న్యాయస్థానం ఏదన్నా విషయమ్మీద తీవ్ర ఆగ్రహం వ్యక్తం చేస్తే.. ఆ విషయమ్మీద ప్రభుత్వం తగిన వివరణ ఇచ్చుకోవాలి.. తీర్పు నచ్చకపోతే, పై కోర్టుని ఆశ్రయించే అవకాశమూ ప్రభుత్వానికి వుంటుంది. అంతే తప్ప, హైకోర్టు ఆదేశాల్ని పెడచెవిన పెట్టి, అడ్డగోలుగా వ్యవహరించడమంటే దాన్ని ఎలా అర్థం చేసుకోవాలి.? న్యాయ కోవిదులు ఈ తరహా వ్యవహారాల్ని తీవ్రంగా తప్పు పడుతున్నారు. కోర్టు ధిక్కరణ.. అంటూ తీవ్రస్థాయిలో మండిపడుతున్నారు.
తెలంగాణ ప్రభుత్వానికీ పలు విషయాల్లో మొట్టికాయలు పడుతున్నాయి న్యాయస్థానాల నుంచి. కానీ, అక్కడి పరిస్థితులు వేరు. ప్రభుత్వంలో వున్నవారు మొండికేయడంలేదక్కడ. ఆంధ్రప్రదేశ్‌లో మాత్రం అలా కాదు.. న్యాయస్థానాలపైనే అధికారపార్టీ నేతలు జుగుప్సాకరమైన వ్యాఖ్యలు చేస్తున్న పరిస్థితిని చూస్తున్నాం.
తాజాగా, రైతు భరోసా కేంద్రం నిర్మాణంపై హైకోర్టు తీవ్రంగా మండిపడింది ప్రభుత్వ తీరుకి సంబంధించి. చిత్తూరు జిల్లా వెదురుకుప్పం మండలం తిరుమలాపల్లి గ్రామంలో తొలుత గ్రామ సచివాలయ నిర్మాణం కోసం ప్రయత్నించింది ప్రభుత్వం. అయితే, మామిడి తోపు, బండి దారి ప్రాంతంలో గ్రామ సచివాలయాన్ని నిర్మించాలన్న ప్రభుత్వ నిర్ణయాన్ని సవాల్ చేస్తూ కొందరు వ్యక్తులు కోర్టును ఆశ్రయించడంతో, హైకోర్టు స్టేటస్‌ కో ఆదేశాలు ఇచ్చింది.
దాంతో, అధికారులు మరింత అత్యుత్సాహం చూపారు. హైకోర్టు ఆదేశాల్ని పక్కన పెట్టి, అక్కడ రైతు భరోసా కేంద్రాన్ని నిర్మించేందుకు చర్యలు చేపట్టారు. ఈ వ్యవహారాలపై హైకోర్టు తీవ్రంగా స్పందించింది. ‘ఓ సారి స్టేటస్‌ కో ఉత్తర్వులు ఇచ్చాక, అదే స్థలంలో మరో పథకం పేరు చెప్పి నిర్మాణం చేస్తారా.?’ అంటూ మండిపడింది. నిజానికి, ప్రభుత్వం ఈ తరహా దుందుడుకు చర్యలకు దిగడం ఇదే మొదటిసారి కాదు. గతంలో, ప్రభుత్వ కార్యాలయాలకు వైసీపీ రంగుల విషయమై ఇటు హైకోర్టు, అటు సుప్రీంకోర్టు చీవాట్లు పెట్టినా అడ్డగోలు వ్యవహారాలకు తెరలేపి.. చివరికి మరింత ఘాటుగా మొట్టికాయలు పడేసరికి, వెనక్కి తగ్గాల్సి వచ్చింది.
ఇదంతా అధికారుల అత్యుత్సాహమా.? ప్రభుత్వ పెద్దల పైత్యమా.? అన్నదానిపై భిన్న వాదనలున్నాయి. ప్రతిసారీ తప్పు చేస్తూ, అడ్డంగా దొరికిపోతూ.. ‘న్యాయస్థానాలు మమ్మల్ని పరిపాలన చేయనివ్వట్లేదు.. మాది ప్రజలెన్నుకున్న ప్రభుత్వం..’ అంటూ అధికార పార్టీ నేతలు వ్యాఖ్యానించడమంటే, ఇదేదో పద్ధతి ప్రకారం న్యాయవ్యవస్థపై జరుగుతున్న దాడి అని ఎందుకు అనుకోకూడదన్నది రాజకీయ విశ్లేషకుల, న్యాయ కోవిదుల ప్రశ్న.
17670 112757It is a shame you dont have a donate button! Id most certainly donate to this outstanding internet web site! I suppose within the meantime ill be pleased with bookmarking and putting your Rss feed to my Google account. I appear forward to fresh updates and will share this weblog with my Facebook group: ) 153231
129048 129480Thank you a good deal for giving everyone an extraordinarily special possiblity to check ideas from here. 302821
748311 68678I like this post very significantly. I will surely be back. Hope that I can go by way of far more insightful posts then. Will likely be sharing your wisdom with all of my pals! 52382
242675 468629Methods for dilution antimicrobial susceptibility beadlets for beagles that grow aerobically-fifth edition. 76517