బ్యాక్ టు బ్యాక్.. మహిళా కంటెస్టెంట్లనే బిగ్ బాస్ ఇంటికి పంపించేశాడు ఈసారి.! ఏం పైత్యమిది.? బిగ్ హౌస్లో అస్సలేమాత్రం గ్లామర్ వుండకూడదని ఫిక్సయ్యారా.? ఏమో అంతేనేమో.! ఐదుగురు మహిళా కంటెస్టెంట్లు ఎలిమినేట్ అయిపోవడంతో, మిగిలిన ఇద్దరు మహిళా కంటెస్టెంట్లు శోభా శెట్టి, ప్రియాంక జైన్.. బిగ్ బాస్ హౌస్ని బాయ్స్ హాస్టల్గా ఫీల్ అయ్యారు. ఇదే విషయాన్ని అక్కినేని నాగార్జున మొహమ్మీదనే చెప్పేశారు.
అక్కినేని నాగార్జున సీరియస్గా తీసుకోలేదుగానీ, సీరియస్గా తీసుకోవాల్సిన విషయమే ఇది. దాదాపుగా ప్రతి వీకెండ్లోనూ బిగ్ జీరో అనిపించుకుంటున్న కంటెస్టెంట్ అమర్దీప్. కానీ, అతన్ని హౌస్లో ఎలా కొనసాగిస్తున్నారో ఏమో.! రతిక, శుభశ్రీ రాయగురు, దామిని భాట్ల.. ఈ ముగ్గురూ హౌస్లో వుండాల్సినవాళ్ళే.
ఐదుగురు మహిళా కంటెస్టెంట్లు ఎలిమినేట్ అయిపోయారు గనుక, ఓ ముగ్గురు లేడీ కంటెస్టెంట్లను తీసుకొచ్చేయాలని అనుకున్నారేమో. వైల్డ్ కార్డ్ ఎంట్రీతో ఆ ముచ్చటా తీర్చేశారు. పూజా, నయన పావని, అశ్విని శ్రీ.. ఈ ముగ్గురూ హౌస్లోకి ఎంట్రీ ఇచ్చారట. పైగా, ఇది ‘టూ పాయింట్ ఓ’ అట.!
వినేవాడు వెర్రి వెంగళప్ప అయితే, చెప్పేటోడు సిద్ధాంతి.. అన్నట్లుంది వ్యవహారం. సీక్రెట్ రూమ్లో గౌతమ్ కృష్ణని పెట్టి, మరో ఇద్దరు మేల్ కంటెస్టెంట్లను అదనంగా తీసుకొచ్చారు. ఆ సీక్రెట్ రూమ్ కాన్సెప్ట్ అత్యంత ఛండాలం. అయినా, దాన్ని రిపీట్ చేశారు.. పైగా, జీరో ఎక్సయిట్మెంట్తో.
ఓ వైపు టీమిండియా – క్రికెట్ ఆస్ట్రేలియా జట్ల మధ్య వరల్డ్ కప్ వన్డే మ్యాచ్, ఇంకో వైపు ‘భగవంత్ కేసరి’ ప్రీ రిలీజ్ ఫంక్షన్.. వీటి నడుమ, బిగ్ బాస్ రియాల్టీ షో వీకెండ్ ఎపిసోడ్.. దానికి ‘టూ పాయింట్ ఓ’ అని పేరు పెట్టినా.. పప్పులుడకలేదాయె.
హీరో సిద్ధార్ధ వచ్చాడు.. ‘టైగర్ నాగేశ్వరరావు’ సినిమా టీమ్ మాస్ మహరాజ్ రవితేజ సహా వచ్చింది.. ప్చ్.. వీకెండ్ షో అట్టర్ ఫ్లాప్ అయిపోయిందాయె.!
Having read this I believed it was rather informative. I appreciate you spending some time
and energy to put this content together. I once again find myself personally spending a lot of time both reading and posting comments.
But so what, it was still worthwhile!