‘రాష్ట్ర అభివృద్ధి – రాజధాని’ అంశాలపై జీఎన్ రావు కమిటీ నివేదిక ఇచ్చింది. ప్రభుత్వం కమిటీలు వేయడాన్ని తప్పు పట్టలేం. ఆ కమిటీలు నివేదికలు ఇవ్వడాన్ని తప్పు పట్టలేం. కానీ, ఇలాంటి నివేదికల్లో ప్రాంతాల వారీగా విభజన చేయడమేంటి.? ఉత్తరాంధ్ర, రాయలసీమ ప్రాంతాలు రాష్ట్రంలో వెనకబడి వున్నాయన్నది నిర్వివాదాంశం. కానీ, ఇప్పుడు కొత్తగా మధ్య కోస్తా, దక్షిణ కోస్తా పేర్లు తెరపైకొచ్చాయి. కమిటీ నివేదికలో పంపకాలు జరిగాయి. ని
జానికి.. ఇవన్నీ ఆచరణలోకి వస్తాయా.? అన్నది వేరే చర్చ. కానీ, నివేదిక చూశాక ప్రజల ఆగ్రహావేశాలు కట్టలు తెంచుకుంటున్నాయి. మరీ ముఖ్యంగా అమరావతి ప్రాంతం భగ్గుమంటోంది. రాజధాని కోసం తమ భూములు ఇచ్చిన రైతులు, ఇప్పుడు ప్రభుత్వం తమను సర్వనాశనం చేస్తోందంటూ కన్నీరు మున్నీరవుతున్నారు.
నిజానికి, కమిటీ నివేదిక చాలా అద్భుతంగా కన్పిస్తోంది. విశాఖలోనూ, కర్నూలులోనూ, అమరావతిలోనూ అభివృద్ధి.. అన్నట్లుగానే కన్పిస్తోంది. అయితే, ఈ కమిటీల్ని ప్రభుత్వాలు ఎంతవరకు గౌరవిస్తాయి.? అన్నది మిలియన్ డాలర్ల ప్రశ్న. రాజధాని విషయమై కేంద్రం గతంలో వేసిన శివరామకృష్ణ కమిటీ ఏమయ్యిందో అందరికీ తెలుసు. అంతకు ముందు, ఉమ్మడి రాష్ట్ర విభజనపై శ్రీకృష్ణ కమిటీ నివేదిక ఏమయ్యిందో ప్రత్యేకంగా చెప్పాల్సిన పనిలేదు. కాపు రిజర్వేషన్లపై ఏర్పాటయిన కమిటీ కూడా అంతే.
కమిటీల నివేదికల్ని ప్రభుత్వాలు ఎంతవరకు గౌరవిస్తాయి.? అసలు, ఆ కమిటీల నివేదికల్ని ప్రభుత్వాలు ఎలా పేంపర్ చేస్తాయి.? అనేదానిపై భిన్నాభిప్రాయాలున్నాయి. ఉమ్మడి ఆంధ్రప్రదేశ్ రెండుగా విడిపోయాక, 13 జిల్లాల ఆంధ్రప్రదేశ్ తీవ్ర ఆర్థిక సంక్షోభంలో కూరుకుపోయింది. ఇప్పుడు ఆ సంక్షోభం పదింతలయ్యే పరిస్థితి కన్పిస్తోంది. ఒక్క నగరాన్ని అభివృద్ధి చేసుకోలేని దుస్థితి రాష్ట్రానిది. అలాంటప్పుడు, మూడు హైకోర్టు బెంచ్లు.. రెండు చోట్ల అసెంబ్లీలు.. రెండు చోట్ల ముఖ్యమంత్రి కార్యాలయాలు.. ఇవన్నీ సాధ్యమయ్యే పనేనా.?
ఎవర్ని వంచించడానికి ఈ రిపోర్ట్ తెరపైకొచ్చిందోగానీ.. ఇదొక రాజకీయ కుట్ర.. అనే అభిప్రాయాలు వివిధ రాజకీయ పార్టీల నుంచి వ్యక్తమవుతున్నాయి. ఇప్పటికే ఉత్తరాంధ్ర ప్రజల దృష్టిలో విపక్షాల్ని దోషిగా చూపే ప్రయత్నం అధికార పార్టీ చేస్తోంది. రాయలసీమ దృష్టిలోనూ విపక్షాలు దోషిగా మారుతున్నాయి.. అధికార పార్టీ వికృత రాజకీయ క్రీడ కారణంగా. కేవలం రాజకీయ క్రీడలో భాగంగానే రాజధాని విషయమై కొత్త కొత్త రచ్చ.. అంటే అధికార వైఎస్సార్సీపీని చరిత్ర క్షమించదుగాక క్షమించదు.
598639 219151Outstanding post, I conceive internet site owners really should learn a good deal from this blog its real user pleasant. 428566