పవరాస్త్ర కోసం కంటెండర్స్ అవ్వడానికి బిగ్ బాస్ చిత్ర విచిత్రమైన టాస్కులు పెట్టాడు కంటెస్టెంట్లకి. అందులో ఈ వారం టఫ్ టాస్క్ ఎదుర్కొన్నది మాత్రం ప్రిన్స్ యావరే.! ఔను, ప్రిన్స్ యావర్ మీద, దాదాపు హౌస్ మేట్స్ అంతా కసి కసిగా తమ క్రియేటివిటీని ప్రదర్శించారు. క్రియేటివిటీ కాదు, అత్యంత అసభ్యకరంగా వ్యవహరించారు.
పేడ మొహాన కొట్టారు.. గడ్డితో శరీరం మీద గీకారు.. ఇంకా చాలా చాలా చేశారు. గడ్డం పైకి లేచిందనీ, లేవలేదనీ.. అందరూ కలిసి కట్టుగా (మెజార్టీ హౌస్ మేట్స్) ప్రిన్స్ యావర్‌ని తప్పించడానికి ప్రయత్నించారు. అయినాగానీ, నిలబడ్డాడు గట్టిగా ప్రిన్స్ యావర్.
ఇంతా చేసి ప్రిన్స్ యావర్ సాధించిందేంటి.? ఇద్దరు ఫిమేల్ కంటెస్టెంట్స్, సింపుల్‌గా యావర్‌ని తప్పించేశారు. ముగ్గురు కంటెస్టెంట్స్ కలిసి ఆలోచించి, అందులో ఒకర్ని తప్పించాలని బిగ్ బాస్ చెబితే, ఇద్దరు మహిళా కంటెస్టెంట్లు, ఒక మేల్ కంటెస్టెంట్ యావర్‌ని రేసు నుంచి తప్పించేశారు.
శోభా శెట్టి, కారంతో కూడిన ఎక్కువ చికెన్ తింటే, ప్రియాంక జస్ట్ తన జుట్టుని కత్తిరించుకుందంతే కంటెండర్ అవడానికి. యావర్ అలా కాదు, చాలా చాలా కష్టపడ్డాడు. కష్టం లెక్కని పరిగణనలోకి తీసుకుంటే, ప్రియాంకని తప్పించి వుండాల్సింది. ఎందుకంటే, ఆమె పడిందే తక్కువ కష్టం.
యావర్‌కి కోపమెక్కువ. దాన్ని ఇద్దరు ఫిమేల్ కంటెస్టెంట్లు తమకు అనుకూలంగా మార్చుకున్నారు. యావర్‌ని రెచ్చగొట్టారు.. యావర్ రెచ్చిపోయాడు. యాంగర్ ఇష్యూస్ వున్న యావర్, హౌస్ మేట్ అవడానికి అనర్హుడని తేల్చేశారు ఇద్దరు ఫిమేల్ కంటెస్టెంట్లు.
ఆ తర్వాత ఏడ్చి ఏం ప్రయోజనం.? కాస్త తెలివిగా ఆలోచించి, ఇద్దరు మహిళా కంటెస్టెంట్లలో ఒక్కర్నయినా తనకు అనుకూలంగా మార్చి వుంటే, ఫలితం ఇంకోలా వుండేది. అయినా, ఇద్దరు ఫిమేల్ కంటెస్టెంట్లలో ఎవరో ఒకర్ని హౌస్ మేట్ చేయాలనుకున్నప్పుడు, ఇంత డ్రామానే అవసరం లేదు.! బిగ్ బాస్ మేజిక్ ఇది.!