మహా సముద్రం సోలో హీరో అయితే చేస్తామన్నారు – అజయ్ భూపతి

ఆరెక్స్ 100 సినిమాతో సెన్సేషన్ సృష్టించిన అజయ్ భూపతి తన రెండో సినిమా కోసం కొంత బ్రేక్ తీసుకున్నాడు. ఈ దసరాకు 14న మహా సముద్రం విడుదల కాబోతోంది. ఈ సందర్భంగా అజయ్ భూపతి చాలా కాన్ఫిడెంట్ గా ఈ చిత్రం గురించి విశేషాలను పంచుకున్నాడు.

మహా సముద్రం ఐడియా ఆరెక్స్ 100 కంటే ముందే ఉంది. ఆరెక్స్ 100 విజయం తర్వాత నాకు చాలా ఆఫర్లు వచ్చాయి కానీ మహా సముద్రం చేద్దామనే ఫిక్స్ అయ్యాను. ఈ సినిమా గురించి చాలా మంది హీరోలను అప్రోచ్ అయ్యాను. అందరికీ కథ నచ్చింది. సోలో హీరోగా అయితే చేస్తామన్నారు. నేను నో అన్నాను. చివరికి శర్వానంద్, సిద్ధార్థ్ ఫిక్స్ అయ్యారు. మల్టీస్టారర్ చూడటం ప్రేక్షకులకు తెలీని కిక్ ను ఇస్తుంది. దానికోసమే నేను మహా సముద్రం చేయాలనుకున్నాను.

మహా సముద్రం ఓపెన్ డ్రామా. అందరికీ అన్నీ తెలుస్తూ ఉంటాయి కానీ అక్కడక్కడా వచ్చే ట్విస్ట్ లు ఆకట్టుకుంటూ ఉంటాయి. నా సినిమాల్లో ఫీమేల్ పాత్రలు స్ట్రాంగ్ గా ఉండాలని అనుకుంటాను. అలాగే ప్రతీ పాత్రకు ఒక అర్ధం ఉంటుంది. ఒక ఆరంభం, ఎండ్ ఉంటాయి. ఇలా వచ్చి అలా వెళ్లిపోయే పాత్రలు ఉండవు.

మహా సముద్రం వైజాగ్ పరిసర ప్రాంతాల్లో చిత్రీకరించాం. కోవిద్ పరిస్థితుల మధ్య సురక్షితంగా నాలుగు నెలల్లో షూట్ ను ఫినిష్ చేసేసాను. ఈ చిత్రానికి ఎంత బడ్జెట్ అయిందో నిజంగా నాకు తెలీదు. నా నిర్మాతలు ఎప్పుడూ చెప్పలేదు. నాకు అంత ఫ్రీడమ్ ఇచ్చారు. ఇందులో నటించిన వారు కాకుండా కేవలం పాత్రలు మాత్రమే కనిపిస్తాయి.

ఈ చిత్రంలో డైలాగ్స్, సాంగ్స్ ప్రధాన ఆకర్షణల్లో నిలుస్తాయి. ముఖ్యంగా బ్యాక్ గ్రౌండ్ స్కోర్ ను కుమ్మేసాడు చైతన్. ఇక డైలాగ్స్ అయితే సింపుల్ గా ఉంటూనే ఫిలాసఫికల్ గా అనిపిస్తాయి. నా మూడో చిత్రానికి సంబంధించిన స్క్రిప్ట్ కూడా సిద్ధంగా ఉంది. ఇంకా హీరో ఎవరు అన్నది తెలీలేదు. ప్రస్తుతం చర్చలు నడుస్తున్నాయి. త్వరలోనే చెబుతాను.