దేవి శ్రీ తో నాకు పెళ్ళంటున్నారు : పూజిత ?

మ్యూజిక్ డైరెక్టర్ దేవి శ్రీ తో నాకు పెళ్ళని అంటున్నారు అంటూ షాక్ అయింది అందాల భామ పూజిత పొన్నాడ ? లేటెస్ట్ గా ఈ అమ్మడు హవీష్ హీరోగా వచ్చిన 7 సినిమాలో నటించింది. రంగస్థలం సినిమాలో ఆది పినిశెట్టి కి జోడిగా కథలో కీ రోల్ పోషించిన పూజిత అచ్చ తెలుగు అమ్మాయి. ముందు షార్ట్ ఫిలిమ్స్ ద్వారా క్రేజ్ తెచ్చుకున్న ఈమె ఆ తరువాత పలు చిత్రాల్లో చిన్న చిన్న పాత్రల్లో రాణించింది ఇప్పుడు హీరోయిన్ గా మారింది. రంగస్థలంతో మంచి క్రేజ్ తెచ్చుకున్న పూజిత ఆ తరువాత లక్ష్మి రాయి మెయిన్ లీడ్ లో నటించిన వెర్ ఇస్ ద వెంకట లక్ష్మి అనే సినిమాలో నటించింది. రంగస్థలం తో పాటు సుకుమార్ బ్యానర్ లో వచ్చిన దర్శకుడు సినిమాలో కూడా పూజిత నటించింది. ఈ సినిమాల సమయంలో సంగీత దర్శకుడు దేవి శ్రీ తో ప్రేమలో పడిందంటూ ప్రచారం జరిగింది.

తాజాగా ఈమె ఈ రూమర్స్ గురించి స్పందించింది. 7 సినిమా ప్రమోషన్ లో భాగంగా పూజిత మాట్లాడుతూ .. నేను దేవి శ్రీ ప్రసాద్ తో ప్రేమలో పడ్డానంటూ వస్తున్న వార్తల్లో ఎలాంటి నిజం లేదు. అసలు రంగస్థలం 100 రోజుల వేడుక ముందు వరకు ఆయనను ఒక్కసారికూడా చూడలేదని చెప్పింది. నాకు దేవి శ్రీ గారికి పెళ్లైనట్టు వచ్చిన వార్తలు చూసి షాకయ్యాననితెలిపింది. దేవి సర్ తో నేను రంగస్థలం 100 డేస్ వేడుకలో మాత్రమే మాట్లాడాను, అంత మాత్రానా మా ఇద్దరి మధ్య లవ్ ఉన్నట్టు అనుకుంటారా? మా ఇద్దరి గురించి న్యూస్ వచ్చి చాలా రోజులు అవుతుంది .. అసలు నేను ఎప్పుడు కలవని, మాట్లాడని వ్యక్తితో నాకు పెళ్లి ఎలా అవుతుంది అంటూ స్పందించింది పూజిత.

ఒకప్పుడు రూమర్స్ వచ్చినప్పుడు బాధ పడేదాన్ని .. కానీ ఇప్పుడిప్పుడే వాటిని ఈజీగా తీసుకుంటున్నా అంటూ చెప్పింది. అయినా మన పాపులారిటీ చూసి ఇలాంటివి పుట్టిస్తారంటూ మరో బాణం వేసింది పూజిత. మొత్తానికి ఈ తెలుగు పిల్ల ప్రస్తుతం తెలుగులో వరుసగా అవకాశాలు అందిపుచ్చుకుంటుంది.