బిగ్ బాస్ ప్రతి సీజన్ లో కూడా చివరి నాలుగు అయిదు వారాలు ఉంది అనగా కంటెస్టెంట్స్ కుటుంబ సభ్యులను హౌస్లోకి పంపించడం జరుగుతుంది. ఈసారి కూడా కంటెస్టెంట్స్ పంపించారు. అయితే కరోనా కారణంగా ఈ ఈసారి ఇంటి సభ్యులను వారి ఇంటి సభ్యులు నేరుగా కలవకుండా గ్లాస్ క్యాబిన్లో ఉండి మాట్లాడి వెళ్లి పోయారు. కంటెస్టెంట్స్ ఆరోగ్యం దృష్టిలో ఉంచుకుని గ్లాస్ క్యాబిన్ ను ఏర్పాటు చేయడం జరిగింది. గ్లాస్ అవతల వైపు నుండి కుటుంబ సభ్యులు వారి వాళ్లను కలిసే అవకాశం వచ్చింది. ఇంతకు ముందు సీజన్ ల్లో కంటెస్టెంట్స్ తో వారి కుటుంబ సభ్యులు కొంత ఏకాంతంగా గడిపే అవకాశం ఉండేది. కాని ఈసారి అలా జరగలేదు. 74 ఎపిసోడ్ మొత్తం ఫుల్ ఆఫ్ ఎమోషన్స్ తో నిండి పోయింది.
కమాండో డ్రిల్ చేస్తున్న ఇంటి సభ్యులకు సర్ప్రైజింగ్గా కుటుంబ సభ్యులను ముందుకు తీసుకు వచ్చారు. బిగ్ బాంబ్ వల్ల అవినాష్ నాన్ వెజ్ తినలేక పోతున్నాడు. దాంతో సోహెల్ అతడి ముందు మటన్ తింటూ మరీ అల్లరి చేశాడు. ఏమైనా ఉందా మటన్ అంటూ అతడి జిహ్వ చాపల్యంను పరీక్షించాడు. సోహెల్ చేసిన పనితో అబ్బా అనుకుంటూ అవినాష్ అక్కడ నుండి వెళ్లాడు. ఇంటి సభ్యులు అంతా ఫ్రీజ్ లో ఉన్న సమయంలో బిగ్ బాస్ హౌస్లోకి అఖిల్ మదర్ వెళ్లారు. ఆమెను చూడగానే అఖిల్ కన్నీరు పెట్టుకున్నాడు. ఏడవద్దంటూ అఖిల్కు సూచించిన ఆమె అన్ ఫ్రీజ్ అంటూ బిగ్బాస్ ఆదేశించడంతో అంతా కూడా ఆమె వద్దకు వెళ్లారు.
నీలాంటి కూతురు కావాలని ఉంది అంటూ హారికను ఉద్దేశించి అఖిల్ తల్లి అన్నారు. అభిజిత్, అఖిల్ల విషయం మాట్లాడిన ఆమె అభిజిత్ నీ అన్న అంది. మేము టాస్క్ల్లో భాగంగా గొడవ పడతాం తప్ప వ్యక్తిగతంగా అయితే ఏమీ లేదంటూ అభిజిత్ అన్నాడు. అందరి గురించి మాట్లాడి మోనాల్ గురించి మాట్లాడక పోవడంతో నీ ఫ్రెండ్ కదా అంది. సరదాగా మాట్లాడిన ఆమె కొద్ది సమయం తర్వాత వెళ్లి పోయింది. ఆ తర్వాత అఖిల్, అభిజిత్, సోహెల్ లు ఎమోషనల్గా హగ్ చేసుకున్నారు. హారిక తల్లి రాకతో మరోసారి ఇంట్లో సందడి వాతావరణం కనిపించింది. కూతురును ఆట పట్టిస్తూనే ఇంటి సభ్యులు అందరిని అభినందించింది. హారికను బాగా చూసుకుంటున్నందుకు కృతజ్ఞతలు అంటూ అభిజిత్కు తెలియజేసింది. ఈసారైనా కెప్టెన్ అవుతావా అంటూ హారికను అమ్మ ఉడికించింది.
ఆ తర్వాత అభిజిత్ అమ్మ వచ్చారు. ఆమె కూడా ఇంటి సభ్యుల్లో జోష్ నింపేలా మాట్లాడారు. కన్నీరు పెట్టుకుంటున్న తల్లిని వద్దని చెప్పిన అభిజిత్ ఆమెను ఓదార్చాడు. ఒక్కరోజు ఇక్కడ ఉండాలని ఉంది అంటూ చెప్పుకొచ్చింది. బాగా కొట్టుకోండి అంటూ నవ్వుకుంటూ అన్నారు. ఇలాంటి అవకాశం మళ్లీ దొరకదు. ఎంజాయ్ చేయండి అంటూ డాన్స్ కూడా చేసి వెళ్లారు. అవినాష్ తల్లి రావడం రావడంతోనే నీకు బయటకు రాగానే పెళ్లి చేస్తాం ఊరికే అదే మాట్లాడకు అంది. ఆమె కూడా చాలా సరదాగా మాట్లాడింది. మొత్తానికి తాజా ఎపిసోడ్ అమ్మల రాకతో చాలా ఎమోషనల్ గా మారింది. మరికొందరు కంటెస్టెంట్స్ కుటుంబ సభ్యులు రావాల్సి ఉంది.
968882 856129Quite great post, thanks a good deal for sharing. Do you happen to have an RSS feed I can subscribe to? 342534