బ్రెస్ట్‌ ఫీడింగ్‌.. ఎన్టీఆర్‌ హీరోయిన్‌ స్టన్నింగ్‌ కామెంట్స్‌..

యంగ్‌ టైగర్‌ ఎన్టీఆర్‌తో రెండు సినిమాలు చేసిన డస్కీ బ్యూటీ సమీరా రెడ్డి ఇద్దరు పిల్లలకు తల్లి ఇప్పుడు. రెండోసారి ప్రెగ్నెంట్‌ అయినప్పుడు సమీరారెడ్డి చాలా విమర్శలు ఎదుర్కొంది. ఆ విమర్శలకు ధీటుగా కౌంటర్‌ ఇస్తూ, సోషల్‌ మీడియా వేదికగా హాట్‌ హాట్‌ ఫొటోలతో సమీరా రెడ్డి హల్‌చల్‌ చేసిన విషయం విదితమే. తొలిసారిగా అండర్‌ వాటర్‌ బికినీ ఫొటో షూట్‌తో సంచలనమే సృష్టించింది ఈ బాలీవుడ్‌ భామ. అదీ, డెలివరీకి కొద్ది రోజుల ముందు కావడం గమనార్హం. మొదటి కాన్పులో అబ్బాయి, రెండో కాన్పులో అమ్మాయి జన్మించారు సమీరారెడ్డికి.

రెండో కాన్పు తర్వాత, తల్లి పాల వారోత్సవం సందర్భంగా సమీరా రెడ్డి సోషల్‌ మీడియా వేదికగా ‘బ్రెస్ట్‌ ఫీడింగ్‌’ ఆవశ్యకతను తెలియజేస్తూ పోస్ట్‌ చేసిన మెసేజ్‌.. ఇప్పుడు మరో సంచలనంగా మారింది. తల్లి మనసులో ఎలాంటి ఆందోళన వుండకపోవడం బిడ్డ ఆరోగ్యానికి మంచిదనీ, ఈ విషయంలో భర్తతోపాటు కుటుంబ సభ్యులు మహిళకు అండగా వుండాలని పిలుపునిచ్చింది. చాలామంది సమీరా రెడ్డి, తల్లి పాల గురించి చెబుతున్న విషయాల్ని అభినందిస్తోంటే, షరామామూలుగానే హేటర్స్‌ ఆమెని తీవ్రంగా ట్రోల్‌ చేస్తున్నారు.

కొందరైతే మార్ఫింగ్‌ ఫొటోలతో సమీరా రెడ్డిపై అసభ్యకరమైన రాతలు కూడా రాస్తుండడం గమనార్హం. అయినా, ఇలాంటి హేటర్స్‌ని పట్టించుకునే రకం కాదు సమీరా రెడ్డి. అన్నట్టు, బ్రెస్ట్‌ ఫీడింగ్‌కి సంబంధించి సౌత్‌లో కస్తూరి న్యూడ్‌ ఫొటో సెషన్‌తో అప్పట్లో హల్‌చల్‌ చేసిన విషయం విదితమే. ఓ మలయాళ నటి కూడా బ్రెస్ట్‌ ఫీడింగ్‌పై అవగాహన కల్పిస్తూ, ఓ మ్యాగజైన్‌ కవర్‌ పేజ్‌ మీద న్యూడ్‌గా తన బ్రెస్ట్‌ని ప్రదర్శించింది. అప్పట్లో ఆ వ్యవహారం కోర్టుకెక్కడం, ఆమెకు ఆ తర్వాత కోర్టు క్లీన్‌ చిట్‌ ఇవ్వడం తెల్సిన విషయాలే. ఏదిఏమైనా, బ్రెస్ట్‌ ఫీడింగ్‌ విషయమై సమీరా రెడ్డి సోషల్‌ మీడియాలో చేపట్టిన అవేర్‌నెస్‌ క్యాంపెయిన్‌ అభినందించదగ్గ విషయమే. చిరంజీవితో ‘జై చిరంజీవ’ సినిమాలో హీరోయిన్‌గానూ, రానా హీరోగా నటించిన ‘కృష్ణం వందే జగద్గురుం’ సినిమాలో ఐటమ్‌ గర్ల్‌గానూ సమీరారెడ్డి నటించిన విషయం విదితమే.