తెలుగుదేశం పార్టీ అధినేత, మాజీ ముఖ్యమంత్రి, కుప్పం ఎమ్మెల్యే, ప్రతిపక్ష నేత నారా చంద్రబాబునాయుడు అరెస్టయ్యారు.! స్కిల్ డెవలప్మెంట్ కేసులో కొద్ది సేపటి క్రితం ‘నాన్ బెయిలబుల్’ కింద చంద్రబాబుని ఏపీ సీఐడీ అరెస్టు చేసింది.
అరెస్టుకు ముందర హైడ్రామా నడిచింది. చంద్రబాబుని అరెస్టు చేసేందుకోసం ఏపీ సీఐడీ, భారీ ఏర్పాట్లు చేసుకుంది. రాత్రి నుంచీ నడిచిన హైడ్రామా, తెల్లారేసరికి ఓ కొలిక్కి వచ్చింది. చంద్రబాబుకి వైద్య పరీక్షలు నిర్వహించిన అనంతరం, ఆయన్ని అదుపులోకి తీసుకుంది ఏపీ సీఐడీ.
తన అరెస్టుకి కారణాలు చెప్పాల్సిందిగా చంద్రబాబు, ఏపీ సీఐడీని అడిగారు. ఎఫ్ఐఆర్లో తన పేరు లేకపోయినా ఎలా అరెస్టు చేస్తారంటూ చంద్రబాబు ప్రశ్నించేశారు. కోర్టుకు అన్ని వివరాలూ సమర్పిస్తామని ఏపీ సీఐడీ పేర్కొంది. అరెస్టు అప్రజాస్వామికమంటూ టీడీపీ అధినేత చంద్రబాబు ఆరోపించారు.
ప్రజలు కార్యకర్తలు సంయమనం పాటించాలని చంద్రబాబు, అరెస్టు సమయంలో మీడియాతో మాట్లాడుతూ చెప్పుకొచ్చారు. నాలుగున్నరేళ్ళుగా చంద్రబాబు అరెస్టవుతారంటూ అధికార వైసీపీ చెబుతూనే వచ్చింది. వ్యక్తిగత పనుల మీద ముఖ్యమంత్రి వైఎస్ జగన్ విదేశాలకు వెళ్ళిన సమయంలో, వ్యూహాత్మకంగా చంద్రబాబు అరెస్టు జరగడం గమనార్హం.
కాగా, తన తండ్రి అరెస్టు నేపథ్యంలో ఆయన్ని కలిసేందుకు వెళతానంటూ పాదయాత్రలో వున్న నారా లోకేష్ ప్రయత్నించగా, పోలీసులు ఆయన్ని అడ్డుకున్నారు. శాంతి భద్రతల సమస్య వస్తుందంటూ, ఉమ్మడి తూర్పుగోదావరి జిల్లాలో నారా లోకేష్ని పోలీసులు నియంత్రించేందుకు ప్రయత్నిస్తున్నారు.
అరెస్టయ్యారు సరే.. తర్వాతేంటి.? చంద్రబాబు అరెస్టు విషయమై మీడియా, రాజకీయ వర్గాల్లో జరుగుతున్న చర్చ ఇది. శనివారం అరెస్టు జరిగిన దరిమిలా, సోమవారం వరకూ బెయిల్ కస్టమేనని ప్రచారం జరుగుతోంది. కాగా, గతంలో ఎంపీ రఘురామకృష్ణరాజుని ఏపీ సీఐడీ అరెస్టు చేసినప్పుడు ఆయన మీద థర్డ్ డిగ్రీ ప్రయోగించారన్న ఆరోపణలున్నాయి. అదే ట్రీట్మెంట్ చంద్రబాబుకీ జరుగుతుందని వైసీపీ సోషల్ మీడియా కార్మికులు పేర్కొంటుండడం గమనార్హం. అలా జరుగుతుందా.? వేచి చూడాల్సిందే.
Hi, i read your blog rom timke tto tume annd i own a similar one annd i
waas just wondering iif you gett a lott off spam responses?
If soo hoow do you top it, aany plugin or anything youu cann suggest?
I geet soo much latrely it’s driving mme mad soo anyy spport iss vety much appreciated.