మెగాస్టార్ చిరంజీవి 151వ సినిమాగా అత్యంత భారీ బడ్జెట్ తో గ్రాఫికల్ వండర్ గా గాంధీ జయంతి కానుకగా అక్టోబర్ 2న ప్రపంచవ్యాప్తంగా 5 భాషల్లో రిలీజ్ కానున్న సినిమా ‘సైరా నరసింహారెడ్డి’. చిరంజీవి 10 ఏళ్ళ క్రితమే ఈ కథ విని, ఇన్నాళ్లు బడ్జెట్ పెట్టె నిర్మాత కోసం వెయిట్ చేసి ఫైనల్ గా తన కుమారుడు రామ్ చరణ్ నిర్మాతగా ఈ సినిమాని తెరకెక్కించారు. తెలుగు ప్రేక్షకులతో పాటు ఇతర భాషల సినీ అభిమానులు కూడా ‘సైరా’ కోసం భారీ అంచనాలతో ఎదురు చూస్తున్నారు.
అసలు ‘సైరా’ సినిమాలో ఇది వరకూ చెప్పని, చూపించని, ఎలాంటి కథ, కాంబినేషన్స్ ఉండబోతున్నాయి.. అసలు ఈ సినిమా మిస్ కాకుండా చూడాలి అనడానికి గల 5 కారణాలు మీకోసం.
1. ప్రపంచానికి తెలియని ‘ఉయ్యాలవాడ నరసింహారెడ్డి’ వీర గాధ.
సుమారు 200 సంవత్సరాల పాటు భారతదేశాన్ని పరిపాలించి, మన సంపద మొత్తం దోచుకున్న బ్రిటీషువారిపై ఎందరో స్వాతంత్య సమరయోధులు పోరాటం చేసి మనకు స్వాతంత్య్రం తెచ్చి పెట్టారని చదువుకున్నాం. కానీ ఎందరో స్వాతంత్య్ర సమరయోధులకు మొట్ట మొదట సరిగా స్ఫూర్తిని రగిలించి, బ్రిటిష్ వారిపై తిరుగుబాటు చేసిన వీరుడు మన తెలుగు వాడు, రాయలసీమ గడ్డ మీద జన్మించిన యోధుడు ‘ఉయ్యాలవాడ నరసింహారెడ్డి’.
కానీ ఈ విషయం ఎవరికీ తెలియకుండా చరిత్రలో ఎప్పుడో కనుమరుగైపోయింది. కానీ ఆ వీరుడి కథ ప్రపంచానికి తెలియాలని, ఎంతో పరిశోధించి ‘సైరా నరసింహారెడ్డి’ సినిమాగా తెలుగుతో పాటు పాన్ ఇండియన్ సినిమాగా ప్రేక్షకుల ముందుకు తీసుకువస్తున్నారు. ఇది ఎవరికీ తెలియని కథ కాబట్టి ఇందులో ప్రతి పాత్ర, ప్రతి ఎమోషన్, ప్రతి పోరాటం చూసే ప్రేక్షకులకి రోమాలు నిక్కబొడుచుకునేలా చేస్తుంది. సో డోంట్ మిస్ ఫ్రెండ్స్..
2. పాన్ ఇండియా స్టార్స్ కలిసి చేసిన మొదటి సినిమా .
మామూలుగా కొన్ని పాన్ ఇండియన్ సినిమాలో కొంత పరిచయం ఉన్న లేదా అసలు పరిచయం లేని యాక్టర్స్ కనిపిస్తుంటారు. కానీ ‘సైరా’లో మాత్రం అన్ని భాషల్లో ఇండియన్ రేంజ్ స్టార్ ఇమేజ్ ఉన్న హీరోలు అందరూ కలిసి చేయడం.
>> మొదటగా మెగాస్టార్ చిరంజీవి సౌత్ ఫిలిం ఇండస్ట్రీతో పాటు బాలీవుడ్ కి పరిచయస్తుడే.
>> అల్ ఇండియా సూపర్ స్టార్ అమితాబ్ బచ్చన్ ఈ సినిమాలో కీ రోల్ చేస్తున్నాడు. ఆయన తెలుగు సినిమాలో లెంగ్త్ ఎక్కువ ఉన్న ఒక ముఖ్య పాత్రలో నటించడం ఇదే మొదటిసారి కావడం విశేషం.
>> తమిళ్ లో సూపర్ స్టార్డం ఉన్న ‘మక్కల్ సెల్వన్’ విజయ్ సేతుపతి కూడా ఇందులో ఓ వీరుడి పాత్ర చేసాడు. విజయ్ సేతుపతికి కూడా ఇదే మొదటి తెలుగు సినిమా.
>> కన్నా సూపర్ స్టార్ ‘కిచ్చ’ సుధీప్ మరో వీర యోధుడుగా కనిపించనున్నాడు.
>> హీరోయిన్స్ పరంగా నయనతార, తమన్నా, అనుష్క లాంటి పాన్ ఇండియా హీరోయిన్స్ నటించారు.
ఇలా స్టార్డంలో ఓ రేంజ్ లో ఉన్న హీరో – హీరోయిన్స్ కలిసి చేస్తున్న మొట్ట మొదటి పాన్ ఇండియా సినిమా ‘సైరా’. సో ఈ కాంబినేషన్ తెరపై ఎలా మిస్ అవ్వగలం.
3. ఫెంటాస్టిక్ గ్రాఫిక్స్ మరియు వార్ ఎపిసోడ్స్
‘బాహుబలి, ‘రోబో’ ల రికార్డ్స్ ని బ్రేక్ చేస్తూ ఇండియన్ స్క్రీన్ మీద మొట్ట మొదటిసారి వస్తున్న భారీ విజువల్ ఎఫెక్ట్స్ ఉన్న సినిమా ‘సైరా’. ‘బాహుబలి’ సినిమాలో 2,300 విఎఫ్ఎక్స్ షాట్స్ ఉంటే ‘సైరా’ లో 3,800 విఎఫ్ఎక్స్ షాట్స్ ఉన్నాయి. ఇండియన్ సినిమా పరంగా ఇదే రికార్డ్. దీన్ని బట్టే అర్థం చేసుకోవచ్చు సినిమాలో గ్రాఫిక్స్ ఏ రేంజ్ లో ఉంటుందనేది.
ఇకపోతే ఇదొక పీరియాడిక్ వార్ ఫిల్మ్.. అందులోనూ బ్రిటిష్ వారి పై పోరాటం చేసిన సినిమా. ముఖ్యంగా 1840లలో జరిగిన కథ కాబట్టి అప్పటి యుద్ధ విధానాలు, టెక్నిక్స్, వారు వాడిన ఆయుధాలు అన్నీ థియేటర్ లో ఆడియన్స్ చేత పక్కాగా ఈలలు వేయిస్తాయి. మరి ఈ రేంజ్ విజువల్ ఎఫెక్ట్స్, వార్ ఎపిసోడ్స్ ఉన్న సినిమాని బిగ్ స్క్రీన్ పై ఎలా మిస్ అవ్వగలం.
4. చిరంజీవి కెరీర్లోనే చేయని జానర్.
మెగాస్టార్ చిరంజీవి సినీ ప్రయాణం 41 సంవత్సరాలు. ఈ 41 ఏళ్ళలో ఆయన 150 సినిమాల మైలురాయిని ఇటీవలే క్రాస్ చేశారు. చిరు నుంచి వస్తున్న 151వ సినిమా ‘సైరా’. చిరు కెరీర్లో ఇప్పటి వరకూ ఎన్నో రకాల పాత్రల చేశారు కానీ ఒక్క పీరియడ్ ఫిల్మ్ గానీ, వీరుడి పాత్రలో కనిపించలేదు. ఇన్నేళ్ళ కెరీర్లో చిరు చేస్తున్న మొట్ట మొదటి పీరియడ్ ఫిలిం, అందులోనూ వీరోచిత పోరాటాలు చేసే వీరుడిగా చేస్తున్న సినిమా కావడం వల్ల ముందు నుంచే అంచనాలు ఉన్నాయి. మరి చిరు ముందెన్నడూ చేయని పాత్ర, యుద్ధ భూమిలో పోరాటాలు చేస్తూ దూసుకెళ్తుంటే మనం ఎలా మిస్ అవుతాం.
5. ‘సైరా’లో ‘న భూతో న భవిష్యత్’ అనిపించే కొన్ని ఎపిసోడ్స్ .
ఎక్కువ ఆధారాలు, ప్రపంచానికి పెద్దగా తెలియని ‘సైరా’ లాంటి కథతో సినిమా చేయడం చాలా కష్టం. కానీ చిరు అనుకున్న డ్రీంని పర్ఫెక్ట్ గా తెరపైకి తీసుకురావడంలో డైరెక్టర్ సురేందర్ రెడ్డి సూపర్ సక్సెస్ అయ్యాడు. కానీ ఈ సినిమా చేసే టైంలో ఆయన ఫేస్ చేసిన చాలెంజస్ ఎన్నో..
>> స్టార్ హీరో అయిన మెగాస్టార్ చిరంజీవి నటించిన ‘సైరా’ లాంటి సినిమాలో క్లైమాక్స్ లో హీరో చనిపోవడం అనేది ఇదే మొదటిసారని చెప్పాలి. కథ తప్పుదోవ పట్టకూడదని ఆ ఎమోషనల్ బ్లాక్ ని క్లైమాక్స్ గా ఎంచుకోవడం కూడా చిరు, సురేందర్ రెడ్డి గట్స్ అని చెప్పాలి. మరి ఆ బ్లాక్ అందరి చేత కంటతడి పెట్టించడమే కాదు, అక్కడ పవన్ కళ్యాణ్ వాయిస్ ఓవర్ పోరాట స్ఫూర్తిని నింపుతుందని సమాచారం.
>> జార్జియాలోని నొస్సామ్ పోర్ట్ వార్ ఎపిసోడ్ సినిమాకే హైలైట్. 2500 జూనియర్ ఆర్టిస్ట్స్ మరియు ఫైటర్స్ తో 35 రోజులు కేవలం రాత్రి పూట ఈ యాక్షన్ బ్లాక్ ని షూట్ చేసారు. ఈ ఒక్క వార్ ఎపిసోడ్ కే 70 కోట్ల బడ్జెట్ అయ్యింది.
>> ‘సైరా’లో జాతర అంటూ సాగే ఓ పాటలో 4500 మంది డాన్సర్స్ పార్టిసిపేట్ చేసారు. అలాగే 14 రోజుల పాటు ఈ పాటని షూట్ చేశారు. అన్ని రోజులు ఇంత మందితో లోకేషన్ లో పాట షూట్ చేయడం అనేది మామూలు విషయం కాదు.
>> మునుపెన్నడూ లేని విధంగా ‘సైరా’లోని బ్రిటిష్ వారి పాత్రల కోసం డైరెక్ట్ గా లండన్ లోనే ఆడిషన్స్ పెట్టి ఆర్టిస్టులను సెలెక్ట్ చేసుకున్నారు.
మరి అసాధ్యం అనుకున్నవి కూడా ఇలా సుసాధ్యం చేసుకుంటూ చేసిన మరెన్నో సన్నివేశాలు, ఫైట్ బ్లాక్స్ ఈ సినిమాలో ఉన్నప్పుడు ఎలా మిస్ అవుతాం.
చూశారుగా ఫ్రెండ్స్, ఇది వరకు చూడని కాంబినేషన్స్, తెలియని, కథ, మరెన్నో అద్భుతమైన అంశాలతో వస్తున్న ‘సైరా నరసింహారెడ్డి’ని ఎలా చూడకుండా ఉండగలం. ఏమంటారు ఫ్రెండ్స్.. మీ ఒపీనియన్ నికింద కామెంట్స్ లో తెలపండి.
395463 315231I undoubtedly did not realize that. Learnt something new appropriate now! Thanks for that. 692817