ప్రముఖ సినీ నటి భానుప్రియ అరెస్ట్ కు రంగం సిద్ధమైంది. ఆమెను ఏ క్షణం అయినా అరెస్ట్ చేసే అవకాశాలు కనిపిస్తున్నాయి. అసలు వివరాల్లోకి వెళితే .. చెన్నై లో ఉంటున్న భానుప్రియ తన ఇంటి పనికోసం ఓ బాలికను నియమించుకున్నారన్న ఆరోపణలు ఆమె ఎదుర్కొంటున్నారు. దీంతో భానుప్రియ పై చెన్నై పోలీస్ స్టేషన్ లో కేసు నమోదైంది. ఆమె సామర్లకోట కు చేయండిన ఓ మైనర్ బాలికను పనిలో పెట్టుకుందని దాంతో ఆమె పై ఆమె తమ్ముడిపై కూడా బాలల కార్మిక హక్కుల చట్టం కేసు నమోదు చేసారు.
ఈ జనవరి 19న పాండీబజార్ లో భానుప్రియ ఆమె సోదరుడు ఓ అమ్మాయి పై కేసు పట్టారు. 16 ఏళ్ల అమ్మాయి తన ఇంట్లో దొంగతనానికి పాల్పడిందని, తాము అడగడంతో దొంగిలించిన వస్తువుల్లో కొన్ని తిరిగి ఇచ్చిందని వారు తెలిపారు. అయితే ఇంకా విలువైన వస్తువులు ఉన్నాయని పేర్కొన్నారు. తాము పోలీసులకు పిర్యాదు చేయబోతే ఆ అమ్మాయి తల్లి ఏడ్చిందని అందుకే కేసు వాపసు తీసుకున్నట్టు వారు పేర్కొన్నారు. పోలీసులు పిల్లల సంరక్షణ విభాగం వాళ్ళు ఆ అమ్మాయిని తీసుకుని వెళ్లారని భానుప్రియ చెప్పారు.
అక్కడితో ఆ కేసు పూర్తయిందని అనుకున్నారు కానీ బాలల హక్కుల సంగం డిజిపిని కలవడంతో ఆ కేసు మళ్ళి మొదటికి వచ్చింది. దాంతో రంగంలోకి దిగిన పోలీసులు భానుప్రియ ను అరెస్ట్ చేస్తారంటూ తమిళ వర్గాల సమాచారం. భానుప్రియ వాదనను తోసిపుకేసిన బాలల సంఘం బాధిత యువతికి సరైన న్యాయం జరగాలంటూ పోలీసులను కోరింది. మరి ఈ విషయంలో ఏమి జరుగుతుంది అన్నది తెలియాల్సి ఉంది.