అయినా, తొక్క తీసెయ్యడమేంటి.? ఆ భాష ఏంటి.? ఆ పద్ధతి ఏంటి.? చీకట్లో ఏం మాట్లాడేసినా చెల్లిపోతుందా.? సినీ నటుడిగా బోల్డన్ని సినిమాలు చేశాడు.. రాజకీయాల్లోనూ ఏవేవో మాట్లాడేశాడు.. కాస్తంత బాధ్యతగా వుండాలి కదా.?
బిగ్ బాస్ రియాల్టీ షోలో ఇప్పటిదాకా పద్ధతిగా కనిపిస్తూ వచ్చిన శివాజీ అసలు రూపం బయట పడిపోయింది. ‘తొక్క తీస్తా..’ అంటూ శివాజీ నోరు పారేసుకున్న వైనం హౌస్‌లో కొంత హీటెడ్ ఆర్గ్యుమెంట్‌కి కారణమయ్యింది. పవరాస్త్రను దొంగలించేశారన్నది శివాజీ అభియోగం.
అది ఎవరు కొట్టేశారు.? అన్నదానిపై శివాజీ, ఒకింత సీరియస్ అవుతున్నాడు. అటు తిరిగి, ఇటు తిరిగి.. టేస్టీ తేజ మీదకు వెళ్ళిపోయింది. ఆ విషయం శివాజీకి తెలియకముందు, రాత్రి వేళ.. ‘తొక్క తీస్తా..’ అంటూ శివాజీ వ్యాఖ్యానించడాన్ని ప్రియాంక తీవ్రంగా తప్పు పట్టింది.
మీ ఆవేదనలో అర్థం వుండొచ్చుగానీ, తొక్క తీస్తాననడం సబబు కాదు.. ఇక్కడ ఎక్కువమంది లేరు.. అంటూ ప్రియాంక, శివాజీ మీద మండిపడింది. ‘నేను నిన్ను ఏమీ అనలేదమ్మా..’ అని సుతిమెత్తగా చెబుతూనే, రకరకాల హావభావాల్ని ప్రదర్శించాడు. మరోపక్క, టేస్టీ తేజ ఆ పవరాస్త్రను కొట్టేసినట్లు సందీప్, శివాజీతో చెప్పాడు.
ఈ విషయం టేస్టీ తేజకి తెలిసి షాక్‌కి గురయ్యాడు. మరోపక్క, పవరాస్త్రని కొట్టేసింది సందీప్ అని, శోభ చెప్పడం గమనార్హం. మధ్యలో అమర్ దీప్ మీదకు కూడా వెళ్ళింది. నిజంగా, ఆ పవరాస్త్రని ఎవరు కొట్టేశారో అర్థం కావడంలేదని తేజ కొంత బాధపడ్డాడు.
కాగా, గెలుచుకున్న పవరాస్త్రని కాపాడుకోవడం, హౌస్ మేట్స్ బాధ్యత. ఆ పవరాస్త్ర గెలుచుకున్నవారు మాత్రమే ప్రస్తుతానికి హౌస్ మేట్స్. అది లేకపోతే, వాళ్ళు హౌస్ మేట్స్ అనే అర్హతను కోల్పోతారు.
పవరాస్త్రను ఎవరో లాగేస్తే, అదేం పెద్ద విషయం కాదనీ, అలా చేయడం వల్ల క్యారెక్టర్ లాస్ అవుతారంటూ శివాజీ అనడాన్ని నెటిజనం తప్పు పడుతున్నారు. గేమ్‌లో అన్నీ వుంటాయ్.. శివాజీకి ఆ మాత్రం తెలియదా.? అని ఆయన్ని ట్రోల్ చేస్తున్నారు నెటిజనం.