టాస్క్‌లలో కష్టపడి విజయం సాధించెయ్యడానికి.. అవేమీ ఇంట్రెస్టింగ్‌ టాస్క్‌లు కావు. హౌస్‌లో గేమ్‌ ప్లాన్‌ నడపడానికి, అక్కడ జరుగుతున్న వ్యవహారం ఏమంత జెన్యూన్‌గా లేదు. అంతా గందరగోళం వ్యవహారమే. ఏదో స్క్రిప్టెడ్‌గా సాగిపోతూ వచ్చిన బిగ్‌బాస్‌ రియాల్టీ షోకి కాస్తో కూస్తో ఊపు వచ్చిందంటే అది రాహుల్‌ సిప్లిగంజ్‌ కారణంగానే.
సెటైర్లే వేశాడో, శ్రీముఖితో గొడవ కావాలనే పెట్టుకున్నాడో, పునర్నవి భూపాలంతో కలిసి వ్యూహాత్మకంగానే ‘రొమాంటిక్‌ ఎంటర్‌టైన్‌మెంట్‌’ డిజైన్‌ చేసుకున్నాడోగానీ.. ఈ సీజన్‌ మొత్తానికి సెంటర్‌ ఆఫ్‌ ఎట్రాక్షన్‌ ఎవరు.? అని ఒక్కసారిగా అన్ని ఎపిసోడ్స్‌ తిరగేసి చూస్తే రాహుల్‌ సిప్లిగంజ్‌ మాత్రమే కన్పిస్తాడు.
అసలు గెలవాలనే ఆలోచనతోనే రాహుల్‌ ఎప్పుడూ కన్పించేవాడు కాదు. కానీ, ప్రతి వారం నామినేషన్లలో వుండేవాడు. ఎలిమినేషన్‌ ప్రాసెస్‌కి ప్రతిసారీ నామినేట్‌ అవడం రాహుల్‌కి అలవాటైపోయింది. దాంతో, నామినేషన్స్‌ నుంచి సేవ్‌ అవడానికి గేమ్‌ ప్లాన్స్‌ ఏమీ వేసుకోవాల్సిన అవసరం లేదు. కానీ, ఎప్పుడైతే ఫేక్‌ ఎలిమినేట్‌ అయ్యాడో, ఆ తర్వాత రాహుల్‌ సీన్‌ మారిపోయింది.
‘అమ్మ చెప్పింది కాబట్టి’ అనుకున్నాడేమో, గేమ్‌ మీద ఫోకస్‌ ఎక్కువ పెట్టాడు. అదే రాహుల్‌ని విజేతగా నిలిపింది. పైగా, శ్రీముఖి మీద గెలిచి, టైటిల్‌ విన్నర్‌ అవడం రాహుల్‌కి ఇంకా స్పెషల్‌. ఎందుకంటే, హౌస్‌లో ఈ ఇద్దరి మధ్యా చాలా పెద్ద గొడవలు జరిగాయి మరి. టాప్‌ ఫైవ్‌లోకి రాహుల్‌ వెళ్లడమే ఓ విచిత్రం. అది అలీ రెజా తప్పిదం వల్ల జరిగిందని కొందరు అనొచ్చుగాక. కానీ, రాహుల్‌ గెలవాలని చాలామంది కోరుకున్నారు. ఆ స్థాయిలో జనం కోరుకోకపోయి వుంటే, రాహుల్‌ విజేత అయ్యేవాడే కాదు.
కానీ, రాహుల్‌ సిప్లిగంజ్‌ గెలుపుపై చాలా అనుమానాలు వెల్లువెత్తుతున్నాయి. టాప్‌ ఫైవ్‌ కంటెస్టెంట్స్‌కి సంబంధించి అయినా ఓట్ల వివరాల్ని ప్రకటించి వుంటే బావుండేదేమో.!
320038 394077Some genuinely fascinating information, well written and usually user genial . 71080