం చరణ్ నే ఎక్కువ సజెస్ట్ చేశారు. కానీ ఇక్కడ ట్విస్ట్ ఏంటి అంటే.. ఒక వార్ సీన్ లో షేర్ ఖాన్ పాత్ర ‘సైరా నరసింహారెడ్డి’ నీలాంటి వాడు దేశానికి అవసరం’ అనే డైలాగ్ చెప్పి నా చేతిలోని కత్తితో తానే పొడుచుకొని నా చేతిలో చనిపోతాడు. చరణ్ పాత్ర నా చేతిలో చనిపోవడం యాంటీ సెంటిమెంట్ అని, ప్రేక్షకులు తీసుకోలేరని అనుకోని ఆలోచనలో ఉండగా, లెంగ్త్ ఇష్యూ వచ్చినప్పుడు పూర్తిగా తీసేసాం.

‘సైరా’లో పాటల గురించి..

మొత్తం నాలు పాటలు చేసాం.. కానీ సినిమాలో రెండే ఉంటాయి. సినిమా రిలీజయ్యాక పరిస్థితిని బట్టి తమన్నా కి నాకు వచ్చే వచ్చే ద్యూయేట్ ని యాడ్ చేస్తాం.

‘సైరా’ చూసినవారిలో బెస్ట్ కాంప్లిమెంట్..

మా అమ్మగారు ‘సైరా’లో నా గెటప్ చూసి సంబరపడిపోయింది. సినిమా చూసాక శంకర్ బాబూ.. నువ్వు నువ్వులా లేవు, ఎవరో ఓ మహానుభావుడిని చూస్తున్న ఫీలింగ్ ఉందని అన్నారు. అలాగే మొదటి రోజు ఆర్.టి.సి క్రాస్ రాడ్స్ లో అభిమానుల మధ్య సినిమా చూడాలనేది ఆమె కోరిక.

నేను, పవన్ కళ్యాణ్ తీర్చలేని కోరికని చరణ్ తీర్చాడు..

సురేఖ ‘సైరా’ చూసాక,ఎంత పెద్ద హీరోలైనా మీరు, బావమరిది కళ్యాణ్ బాబు నాకు సినిమా తీసే అవకాశం ఇవ్వలేదు. కానీ నా కుమారుడు సైరా లాంటి గొప్ప సినిమాకి సమర్పించే అవకాశం నాకు ఇచ్చాడు. చెప్పాలంటే సైరా విషయంలో నాకన్నా రామ్ చరణ్ విషయంలోనే గర్వంగా ఫీలవుతోంది.

అమితాబ్ బచ్చన్ సురేఖ వంటలకి ఫిదా..

అమితాబ్ గారు అడగ్గానే ఆయన ఖర్చులు కూడా ఆయనే పెట్టుకొని సుమారు 7 రోజులు షూటింగ్ లో పాల్గొన్నారు. కానీ భోజనం మాత్రం మా ఇంటి నుంచే వచ్చేది. కానీ ఆయన వెజిటేరియన్, అలాగే రైస్, ఇడ్లీ, దోశ, చపాతీ లాంటివి తినరు అందుకే సురేఖ ప్రత్యేకంగా దగ్గరుండి చిరుధాన్యాలతో ఇడ్లీ, దోశ చేసివ్వడం. కినోవాతో బిర్యాని చేసి పంపేది. లా పంపిన ఐటమ్స్ అన్నీ ఆయనకి తెగ నచ్చేసి తన చెఫ్ ని పంపించి ఆ వంటల తయారీ విధానం నాట్ చేసుకొని వెళ్లారు. వెళ్ళేరోజు కూడా స్పెషల్ గా సురేఖ కారికి థాంక్స్ చెప్పండి అని వెళ్ళాడు.

పవన్ కళ్యాణ్ గురించి..

విభేదాల విషయం: మా ఇద్దరి మధ్యా గ్యాప్ వచ్చింది, విభేదాలు వచ్చాయి అనే మాట అవాస్తవం. అవన్నీ ఈ మీడియా వారు సృష్టించినవే. అలాంటివి విన్నప్పుడు బాధేస్తుంది. కానీ మేము అలాంటివి లైట్ తీసుకుంటాం, అమ్మ దగ్గర కలిసిన ప్రతిసారి బాగా ఎంజాయ్ చేస్తాం. కానీ మా మధ్య పాలిటిక్స్ చర్చలు అస్సలు ఉండవు.

రాజకీయ భవిష్యత్: కళ్యాణ్ కి చిన్నప్పటి నుంచి సినిమాలకన్నా సొసైటీని ఎక్కువ ప్రేమించేవాడు. అందుకే వాడికి అవకాశం వస్తే అద్భుతంగా పరిపాలిస్తాడు. ఆ సత్తా సామర్ధ్యాలు వాడిలో ఉన్నాయని మాత్రం చెప్పగలను..

ఆర్ఆర్ఆర్ గురించి..

‘సైరా’ షెడ్యూల్ బ్రేక్ టైంలో ఒకసారి నేను సురేఖ కలిసి ఆర్ఆర్ఆర్ సినిమా షూటింగ్ లొకేషన్ కి వెళ్లాం. ఆ రోజు అప్పటికి పూర్తిగా అల్లూరి సీతారామరాజుగా పాత్ర పరిణితి చెందక ముందు చరణ్ పై వచ్చే ఒక ఎమోషనల్ సీన్ చేస్తున్నారు. కొందరు రామ్ చరణ్ ని బాగా కొట్టి, కిందేసి తొక్కుతూ ఈడ్చుకెళ్లే సీన్ చేస్తున్నారు. అది చూడగానే ఓకే నటుడిగా నాలో ఉద్వేగం కలిగింది. కానీ అమ్మగా సురేఖ అది చూడలేకపోయింది.

చిరు తదుపరి సినిమాల గురించి..

కొరటాల శివ: ఇప్పటి వరకూ చేసిన సినిమాల టైపులోనే కొరటాల ఈ సినిమాలో కూడా సామాజిక ప్రయోజనం ఉంటుంది. అక్టోబర్ లో అధికారికంగా లాంచ్ చేసి, నవంబర్ నుంచి సెట్స్ పైకి వెళ్తుంది.

త్రివిక్రమ్ శ్రీనివాస్: పక్కా 100% కామెడీతో సాగే ఫ్యామిలీ ఎంటర్టైనర్. ఇప్పటికైతే లైన్ చెప్పారు నచ్చింది, ప్రస్తుతం పూర్తి కథ చేసే పనిలో ఉన్నారు.

‘సైరా’తో చారిత్రం చేసేసారు ,ఇక పౌరాణికమే మిగిలింది..

‘సైరా’తో చారిత్రక సినిమా చేసాను. ఈ సినిమాతో గ్లాడియేటర్, బ్రేవ్ హార్ట్ లాంటి సినిమాల అనుభూతి నాది. ‘సైరా’ తో ఇన్నాళ్ళకి నటుడిగా నా ఆకలి తీరింది. ప్రస్తుతానికైతే పౌరాణికం లేదు లిస్టులో..

‘సైరా’ సినిమా నుంచి ఏం ఆశిస్తున్నారు..

భారీ బడ్జెట్, వార్ ఎపిసోడ్స్, బిగ్ ఫైట్స్ ఇలా ఎన్నో విషయాల్లో కష్టపడ్డా ఫైనల్ ప్రోడక్ట్ చూసాక ఆ బాధ మొత్తం పోయింది. మా శ్రమ, రేపు ప్రేక్షకులు అందించే విజయం ఇలాంటివి పక్కన పెడితే, నా కెరీర్ ప్రారంభంలో విడువులైన ‘శంకరాభరణం’, ఇటీవల వచ్చిన ‘బాహుబలి’ సినిమాల్లా ‘సైరా’ కూడా మనకు జాతీయంగా, అంతర్జాతీయంగా మనకి గౌరవం తెచ్చిపెట్టే సినిమాగా సినీ చరిత్రలో మిగిలిపోతుందనేది నా నమ్మకం.