ఆంధ్రప్రదేశ్ లో రాజకీయాలు ఒక్కసారిగా వేడెక్కాయి. అధికార వైఎస్సార్ సీపీపై అటు తెలుగుదేశం, ఇటు జనసేన విపరీతంగా విరుచుకుపడుతుండగా.. బీజేపీ సైతం ఎడాపెడా విమర్శలు చేస్తోంది. వైఎస్సార్ సీపీ అటు టీడీపీని, ఇటు జనసేనను ధీటుగా ఎదుర్కొంటున్నా… బీజేపీ విషయంలో మాత్రం ఆచితూచి వ్యవహరిస్తోంది. కేంద్రంలో అధికారంలో ఉన్న ఆ పార్టీతో సత్సంబంధాలు అవసరమనే రీతిలో ముందుకెళ్తోంది.
తెలుగుదేశం పార్టీ కూడా బీజేపీతో మళ్లీ కలవడానికి ప్రయత్నాలు చేస్తోంది. ఎన్నికలకు ఏడాది ముందు ఎన్డీఏ నుంచి బయటకు వచ్చిన చంద్రబాబు.. ఇప్పుడు మళ్లీ కాషయ పార్టీతో జట్టు కట్టాలని ఉవ్విళ్లూరుతున్నారు. తనకున్న పరిచయాలతో అన్ని ప్రయత్నాలూ చేస్తున్నారు. కానీ ఢిల్లీ పెద్దలు మాత్రం బాబును అంతగా పట్టించుకోవడంలేదు.
మరోవైపు జనసేన వైఖరి కూడా కాస్త మారింది. మొన్నటి ఎన్నికల్లో బీజేపీ, టీడీపీకి దూరంగా కమ్యూనిస్టులతో కలిసి పోటీ చేసిన పవన్ కల్యాణ్.. తాజాగా బీజేపీతో కలిసి వెళ్లాలని యోచిస్తున్నట్టు తెలుస్తోంది. ఇటీవల ఢిల్లీ వెళ్లి వచ్చిన తర్వాత ఈ విషయలో ఆయన వైఖరి స్పష్టంగా అర్థమవుతోంది. తాను బీజేపీని వీడి బయటకు వెళ్లలేదని సాక్షాత్తు పవనే చెప్పడం.. ప్రధాని మోదీ, బీజేపీ జాతీయ అధ్యక్షుడు అమిత్ షాలపై ప్రశంసలు కురిపించడం ఇందుకు నిదర్శనమని అంటున్నారు.
ఇలా టీడీపీ, జనసేన.. బీజేపీకి దగ్గరయ్యేందుకు ప్రయత్నిస్తుండటం అధికార పార్టీ నేతల్లో కాస్త కలవరం పుట్టిస్తోంది. ఈ నేపథ్యంలో రాష్ట్ర ప్రయోజనాలు, తన వ్యక్తిగత అవసరాల దృష్ట్యా తాము కూడా కమలం పార్టీకి జైకొట్టడమే మంచిదనే భావనలో వైసీపీ అధినేత జగన్ ఉన్నారని ప్రచారం జరుగుతోంది. ఇందులో భాగంగానే ఆయన గురువారం రాత్రి హస్తిన వెళ్లారని.. కానీ అమిత్ షా అపాయింట్ మెంట్ లభించకపోవడంతో తిరిగి వచ్చేశారని చెబుతున్నారు.
రాష్ట్రంలో సొంతంగా ఎదగాలని భావిస్తున్న బీజేపీ.. ఎవరితోనూ పొత్తుకు సుముఖంగా లేదని ఆ పార్టీ నేతలు వివరిస్తున్నారు. అందుకే పవన్ ను సైతం జనసేనను బీజేపీలో విలీనం చేయాలని కోరినట్టు చెబుతున్నారు. మొత్తానికి తాము కలుస్తామంటే తాము కలుస్తామంటూ బీజేపీతో పొత్తుకు ఏపీ పార్టీలు ప్రయత్నాలు చేస్తున్న నేపథ్యంలో కమలనాథులు ఎవరితో కలుస్తారనే అంశం ఆసక్తికరంగా మారింది.
230665 327938You should participate in a contest for among the very best blogs on the internet. I will suggest this internet site! 797555
402400 181422As soon as I discovered this web internet site I went on reddit to share some with the enjoy with them. 605920
563435 841696Some genuinely good stuff on this internet website , I it. 205282
660098 249616I cant say that I completely agree, but then once again Ive never truly thought of it quite like that before. Thanks for giving me something to consider when Im supposed to have an empty mind whilst trying to fall asleep tonight lol.. 101938