బర్త్‌డే స్పెషల్‌: టాలీవుడ్‌ మోస్ట్‌ వాంటెడ్‌ బుట్టబొమ్మ

ఒక్కో టైంలో ఒకొక్కరి టైం నడుస్తు ఉంటుంది. ప్రస్తుతం టాలీవుడ్‌ లో హీరోయిన్‌ పూజా హెగ్డే టైం నడుస్తోంది అనడంలో సందేహం లేదు. ఆమె ప్రభాస్‌ నుండి అఖిల్‌ వరకు ప్రస్తుతం ఆమె మోస్ట్‌ వాంటెడ్‌ హీరోయిన్‌. ఒక వైపు ప్రభాస్‌ తో రాధేశ్యామ్‌ సినిమా చేస్తున్న ఆ అమ్మడు మరో వైపు అఖిల్‌ అక్కినేనితో మోస్ట్‌ ఎలిజబుల్‌ బ్యాచిలర్‌ సినిమాలో నటిస్తోంది. ఈ రెండు సినిమాలు త్వరలోనే ప్రేక్షకుల ముందుకు రాబోతున్నాయి.

ఈ ఏడాది ఆరంభంలో అల వైకుంఠపురంలో సినిమాతో సూపర్‌ హిట్‌ ను దక్కించుకున్న పూజా హెగ్డే ఈ విపత్తు సమయంలో కూడా తన పారితోషికంను దాదాపుగా 75 శాతం పెంచిందట. ఈ విషయం టాలీవుడ్‌ లో ప్రతి ఒక్కరు అనుకుంటున్నారు. అల వైకుంఠపురంలో తో వచ్చిన సక్సెస్‌ ను ఆమె క్యాష్‌ చేసుకునేందుకు ప్రయత్నిస్తుంది. ఆమెకున్న క్రేజ్‌ నేపథ్యంలో పారితోషికం ఇష్యూ కాదంటూ ఆమె అడిగిన మొత్తంను ఇచ్చేసి మరో రెండు మూడు సినిమాలకు నిర్మాతలు ఆమెను కన్ఫర్మ్‌ చేసుకున్నారు. వచ్చే ఏడాదిలో ఆ సినిమాలు పట్టాలెక్కబోతున్నాయి.

ప్రభాస్‌ రాధేశ్యామ్‌ సినిమా తర్వాత ఖచ్చితంగా పూజా హెగ్డే బాలీవుడ్‌ లో కూడా మోస్ట్‌ వాంటెడ్‌ హీరోయిన్‌ అవ్వడం ఖాయం అంటూ విశ్లేషకులు అభిప్రాయం వ్యక్తం చేస్తున్నారు. టాలీవుడ్‌లో ఒక లైలా కోసం.. ముకుందా సినిమాలతో సినీ కెరీర్‌ ను ఆరంభించిన పూజా హెగ్డే ఆ తర్వాత బాలీవుడ్‌ భారీ సినిమా మొహెంజదారో కోసం టాలీవుడ్‌ కు దాదాపుగా రెండేళ్లు గ్యాప్‌ తీసుకుంది.

2017లో అల్లు అర్జున్‌.. హరీష్‌ శంకర్‌ ల కాంబినేషన్‌ లో వచ్చిన ‘డీజే’ సినిమాతో రీ ఎంట్రీ ఇచ్చింది. రీ ఎంట్రీలో రెచ్చి పోయిన పూజా హెగ్డే యాక్టింగ్‌ మరియు స్కిన్‌ షో విషయంలో కొత్తగా కనిపించింది. మొదటి రెండు తెలుగు సినిమాలతో పోల్చితే పూర్తి విభిన్నంగా పూజాను డీజేలో చూపించారు. ఆ సినిమాతో ఒక్కసారిగా పూజా హెగ్డే బ్యాక్‌ అయ్యింది. అప్పటి నుండి ఇప్పటి వరకు ఈ అమ్మడు మోస్ట్‌ బిజీ హీరోయిన్‌ తెలుగులో అనడంలో సందేహం లేదు.

గత ఏడాది హౌస్‌ ఫుల్‌ 4 సినిమాతో మళ్లీ ఉత్తరాది ప్రేక్షకుల వద్దకు వెళ్లింది. కాని అక్కడ నుండి ఆశించిన స్థాయిలో ఆఫర్లు రావడం లేదు. రాధేశ్యామ్‌ సినిమా తర్వాత హిందీ నుండి పిలిచి మరీ ఆఫర్లు ఈమెకు ఇస్తారనే నమ్మకంను సినీ వర్గాల వారు వ్యక్తం చేస్తున్నారు. తెలుగులో ఈ అమ్మడు స్టార్‌ హీరోలతో వరుసగా నటించేందుకు కమిట్‌ అవుతోంది. ఇదే సమయంలో తమిళం నుండి కూడా ఈమెకు ఆఫర్లు వస్తున్నట్లుగా తెలుస్తోంది. ఒక స్టార్‌ హీరో మూవీతో ఈ అమ్మడు కోలీవుడ్‌ ఎంట్రీ కోసం వెయిట్‌ చేస్తోంది.

మొత్తానికి అన్ని భాషల్లో కూడా తన సత్తా చాటేందుకు గాను ఈ అమ్మడు ప్రయత్నాలు చేస్తోంది. తమిళంలో 2012లోనే ఈమె ఒక సినిమాను చేసింది. ఆ సినిమా తర్వాత మళ్లీ ఇప్పుడు ఒక స్టార్‌ హీరో సినిమా కోసం వెయిట్ చేస్తుంది. సౌత్‌ ఇండియాతో పాటు నార్త్‌ లో కూడా పాగా వేసేందుకు ప్రయత్నాలు చేస్తున్న ఈ బుట్టబొమ్మ పుట్టిన రోజు నేడు.

ఈ సందర్బంగా ఆమెకు మా తరపున ఆమె అభిమానుల తరపున మరియు ఇండస్ట్రీ తరపున హృదయపూర్వక పుట్టిన రోజు శుభాకాంక్షలు తెలియజేస్తున్నాం. టాలీవుడ్‌ ప్రేక్షకులకు మరిన్ని మంచి సినిమాలను పూజా అందించాలని కోరుకుంటున్నాం.