బ్రేకింగ్ న్యూస్: రాజమౌళి ‘ఆర్.ఆర్.ఆర్’ వాయిదా.?

స్వాతంత్య్ర సమరయోధులైన అల్లూరి సీతారామరాజు – కొమరం భీమ్ నిజ జీవిత పాత్రలతో కల్పిత కథగా వస్తున్న ఈ సినిమా షూట్ మొదలు కాకముందే 2010 జూలై 30న సినిమాని రిలీజ్ చేస్తామని రాజమౌళి అనౌన్స్ చేశారు. రాజమౌళి డేట్ అనౌన్స్ చెయ్యడం అది వాయిదా పడడం బాహుబలి విషయంలో చాలా కామన్ అయ్యింది. విజువల్స్ ఎఫెక్ట్స్ ఎప్పటికి రెడీ అవుతాయో పర్ఫెక్ట్ గా అంచనా వేయకపోవడం వల్ల ఆ తప్పిదం జరిగింది. కానీ ఈ సారి అన్నీ పక్కాగా ప్లాన్ చేసుకొని దిగినా  ‘ఆర్.ఆర్.ఆర్’ వాయిదా పడక తప్పడం లేదు.

దానికి కారణం ఇప్పటి వరకూ ప్లాన్ చేసిన షెడ్యూల్స్ అనుకున్న దానికన్నా తక్కువ జరగడం. మొదట షూట్ లో రామ్ చరణ్ కి గాయం అవ్వడం, ఆ తర్వాత రామ్ చరణ్ సైరా ప్రమోషన్స్ లో బిజీగా ఉండడం లాంటి వల్ల సినిమా షూటింగ్ అనుకున్న విధంగా జరగడంలేదు.

హిందీలో కూడా భారీగానే ఈ సినిమాని రిలీజ్ చేయనున్నారు. మొదట ఈ సినిమా వస్తుందని హిందీలో ఏ సినిమా రిలీజ్ పెట్టుకోలేదు. కానీ ఈ చిత్ర షూట్ లేట్ అవుతుంది, అలాగే వాయిదా పడే అవకాశం ఉందని తెలుసుకున్న హిందీ నిర్మాతలు ఆ డేట్ కి వేరే సినిమాలను రిలీజ్ చేస్తున్నారు. ప్రస్తుతానికి కార్తీక్ ఆర్యన్ నటించనున్న ‘భూల్ బులయ్య 2′ ని 2020 జులై 31న రిలీజ్ చేయడానికి ఫిక్స్ అయ్యారు. మరికొన్ని రిలీజ్ కి సిద్ధం అవుతున్నాయి. ఇవన్నీ చూస్తుంటే పక్కాగా  ఆర్.ఆర్.ఆర్’ వాయిదా పడుతుందని చిత్ర వర్గాలు చెబుతున్నాయి.

మరి ఇక నుంచైనా రాజమౌళి షెడ్యూల్స్ బ్రేక్ లేకుండా కంటిన్యూగా జరిపి ఆన్ టైం రిలీజ్ చేస్తారా లేక వాయిదా వేసుకోవడమే బెటర్ అని ఫిక్స్ అవుతారో చూడాలి. సుమారు 300 కోట్ల భారీ బడ్జెట్ తో, భారీ విజువల్ ఎఫెక్ట్స్ ఉండేలా 5 భాషల్లో విడుదలయ్యేలా షూట్ చేస్తున్నారు.