సినిమాలు తీయడమెప్పుడో మర్చిపోయిన ఒకప్పటి సంచలన దర్శకుడు రామ్‌ గోపాల్‌ వర్మ, ఇప్పుడు సోషల్‌ మీడియాలో సంచలన ‘పిట్ట’, అదేనండీ ట్విట్టర్‌ పిట్టగా మారిపోయిన సంగతి తెల్సిందే. ఎప్పుడు ఎవరి మీద సినిమా తీస్తానని అనౌన్స్‌ చేస్తే జనం తనను గట్టిగా పట్టించుకుంటారు? అన్న కోణంలో మాత్రమే ఆలోచిస్తోన్న వర్మ, కుప్పలు తెప్పలుగా టైటిల్స్‌ ప్రకటించేస్తున్నాడు, వాటిని తన ‘పబ్లిసిటీ అవసరం’ తీరిపోగానే, కాలగర్భంలో కలిపేస్తున్నాడు.
మొన్న కేసీఆర్‌ జీవిత చరిత్ర ‘టైగర్‌ కేసీఆర్‌’ అన్నాడు, నిన్న ‘కమ్మ రాజ్యంలో కడప రెడ్లు’ అనే టైటిల్‌ ప్రకటించి నికృష్ట కుల రాజకీయాలకు తెరలేపాడు. జయలలిత బయోపిక్‌ ఏమయ్యింది.? అంతకు ముందు ప్రకటించిన చాలా సినిమాలేమయ్యాయి.? అనడిగితే, అంతా ‘నా ఇష్టం’ అంటాడు వర్మ, అంతకు మించి ఇంకో సమాధానం అతని దగ్గర వుండదు కదా. ఇక, ఇప్పుడు వర్మ, పవన్ కళ్యాణ్ మీద సెటైర్‌ వేసేశాడు. తనను ఓడించేందుకు ప్రత్యర్థులు 150 కోట్లు ఖర్చు చేశారని పవన్ కళ్యాణ్ రాజకీయ విమర్శ చేయగానే, రామ్‌గోపాల్‌ వర్మకి ప్రజాస్వామ్యం గుర్తుకొచ్చేసింది.
PK saying he lost becos 150cr given to voters is a real insult to voters bcos he’s saying people who he wants to serve r corrupt.If voters wanted him they could take money from othrs nd still voted him.If PK also has to give money for votes what’s point in being PK? Just asking
— Ram Gopal Varma (@RGVzoomin) June 9, 2019
అసలు, ప్రజాస్వామ్యం.. ప్రజా సేవ వంటి అంశాలు తనకు తెలియనే తెలియవని చెప్పే వర్మకి పవన్ కళ్యాణ్ వ్యాఖ్యలు గట్టిగా తగలడమేంటో. బహుశా స్వామి భక్తి ప్రదర్శిస్తున్నట్టున్నారు. చంద్రబాబునో, వైఎస్ జగన్‌నో పవన్ పరోక్షంగా విమర్శిస్తే, రామ్‌గోపాల్‌ వర్మకి కోపం రావడం చాలామందిని ఆశ్చర్యపరిచింది. ఇటీవలి ఎన్నికల్లో డబ్బు, మద్యం ఏరులై ప్రవహించింది. మరీ ముఖ్యంగా, భీమవరంతోపాటు గాజువాక నియోజకవర్గంలో ప్రధాన రాజకీయ పార్టీలు చేసిన ఖర్చు, నడిపిన వ్యవహారాలకు సంబంధించి సోషల్‌ మీడియా వేదికగా చాలా వీడియోలు దర్శనమిచ్చాయి. అప్పుడు పెగలని నోరు, ఇప్పుడు పెగలడమేంటి వర్మగారూ? అని జనం ప్రశ్నిస్తున్నారు.
అఫ్‌కోర్స్‌, ఆయనగారు ప్రశ్నిస్తాడు తప్ప ఎవరి ప్రశ్నలకూ సమాధానమిచ్చే ధైర్యం లేని సంచలన ట్విట్టర్‌ పిట్టని ఎవరైనా ప్రశ్నించడం దండగ అనుకోండి. అది వేరే సంగతి. అయినా, పబ్లిసిటీ కోసం ఆ పార్టీ పంచనా, ఈ పార్టీ పంచనా చేరి ‘నాకు రాజకీయాలతో సంబంధం లేదు’ అని చెప్పుకునే రామ్‌గోపాల్‌ వర్మ, సోషల్‌ మీడియాకెక్కి ‘జస్ట్ ఆస్కింగ్‌’ అంటూ అమాయకంగా ప్రశ్నిస్తే అంతకన్నా హాస్యాస్పదం ఇంకోటుండదు.
మొన్నామధ్య ‘నాలాగా డైరెక్టుగా ఓపెన్‌గా మాట్లాడే ధైర్యం లేక..’ అంటూ ఎవర్నో ఉద్దేశించి వర్మ సెటైర్లు వేశాడు. ధైర్యమంటే, ఎవడో ఇచ్చిన డబ్బులతో వాడికి నచ్చినట్టు చరిత్రను వక్రీకరించి సినిమాలు తీయడమా? ఇదీ అసలు సిసలు జస్ట్ ఆస్కింగ్‌ అంటే. ధైర్యముంటే, ఇప్పుడు జగన్‌కి వ్యతిరేకంగా సినిమా తీయాలి. ఓపెన్‌గా మాట్లాడే దమ్ముంటే, తెలంగాణలో కేసీఆర్‌కి వ్యతిరేకంగా నినదించాలి. ఇంకా నయ్యం, అంత సీనే వుంటే, ఆయన రామ్‌గోపాల్‌ వర్మ ఎందుకవుతాడు?
443671 569631Ill correct away grasp your rss feed as I cant in locating your e-mail subscription hyperlink or e-newsletter service. Do youve any? Please let me realize so that I may possibly subscribe. Thanks. 391667
727985 587871Following study several with the weblog articles for your internet website now, and i also genuinely such as your strategy for blogging. I bookmarked it to my bookmark internet site list and are checking back soon. Pls take a appear at my internet page in addition and tell me what you believe. 931344
348808 18379Yeah bookmaking this wasnt a high risk determination outstanding post! . 840711